PROF MUHONGO AKAMILISHA AHADI YAKE YA SARUJI MIFUKO 100

Posted on September 23, 2019September 23, 2019

Msaidizi wa Mbunge, Ndugu Fedson Masawa akikabidhi SARUJI MIFUKO 50

Na: Fedson Masawa

Msaidizi wa Mbunge

MBUNGE wa Jimbo la Musoma Vijijini Prof Sospeter Muhongo, Septemba 20, 2019 alikamilisha AHADI yake ya kuchangia SARUJI MIFUKO 100 kwa ajili ya Ujenzi wa Sekondari Mpya ya Kigera inayojengwa na Vijiji viwili vya Kigera Etuma na Kakisheri vyote vya Kata ya Nyakatende.

AHADI hiyo imekamilika baada ya Msaidizi wa Mbunge, Ndugu Fedson Masawa kukabidhi Kamati ya Ujenzi wa Sekondari hiyo SARUJI MIFUKO 50 kwa niaba ya Mbunge wa Jimbo, Prof Sospeter Muhongo.

Kwa hiyo, idadi hiyo inakamilisha jumla ya SARUJI MIFUKO 100. Hapo awali, Mbunge wa Jimbo alikabidhi SARUJI MIFUKO 50 alipotembelea Kijiji cha Kigera Etuma na kukagua Mradi huo wa Ujenzi.

Sekondari hii ikikamilika, Kata ya Nyakatende itakuwa na Jumla ya SEKONDARI 2 za Kata.

Akizungumza mara baada ya kupokea Saruji hiyo, Mjumbe wa Serikali ya Kijiji cha Kigera Etuma, Ndugu Charles Manyonyi, akiongea kwa niaba ya Wananchi wa Vijiji vya Kigera Etuma na Kakisheri, amemshukuru sana Mbunge wa Jimbo lao, Prof Muhongo kwa MICHANGO yake MIKUBWA anayoitoa Kijijini hapo na ndani ya Jimbo zima la Musoma Vijijini.

Katibu wa Kamati ya Ujenzi wa Sekondari ya Kigera, Ndugu James Majengo amesema Wananchi wa Kigera Etuma na Kakisheri wataendelea na ujenzi kwa kasi kubwa ili kuhakikisha Sekondari hiyo inafunguliwa January 2020.

KIKUNDI KINGINE CHA NGOMA ZA ASILI KUTOKA MKOA WA MARA CHAENDA KUSHINDANA NJE YA MKOA WAO

Posted on September 23, 2019September 23, 2019

Msaidiyi wa Mbunge, Ndugu Hamisa Gamba akimkabidhi TIKETI ZA USAFIRI Kiongozi wa LIRANDI, Ndugu Mtatiro Ijanja.

Mbunge wa Jimbo la Musoma Vijijini, AMECHANGIA USAFIRI wa Kikundi cha LIRANDI cha Kijiji cha Masinono, Kata ya Bugwema kwenda mashindanoni Tukuyu, Mkoani Mbeya.

MASHINDANO haya yanajulikana kwa jina la, “TULIA TRADITIONAL DANCES FESTIVAL”, yatafanyika TUKUYU Mjini, tarehe 26-28.09.2019.

Mashindano haya yanatayarishwa na Mhe Dkt Tulia Ackson, Naibu Spika wa Bunge la Jamhuri ya Muungano wa Tanzania.

Kikundi cha LIRANDI cha Kata ya Bugwema ndicho kilichukua ushindi wa kwanza kwa Mashindano ya NANENANE ya Ngoma za Asili ya Jimbo la Musoma Vijijini yaliyofanyika tarehe 10.08.2019 Kijijini Suguti.

MKOA WA MARA UNAWAOMBEA SANA WAWAKILISHI WAO WARUDI NA USHINDI WA KWANZA

*EGUMBA (Jimbo la Butiama) ichukue ushindi wa kwanza (kimataifa) huko Dar Es Salaam

*LIRANDI (Jimbo la Musoma Vijijini) ichukue ushindi wa kwanza huko Tukuyu, Mbeya

MATUMIZI YA FEDHA ZA MFUKO WA JIMBO YAJADILIWA HADHARANI

Posted on September 19, 2019September 19, 2019

KIKAO cha KUGAWA FEDHA ZA MFUKO WA JIMBO cha Mbunge wa Jimbo la Musoma Vijijini, Prof Sospeter Muhongo kilichofanyika Kijijini Busamba, Kata ya Etaro.

Jumanne, 17.09.2019, Mbunge wa Jimbo la Musoma Vijijini, Prof Sospeter Muhongo, ALIITISHA KIKAO kwenye Kijiji cha Busamba, Kata ya Etaro KUJADILI na KUGAWA FEDHA ZA MFUKO WA JIMBO.

Mbunge wa Jimbo hilo AMEWEKA UTARATIBU wa kufanya VIKAO vya pamoja vya Wananchi na Viongozi wao wa Serikali na Vyama vya Siasa wa ngazi mbalimbali WAKATI WA KUGAWA FEDHA ZA MFUKO WA JIMBO. Vikao hivyo vinafanywa kwa mzunguko ndani ya Kata 21 ya Jimbo hilo. Safari hii KIKAO kimefanyika kwenye KATA YA ETARO.

Wananchi na Viongozi wao wa Kata ya Etaro yenye Vijiji 4 walishiriki.

MADIWANI wa Vyama vyote vya Siasa, yaani, CCM na CHADEMA walishiriki.

CCM iliwakilishwa na Wajumbe wa Kamati ya Siasa ya Wilaya ya Musoma Vijijini wakiwemo, Mwenyekiti wa Wilaya, Ndugu Nyabukika Bwire Nyabukika na Katibu wa Wilaya, Ndugu Stephene Koyo. Viongozi wengine wa CCM na Jumuiya zake walikuwepo.

TAARIFA YA FEDHA ZA MFUKO WA JIMBO

*Fedha hizi ni za Serikali na zinatunzwa na Halmashauri yetu.

*MIUNDOMBINU YA ELIMU kwenye Shule za Msingi na Sekondari bado zinahitaji KUBORESHWA sana, kwa hiyo Fedha za Mfuko wa Jimbo ZITACHANGIA juhudi za WANANCHI za kuboresha MIUNDOMBINU ya ELIMU Jimboni mwetu.

*Fedha taslimu HAZITOLEWI kwa WALENGWA na badala yake WALENGWA wanapewa VIFAA VYA UJENZI VILIVYOOMBWA na kununuliwa na Halmashauri.

*Mwaka wa Fedha wa 2018/2019, Tsh 50.43M zilipokelewa kwenye MFUKO wa JIMBO. Fedha zilizobakia Mwaka 2017/2018 zilikuwa Tsh 4.23M. JUMLA: Tsh 54.66M

*Fedha za MFUKO wa JIMBO kwa Mwaka 2018/2019 (Tsh 54.66M) ZILITUMIKA KUNUNUA: (i) MABATI 931 na (ii) SARUJI MIFUKO 1,155. VIFAA hivyo viligawiwa mashuleni na kila KATA ilipata MGAO wake.

* Fedha zilizopokelewa kwa Mwaka wa Fedha wa 2019/2020 ni Tsh 52.43M. Zilizobakia Mwaka jana ni Tsh 1.46M. JUMLA: Tsh 53.89M

MGAO WA Tsh 53.89M

*Kipaumbele cha kwanza ni Sekondari 2 zitakazofunguliwa Januari 2020.

*Sekondari hizo ni Dan Mapigano Memorial Secondary School ya Kata ya Bugoji na Busambara Secondary School ya Kata ya Busambara.

*Kata nyingine 19 nazo zimepata MGAO wa VIFAA VYA UJENZI kulingana na maombi yaliyowasilishwa.

FEDHA ZA MFUKO WA JIMBO kwa Mwaka 2018/2019 (Tsh 53.89M) zitatumika kununua na kugawa jumla ya: (i) NONDO 200, (ii) MABATI 1,026, (iii) SARUJI MIFUKO 1,150 na (iv) Iwapo bei zitakuwa nzuri na fedha kusalia, fedha hizo zinunue vifaa vya ujenzi na kuendelea kuvigawa ipasavyo.

BUSAMBARA SECONDARY SCHOOL – WANAVIJIJI WAKUBALIANA KUONGEZA KASI YA UJENZI

Posted on September 19, 2019September 19, 2019

Ziara ya M/Kiti wa CCM wilaya Ndugu Nyabukika Bwire Nyabukika na Mbunge wa Jimbo Prof Sospeter Muhongo kwenye eneo la ujenzi wa Busambara Secondary School, Kijijini Kwikuba, Kata ya Busambara

Jimbo la Musoma Vijijini lenye Kata 21 na Vijiji 68 lina Sekondari za Kata/ Serikali 18 na za Binafsi 2.

Wanavijiji WAMEAMUA kujenga SEKONDARI MPYA 9 ili kupunguza umbali watembeao Wanafunzi na Walimu, na kupunguza msongamano madarasani.

Kata ya Busambara yenye Vijiji 3 (Maneke, Kwikuba na Mwiringo) inakaribia kukamilisha Awamu ya Kwanza ya ujenzi wa Sekondari ya Kata yao.

Ujenzi wa Vyumba 4 vya Madarasa umekamilika na kila Darasa lina Madawati 40.

Wanavijiji na Viongozi wao wa ngazi mbalimbali wanaishukuru sana Benki ya NMB kwa kuwapatia Madawati 80 na Viti 80.

Ujenzi wa Ofisi ya Mwalimu Mkuu na ya Walimu wengine unakamilishwa.

Wananchi wa Vijiji 3 vya Kata hiyo WAMEGAWANA KAZI za Ujenzi wa Vyoo, Maabara na Nyumba ya Mwalimu Mkuu. Kazi zimeanza.

Jana, Jumatatu, 16.09.2019, Mbunge wa Jimbo, Prof Sospeter Muhongo na Mwenyekiti wa CCM wa Wilaya ya Musoma Vijijini, Ndugu Nyabukika Bwire Nyabukika WALIKAGUA MAENDELEO YA UJENZI wa Sekondari ya Busambara.

Vilevile walitumia fursa hiyo kuongea na Wanavijiji wa Kata ya Busambara. Maswali yaliulizwa na kujibiwa.

FEDHA na VIFAA vya ujenzi wa Busambara Secondary School vimetoka: (i) Serikalini (TAMISEMI) Tsh 37.5M, na Halmashauri, Tsh 2 M, (ii) Mbunge wa Jimbo-Saruji Mifuko 150 na Bando 8 za Mabati, (iii) Wazaliwa wa Kata ya Busambara (Afande Nyakulinga, Joseph Chikongowe na Advocate Said Chiguma), (iv) Michango ya Wanavijiji wa Tsh 15,000 kutoka kila Kaya, (v) Michango ya WADAU wengine wa Maendeleo.

UAMUZI WA WANAVIJIJI

*NGUVUKAZI kutoka Vijijini iongezeke

*Ujenzi wa Vyoo ukamilike kabla ya tarehe 30 Oktoba 2019

*Ujenzi wa MAABARA ukamilike kabla ya tarehe 30 Novemba 2019

*Ujenzi wa Nyumba ya Mwalimu Mkuu ukamilike ifikapo tarehe 30 Disemba 2019

*Busambara Secondary School IFUNGULIWE na kuchukua WANAFUNZI wa FORM Januari 2020.

UJENZI WA DAN MAPIGANO MEMORIAL SECONDARY SCHOOL WAENDELEA VIZURI

Posted on September 17, 2019September 17, 2019

Ziara ya Mwenyekiti wa CCM Wilaya, Ndugu Nyabukika Bwire Nyabukika na Mbunge wa Jimbo, Prof Sospeter Muhongo wakiwa eneo la ujenzi wa Dan Mapigano Memorial Secondary School, Kijijini Bugoji, Kata ya Bugoji.

Mbunge wa Jimbo la Musoma Vijijijini, Prof Sospeter Muhongo akiambatana na Mwenyekiti wa CCM Wilaya, Ndugu Nyabukika Bwire Nyabukika WAMEFANYA ZIARA Kijijini Bugoji KUKAGUA UJENZI wa Dan Mapigano Memorial Secondary School.

Serikali, Wanavijiji na Viongozi wao, Mbunge wa Jimbo, na Wadau wengine wa Maendeleo ya Kata ya Bugoji WANACHANGIA UJENZI WA SEKONDARI hii.

NGUVUKAZI ya Wanavijiji wa Vijiji vya Kaburabura, Kanderema na Bugiji IMESAIDIA SANA kuharakisha ujenzi huu ulioanza Disemba 2018.

Ujenzi wa Vyumba vya Madarasa vitano (5) umekamilika na kila Chumba (Darasa) kina MADAWATI 40. Ofisi za Mwalimu Mkuu na Naibu wake zimekamilika.

Ujenzi wa Vyoo, Maabara na Nyumba ya Mwalimu Mkuu UMEANZA na unaendelea.

LENGO KUU: Dan Mapigano Memorial Secondary School ifunguliwe Januari 2020 na Wanafunzi wengi wa Form I watoke Vijiji vya Kaburabura, Kanderema na Bugoji (Kata ya Bugoji).

PROF MUHONGO ATUNUKIWA HATI YA HESHIMA

Posted on September 17, 2019September 17, 2019

Msaidizi wa Mbunge, Ndugu Fedson Masawa akipokea HATI ya HESHIMA kwa niaba ya Mbunge wa Jimbo Prof Muhongo. Mbunge wa Jimbo hakuwepo kwani alikuwa kwenye maziko ya Marehemu Mhe Balozi Paul James Ndobho.

Na: Fedson Masawa
Msaidizi wa Mbunge

JUMUIYA ya Wazazi Wilaya ya Musoma Vijijini leo September 14, 2019 imemtunuku HATI ya HESHIMA Mbunge wa Jimbo la Musoma Vijijini Prof Sospeter Muhongo.

Ndugu Julius Kambarage Masubo, Mjumbe wa Baraza la Wazazi Taifa kutoka Mkoa wa Mara ndiye aliyekuwa MGENI RASMI wa Baraza la Wazazi Wilaya ya Musoma Vijijini lililokutana leo Kijijini Chumwi

Akikabidhi HATI hiyo, MGENI RASMI amesema, “HATI hii ni Ishara ya kipekee ya kutambua Mchango na Utendaji kazi mzuri na uliotukuka wa Mbunge wa Jimbo katika kuitekeleza Ilani ya Uchaguzi ya Chama cha Mapinduzi (CCM) ya Mwaka 2015 – 2020 ndani ya Jimbo la Musoma Vijijini na Halmashauri ya Wilaya ya Musoma.

Mgeni Rasmi huyo aliendelea kusema kwamba, HATI hiyo ni kielelezo cha kutambua MCHANGO MKUBWA wa Mbunge huyo kwenye Chama (CCM) na Jumuiya zake zote.

Ndugu Kambarage Masubo ametoa pongezi nyingi kwa Mbunge wa Jimbo la Musoma Vijijini Prof Muhongo kwa Uongozi Shirikishi unaowaunganisha Wananchi wa Musoma Vijijini katika kuharakisa Maendeleo Jimboni mwao.

Jimbo hili halina malumbano ya kisiasa wala halina mivutano ya kikabila – Mbunge wa Jimbo wanawaunganisha Wananchi wote kwenye MIRADI ya Maendeleo bila ubaguzi wa aina yo yote ile.

Wengine waliotunukiwa HATI ya HESHIMA na Jumuiya ya Wazazi ni pamoja na Mwenyekiti wa Halmashauri ya Musoma, Mhe Charles Magoma Nyambita pamoja na Diwani wa Kata ya Bukima Mhe January Simula.

Ndugu Kambarage Masubo ameikumbusha Jumuiya ya Wazazi wawe kitu kimoja kuhakikisha Ilani ya Chama cha Mapinduzi inatekelezwa kwa kasi kubwa chini ya uongozi wa Mwenyekiti wa CCM Taifa Dkt John Joseph Pombe Magufuli.

Kwa upande wake Mwenyekiti wa Jumuiya ya Wazazi Musoma Vijijini, Ndugu Phares Maghubu amesisitiza kuwa Jumuiya ya Wazazi inaendelea kuimarisha mipango yao ya utunzaji wa Mazingira, kuhamasisha uboreshaji wa elimu na kuimarisha nidhamu na maadili kwa Vijana ili kuwa na kizazi chenye maadili mazuri na chenye kujituma katika shughuli za ki-uchumi na maendeleo.

CHAMA CHA MAPINDUZI KATA YA RUSOLI YAMTUNUKU MHE. MBUNGE WA JIMBO HATI YA HESHIMA.

Posted on September 8, 2019September 8, 2019

Msaidizi wa Mbunge akionesha hati ya HESHIMA aliyokabidhiwa Mh. Mbunge wa Jimbo, Prof Sospeter Muhongo

HATI hii ya HESHIMA ni kielelezo cha WANA-RUSOLI kutambua MCHANGO MKUBWA wa MAENDELEO anaoutoa Mbunge wa Jimbo, Prof Sospeter Muhongo kwenye Kata ya Rusoli.

HATI imekabidhiwa na M/kiti wa CCM Kata ya Rusoli Ndugu Sabato Mkome, kwa Msaidizi wa Mbunge Hamisa Gamba, leo tarehe 6/9/2019, kwa niaba ya Mbunge wa Jimbo la Musoma Vijijini Mhe. Prof. Sospeter Muhongo.

Mbunge wa Jimbo, Prof Sospeter Muhongo

ameishukuru sana CCM Kata ya Rusoli, kwa kutambua MCHANGO WAKE MKUBWA kwenye Utekelezaji wa Ilani ya Uchaguzi ya CCM (2015-2020) kwenye Kata hiyo na ndani ya Kata zote za Jimbo la Musoma Vijijini.

WANANCHI WA KIJIJI CHA KABURABURA NAO WAAMUA KUJENGA ZAHANATI YAO

Posted on September 6, 2019September 6, 2019

Wananchi wa Kijiji cha Kaburabura, Kata ya Bugoji wakisomba MCHANGA, kwa ajili ya ujenzi wa Zahanati yao.

Na: Hamisa Gamba

Msaidizi wa Mbunge

Wananchi wa Kijiji cha Kaburabura kilichoko Kata ya Bugoji WAMEAMUA na KUANZA UJENZI WA ZAHANATI YA KIJIJI chao.

HUDUMA za AFYA kwa WAKAZI wa Kijiji cha Kaburabura ZINAFUATWA kwenye VIJIJI JIRANI, yaani Kijiji cha Bugoji, umbali wa kilomita 4 au Kijiji cha Kangetutya, umbali wa kilomita 5, kwenye Wilaya nyingine, Wilaya ya Bunda.

Jumatano, tarehe 4.9.2019 WANAVIJIJI hao wameanza ujenzi wa Zahanati ya Kijiji chao baada ya KUFANYA UAMUZI wa pamoja.

Aidha hatua za ujenzi wa Zahanati hiyo umeanza chini ya Usimamizi wa Mwenyekiti wa Kijiji cha Kaburabura Ndugu Chriphord Masatu, na Kaimu VEO Ndugu Majura Magambo.

Akifafanua juu ya ujenzi huo, Ndugu Chriphord Masatu ambaye ni Mwenyekiti wa Kijiji hicho, amesema kuwa, kazi za Ujenzi wa Zahanati hiyo zitafanyika JUMANNE na ALHAMIS ya kila wiki, huku wakitaraji kukamilisha ujenzi huo ndani ya takribani MIEZI 4 na ifikapo Januari 2020, ujenzi uwe umekamilika.

Ndugu Masatu ameendelea kufafanua kuwa mbali na NGUVUKAZI za WANANCHI za kusomba Mawe, Kokoto, Mchanga na Maji ya ujenzi, WAMEKUBALIANA kwamba KILA KAYA ichangie Tsh. 50,000/= (Elfu hamsini) ili kuhakikisha ujenzi huo unakamilika mapema.

Kazi hizo za AWALI za usombaji wa mchanga, zimeongozwa na Katibu wa CCM wa Tawi la Kaburabura Ndugu Juma Magoti.

Diwani wa Kata ya Bugoji, Mhe Ibrahimund Malima wamewaomba Wananchi wa Kijiji hicho kushirikiana vema ili kuhakikisha ujenzi unakamilika kama ulivyopangwa.

Diwani huyo pia ametoa wito kwa WAZALIWA wa Kijiji cha Kaburabura walioko nje ya Kijiji hicho, KUSHIRIKIANA na Ndugu, Jamaa na Marafiki zao walioko Kijijini hapo, KUKAMILISHA MRADI huu muhimu sana kwa Huduma Bora za Afya zao.

Diwani huyo ametoa taarifa kwamba Group la WhatsApp liitwalo, “KABURABURA NI KWETU,” ndilo Group LINALOWAUNGANISHA Wazaliwa wa Kijiji cha Kaburabura na Rafiki zao kwenye UTEKELEZAJI wa Mradi huu na mingineyo.

Mbunge wa Jimbo, Prof Sospeter Muhongo AMETOA PONGEZI nyingi kwa WANA- KABURABURA kwa UAMUZI wao huo mzuri na ATAENDA KUPIGA HARAMBEE ya ujenzi huo na yeye mwenyewe atachangia SARUJI MIFUKO 100.

ILANI YA CCM ya UCHAGUZI ya 2015-2020 INATEKELEZWA kwa KASI kubwa kwenye Jimbo la Musoma Vijijini:

*Zahanati Mpya 14 zinajengwa Jimboni kwa NGUVUKAZI za Wananchi na Michango ya SERIKALI na WADAU wengine wa Maendeleo

*Kituo cha Afya 1 (Kata ya Nyambono) kinajengwa.

*Hospitali 1 ya Wilaya, Kitongoji cha Kwikonero, Kijiji cha Suguti inajengwa.

HUDUMA ZA AFYA ZITOLEWAZO JIMBONI

*Zahati 24 za Serikali

*Zahanati 4 za Binafsi

*Vituo vya Afya 2 (Murangi na Mugango)

ILANI YA CCM: Kila Kijiji kiwe na Zahanati Moja – Jimbo la Musoma Vijijini lenye Vijiji 68 linatekeleza KWA VITENDO.

VIKUNDI VYA WATU WENYE ULEMAVU VYANUFAIKA NA MIKOPO KUTOKA HALMASHAURI NA BMZ

Posted on September 2, 2019September 2, 2019

Baadhi ya Wanachama wa SHIVYAWATA ERUSULI wakiwa kazini kwenye MRADI wao wa UFUGAJI wa kuku wa kienyeji Kijijini Bwai Kumusoma, Kata ya Kiriba.

Jumatatu, 02.09.2019

Na: Fedson Masawa

Msaidizi wa Mbunge

HALMASHAURI ya Wilaya ya Musoma yenye Jimbo la Musoma Vijijini INAENDELEA kutekeleza AGIZO la SERIKALI la kutoa MIKOPO kwenye MAKUNDI 3, yaani VIJANA, WANAWAKE na WATU WENYE ULEMAVU. Mikopo inatolewa kila Mwaka.

Baadhi ya WATU WENYE ULEMAVU ndani ya Jimbo la Musoma Vijijini WANAENDELEA kupokea MISAADA ya aina mbalimbali kutoka kwenye MRADI wa BMZ wa Serikali ya Ujerumani.

BMZ (Bundesministerium fuer wirtschaftliche Zusammenarbeit und Entwicklung, in English: The Federal Ministry of Economic Cooperation and Development) ina MRADI wa KUSAIDIA WATU WENYE ULEMAVU, wakiwemo WANAFUNZI, kwenye Kata 10 za Jimbo la Musoma Vijijini. MISAADA hiyo ni pamoja na: Matibabu kwenye Hospitali Teule ya Wilaya ya Rorya, KMT SHIRATI, Vifaa Maalum vya Kujimudu, Vifaa vya Shule kwa Wanafunzi, na Mikopo midogo midogo kwa Watu Wenye Ulemavu.

Kikundi cha Watu wenye Ulemavu cha SHIVYAWATA ERUSULI (Wanachama 15) kilichoko Kijijini Bwai Kumusoma, Kata ya Kiriba, kimeanzisha MRADI wa UFUGAJI wa KUKU wa kienyeji baada ya kupokea MKOPO wa Shilingi Milioni 2 kutoka HALMASHAURI ya Wilaya ya Musoma.

Akizungumza na Msaidizi wa Mbunge wa Jimbo la Musoma Vijijini, Msimamizi wa Mradi huo, Ndugu Malandala Titi Masau ameeleza kwamba wametumia FEDHA za MKOPO huo kujenga banda la kuku, kununua vifaa vya kulishia kuku, chakula na madawa ya kuku. Malengo ni kuanza kufuga kuku 100 na hadi juzi walikuwa wameishanunua kuku 64.

Ndugu Titi Masau ameongezea kuwa, mbali ya MKOPO wa Halmashauri yao, SHIVYAWATA ni miongoni mwa Vikundi vya Watu Wenye Ulemavu vilivyo ndani ya MRADI wa BMZ ambao tayari umetoa MKOPO wa Tsh 575,000/= kwenye Kikundi hicho. VIKUNDI vingine 9 navyo vimepokea MIKOPO kutoka kwenye MRADI huu.

Ndugu Hawa Daniel, Mwanachama wa Kikundi cha SHIVYWATA ERUSULI, kwa niaba ya Wanachama wenzake, ameshukuru sana HALMASHAURI yao na MRADI wa BMZ kwa kuwawezesha Watu Wenye Ulemavu kuanzisha MIRADI itakayowafanya WAJITEGEMEE ki-uchumi.

VIJANA WANUFAIKA NA KILIMO CHA BUSTANI KWA KUTUMIA FEDHA ZA MFUKO WA JIMBO

Posted on September 1, 2019September 1, 2019

baadhi ya Wanakikundi cha NYAKABHUNGO wakiwa kazini kwenye BUSTANI yao ya MBOGAMBOGA iliyoko Kijijini Kanderema, Kata ya Bugoji.

Na: Hamisa Gamba

Msaidizi wa Mbunge

KILIMO CHA UMWAGILIAJI, kikiwemo cha BUSTANI za mbogamboga na mazao mengine kinazidi kushamiri ndani ya Jimbo la Musoma Vijijini.

VIJANA na Wananchi wengine kwa ujumla wameendelea kunufaika na aina hii ya KILIMO tofauti na kile kilichozoeleka cha kutegemea MVUA.

VIJANA wa Kikundi cha NYAKABHUNGO GROUP kilichoko kwenye Kijiji cha Kanderema, Kata ya Bugoji ni moja ya Vikundi vilivyopewa MASHINE/PAMPU za Kilimo cha Umwagiliaji na MBEGU kutoka MFUKO wa JIMBO ambao Mwenyekiti wake ni Mbunge wa Jimbo.

KIKUNDI hiki kinanufaika na MSAADA huo kutoka Serikalini (Mfuko wa Jimbo) na VIKUNDI vingine vinavyofanya vizuri ni:

(ii) Angaza, Kata ya Bukumi

(iii) Mwanga Farmers, Kata ya Nyambono

(iv) No Sweat No Sweet, Kata ya Bwasi

(v) Mkulima Jembe, Kata ya Bukima

(vi) Keuma, Kata ya Busambara

(vii) Jitume, Kata ya Suguti

Mwenyekiti wa Kikundi cha NYAKABHUNGO, Ndugu Mtaka Mwenura,

ameeleza kuwa Kikundi chao kinajishughulisha na Kilimo cha NYANYA, VITUNGUU, MBOGAMBOGA, MAHINDI na VIAZI VITAMU na kwamba wanataraji kuingia sokoni hivi karibuni.

Mwenyekiti huyo, kwa niaba ya VIJANA wa Kikundi hicho wameishukuru sana SERIKALI kupitia Mbunge wao wa Jimbo, Prof Sospeter Muhongo na HALMASHAURI yao, kwa kutoa Vifaa hivyo vya Kilimo cha Umwagiliaji.

Diwani wa Kata hiyo, Mhe Ibrahimund Malima ametoa shukrani za kipekee kwa Mbunge wa Jimbo, Prof Sospeter Muhongo, Mkuu wa Wilaya, Dr Vicent Naano Anney na Mkurugenzi wa Halmashauri yao, Ndugu John Kayombo kwa UTEKELEZAJI mzuri wa Ilani ya Uchaguzi ya CCM (2015 – 2020).

Diwani huyo anamshukuru sana Mbunge wao wa Jimbo kwa KUGAWA BURE Mbegu za ALIZETI kwa misimu 3 mfululizo. Kwa sasa ALIZETI ni zao jipya la BIASHARA linalolimwa Jimboni humo.

Mbunge wa Jimbo la Musoma Vijijini, anaendelea kutoa wito kwa VIJANA, KINAMAMA na WATU WENYE ULEMAVU waendelee kuunda VIKUNDI vinavyotambulika kwa ajili ya kupata MIKOPO, pale fursa inapotokea.

UJENZI, UKAMILISHAJI NA UBORESHAJI WA MAABARA ZA MASOMO YA SAYANSI KWENYE SEKONDARI ZA KATA

Posted on August 30, 2019August 30, 2019

Ufyatuaji wa Matofali 1,200 kwa ajili ya UKAMILISHAJI wa ujenzi wa BOMA lenye Maabara za Masomo ya Sayansi ya Sekondari ya Murangi.

Na: Fedson Masawa

Msaidizi wa Mbunge

Jimbo la Musoma Vijijini lina jumla ya Sekondari 18 za Kata/Serikali na 2 za Binafsi (Katoliki & SDA). Sekondari Mpya 8 zinajengwa Jimboni mwetu.

Kazi mojawapo muhimu INAYOFANYWA kwa wakati huu ni UJENZI, UKAMILISHAJI na UBORESHAJI wa MAABARA za MASOMO ya Sayansi (Physics, Chemistry na Biology) kwenye Sekondari zetu za Kata.

Sekondari zote 20 (za Serikali na Binafsi) zina VITABU vya kutosha vya Masomo ya SAYANSI vinavyogawiwa na Mbunge wa Jimbo, Prof Sospeter Muhongo. Mbunge huyu anahimiza ujenzi wa Maktaba kwenye Shule zote za Sekondari na Msingi.

MAABARA ZA SEKONDARI YA MURANGI

VIJANA Wazaliwa wa Kata ya Murangi yenye Vijiji 2 (Lyasembe na Murangi), wakiongozwa na Diwani wa Kata hiyo, Mhe Kujerwa Simon Kujerwa, WAMEAMUA kuchangia SARUJI MIFUKO 70 kwa ajili ya kuanza kazi za UKAMILISHAJI wa BOMA lenye Maabara 3 za Masomo ya SAYANSI kwenye Sekondari ya Kata yao, yaani Murangi Secondary School.

Ujenzi huu ulisimamia Mwaka 2016 na Diwani huyo ambae ameingia madarakani hivi karibuni, AMEFUFUA ujenzi huo na nia yao sasa ni kukamilisha Boma hilo lenye Maabara zote tatu.

Mwalimu Mkuu wa Secondari ya Murangi, Mwl Ernest Mazoya amemshukuru sana Mhe Diwani huyo KUFUFUA ujenzi wa Maabara zao. Sekondari hiyo ilifunguliwa Mwaka 2006.

Awali akitoa taarifa ya ujenzi huo, Diwani huyo amesema kwa SASA Wananchi wa Kata ya Murangi WAMEKUBALI kuchangia NGUVUKAZI zao kwa kusomba mchanga, mawe, kokoto na maji ya ujenzi. Vilevile, Wananchi hao WAMEKUBALI kuchangia gharama za MAFUNDI.

Mhe Kujerwa Simon Kujerwa anawashukuru sana Vijana wenzake waliojitokeza kuchangia ujenzi wa Maabara hizo. Kwa hatua hizi za awali MICHANGO imetolewa na VIJANA waishio ndani ya Kata hiyo ambao ni:

(1) Magesa Saile

(2) Kalii Saile

(3) Magoti Biswaro

(4) Robert Kainja

(5) Soti Mashenene

(6) Thomas Kujerwa

(7) Mea Nyang’ombe

(8) Nyandeka Gesi

(9) Sabina Nyamayugu, na

(10) Diwani mwenyewe

Ofisi ya Mbunge wa Jimbo INAENDELEA kuwashawishi WADAU mbalimbali na hasa WAZALIWA wa Jimbo la Musoma Vijijini KUENDELEA KUCHANGIA Maendeleo ya Kata zetu 21 na Vijiji vyetu 68. Kila Kijiji kina MRADI wa Maendeleo unaotekelezwa kwa wakati huu – KARIBU UCHANGIE.

WAZAZI WA KATA YA TEGERUKA WAAGA VIJANA WAO KWA ZAWADI YA KIPEKEE

Posted on August 25, 2019August 25, 2019

baadhi ya MATUKIO ya MAHAFALI ya Wanafunzi wa Darasa la VII wa S/M Nyaminya A&B, Kijijini Tegeruka, Kata ya Tegeruka.

Na: Fedson Masawa

Msaidizi wa Mbunge

WAZAZI wa Wanafunzi wa S/M Nyaminya A na B zote za Kijiji cha Tegeruka, Kata ya Tegeruka wamewaaga WATOTO wao watakaohitimu Elimu ya Msingi kwa kutoa ZAWADI ya uchangiaji wa UJENZI na UBORESHAJI wa MIUNDOMBINU ya ELIMU katika Shule hizo mbili.

Zoezi hilo limefanyika jana Agosti 23, 2019 kwenye MAHAFALI ya kuwaaga WANAFUNZI wa Darasa la VII wa Shule hizo.

ZAWADI hiyo imetokana na MGENI RASMI, Ndugu SHAIBU NGATICHE, Katibu wa CCM Mkoa wa Mara kupokea Changamoto za Shule ya Msingi Nyaminya B ambazo ziliwasilishwa na Mkuu wa Shule hiyo, Mwl Zerulia John Shana.

Changamoto hizo ni pamoja na ukosefu wa Ofisi ya Mwalimu Mkuu, Upungufu wa Vyumba vya Madarasa. Nyingine ni kutokuwepo SAKAFU kwenye baadhi ya Vyumba vya Madarasa na upungufu wa Nyumba za kuishi Walimu.

Baada ya kupokea orodha ya Changamoto hizo, MGENI RASMI waliwasihi WAZAZI na WAGENI wengine kwenye MAHAFALI hiyo KUUNGANA nae KUTATUA baadhi ya matatizo hayo.

HARAMBEE ilipigwa na matokeo yake ni:

(1) Saruji Mifuko: 140

(2) Misumari: Kg 10

(3) Milango ya Vyumba vya Madarasa: 2

(4) Fedha Tsh 2,175,100/=

(5) NGUVUKAZI: Wanavijiji WAMEKUBALI KUJITOLEA kusomba mchanga, mawe, kokoto na maji ya ujenzi.

Mbunge wa Jimbo, Prof Sospeter Muhongo alichangia SARUJI MIFUKO 100 (kila Shule Mifuko 50) na MILANGO 2 ya Vyumba vya Madarasa (kila Shule Mlango 1 wenye thamani ya Tsh 150,000).

Mara baada ya HARAMBEE hiyo, Mwl Mkuu wa S/M Nyaminya B, mwenyeji wa Sherehe hizi, Mwl Zerulia John Shana, ALIMSHUKURU SANA MGENI RASMI, Ndugu SHAIBU NGATICHE kwa kuendesha HARAMBEE hiyo iliyokuwa ya MAFANIKIO mazuri.

Vilevile, Mwalimu Mkuu huyo ALIWASHUKURU WAZAZI na Wananchi wengine waliotoa MICHANGO yao wakiwemo Mkuu wa Wilaya ya Musoma, Dr Vincent Naano, Mbunge wa Jimbo Prof Sospeter Muhongo na VIONGOZI wengine wa Chama (CCM) na Serikali.

Pamoja na HARAMBEE hiyo, Mwalimu Mkuu huyo aliendelea KUTAMBUA, kwa shukrani nyingi, MICHANGO ya AWALI iliyokwishatolewa Shuleni hapo kutoka kwa WADAU wengine wa Maendeleo wakiongozwa na Mbunge wa Jimbo, Prof Sospeter Muhongo, Ndugu Juma Ramadhani, Mwl Masinde Bigambo na Ndugu Paschal Rutundwe.

MIRADI MIKUBWA YA MAJI INAYOTEKELEZWA NDANI YA JIMBO LA MUSOMA VIJIJI

Posted on August 22, 2019August 22, 2019

Kumbukumbu za Sherehe (15.08.2019) ya uwekaji wa SAINI (Serikali & Mkandarasi) wa Mradi wa ujenzi wa Bomba la Maji la Mugango-Kiabakari-Butiama. Serikali iliwakilishwa na Katibu Mkuu wa Wizara ya Maji na Umwagiliaji, Prof Kitila Mkumbo.

Wananchi wa Vijiji 68 vya Jimbo la Musoma Vijijini WANATOA SHUKRANI ZA DHATI kwa Serikali yao kwa kuanza KUTEKELEZA MIRADI ya USAMBAZAJI wa MAJI SAFI na SALAMA Vijijini mwao.

(1) SHUKRANI MAALUM zimetolewa kwa Rais wa Jamhuri ya Muungano wa Tanzania, Mhe Dkt John Joseph Pombe Magufuli KWA KUTIMIZA AHADI YAKE ya KUTEKELEZA Mradi wa Ujenzi wa Bomba la Maji la Mugango-Kiabakari-Butiama. Maji yatatoka Ziwa Viktoria.

MRADI wa Mugango-Kiabakari-Butiama utagharimu Tsh bilioni 70 ( US$ 30.68) umefadhiliwa na Serikali ya Tanzania, Saudi Arabia na BADEA. Mradi huu utakamilika ndani ya MIEZI 24.

(2) MRADI WA MAZIWA MAKUU

Vijiji vyote vya Jimbo la Musoma Vijijini vilivyoko karibu na Ziwa Viktoria (Vijiji 33) vimo kwenye Mradi huu. USANIFU umefanyika na Serikali inajipanga ianze utekelezaji wake.

(3) MAJI YA MUWASA KUSAMBAZWA VIJIJINI

MAJI yanayozalishwa MUWASA kwa ajili ya Mji wa Musoma ni MENGI MNO na matumizi yake kwa sasa ni takribani 50% ya MAJI yanayozalishwa. Maji yanatoka Ziwa Viktoria.

Kwa hiyo Serikali imeamua Vijijini vya Jimbo la Musoma Vijijini na Jimbo la Butiama VISAMBAZIWE MAJI hayo ya ziada. Kwa upande wa Jimbo la Musoma Vijijini, VIJIJI VYOTE vya Kata za ETARO, NYEGINA, NYAKATENDE na IFULIFU vimo kwenye Mradi huu ambao UTEKELEZAJI wake tayari umeanza.

(4) MIRADI MINGINE INAYOTEKELEZWA na MAJI yake yanatoka Ziwa Viktoria ni:

(4a) Bujaga-Bulinga-Bukima-Kwikerege

(4b) Chitare-Makojo

(4c) Suguti-Kusenyi-Chirorwe-Wanyere

(5) MIRADI AMBAYO USANIFU UMEKAMILIKA

USANIFU kwenye VIJIJI vya Kata za Bugoji, Nyambono, Bugwema, Musanja na Nyamrandirira UMEFANYIKA na MAOMBI ya Fedha za utekelezaji wa Miradi ya usambazaji wa MAJI Vijijini humo YAMEFIKISHWA Serikalini na yanafuatiliwa kwa ukaribu sana.

VIJIJI VIWILI VYA JIMBO LA MUSOMA VIJIJINI VYAAMUA KUJENGA SEKONDARI YAO

Posted on August 22, 2019August 22, 2019

Mafundi na Wanavijiji wa Kigera Etuma na Kakisheri wakiendelea na Ujenzi wa Jengo la Utawala la Kigera Secondary School.

Na: Fedson Masawa

Msaidizi wa Mbunge

Vijiji vya Kigera Etuma na Kakisheri vyote vya Kata ya Nyakatende vimeanza kwa kasi kubwa kujenga Sekondari yao. Sababu kuu za UAMUZI huu ni UMBALI MREFU wa kutembea na MSONGAMANO Madarasani wa Wanafunzi kwenye Sekondari ya Kata iliyoko Kijijini Nyakatende.

Wanavijiji hawa tayari wamekamilisha ujenzi wa Boma la Vyumba viwili vya Madarasa ambavyo vimejengwa kwa kutumia MICHANGO ya WANAVIJIJI na WAZALIWA wa Vijiji hivyo viwili. HARAMBEE ya Mbunge wa Jimbo, Prof Sospeter Muhongo imeongeza kasi ya ujenzi wa Jengo la Utawala.

MTINDO WA KUTOA MICHANGO

Wakazi wa Vijiji vya Kigera Etuma na Kakisheri WAMEKUBALIANA kwamba kila MWANAKIJIJI mwenye umri wa kuanzia MIAKA 18 achangie TOFALI MOJA. Mawe, kokoto, mchanga na maji ya kujengea vinasombwa kwa kutumia NGUVUKAZI zao.

WADAU wengine wenye kuchangia ujenzi huu ni: WAVUVI na WACHIMBAJI Wadogo Wadogo wanaofanya shughuli zao Vijijini hapo.

Aidha, Katibu wa Kamati ya ujenzi wa Sekondari hiyo Ndugu James Majengo, kwa niaba ya Uongozi na Wananchi wa Vijiji vya Kigera Etuma na Kakisheri, anatoa SHUKRANI nyingi kwa WAZALIWA wa Vijiji vya Kakisheri na Kigera Etuma kwa MICHANGO yao mikubwa.

Vilevile, SHUKRANI nyingi zimetolewa kwa Mbunge wa Jimbo la Musoma Vijijini, Prof Sospeter Muhongo aliyechangia SARUJI MIFUKO 100.

WAZALIWA wa Vijiji vya Kigera Etuma na Kakisheri WAMEUNDA UMOJA WAO kwa ajili ya kuchangia ujenzi huu. Hadi sasa waliochangia ni:

(1) Nyakiriga Kabende-Mwenyekiti

(2) Albinus Makanyaga-Mhasibu

(3)Joseph Mnibhi – Katibu

(4) Augostino Eugene

(5) Joseph Surusi

(6) Wambura Mujungu

(7) Marere Eugene

(8) Mareges Eugene

(9) Emmanuel Ekama

(10) Mareges Jela

(11) Kisha Charamba

(12) Garani Magafu

(13) Mugini Kibusi Marere

(14) Ngajeni Manumbu

(15) Lucas Mashauri

(16) Mutandu Kabende

(17) Boniphace Kitende

(18) Boniphace Changanya

Jimbo la Musoma Vijijini lenye Kata 21 na Vijiji 68 lina Sekondari za Kata/Serikali 18 na 2 za Binafsi. Wanavijiji WAMEAMUA kujenga SEKONDARI MPYA NANE (8).

SHULE YA MSINGI MURANGI – SOMO LA STADI ZA KAZI LATUMIKA KUIMARISHA KILIMO CHA UMWAGILIAJI

Posted on August 19, 2019August 19, 2019

Wanafunzi wa S/M Murangi iliyoko Kijijini Lyasembe wakiwa kwenye SOMO la STADI za KAZI – ndani ya Shamba la Nyanya la Shule.

Na: Verediana Mgoma

Msaidizi wa Mbunge

Shule ya Msingi Murangi iliyopo Kijiji cha Lyasembe, Kata Murangi imeamua kufanya KILIMO cha UMWAGILIAJI kupitia SOMO la STADI za KAZI.

Lengo kuu hapa ni KUWATAYARISHA WAHITIMU waweze KUJIAJIRI na KUJITEGEMEA kupitia KILIMO hasa cha UMWAGILIAJI kwani makazi yao yako karibu sana na Ziwa Viktoria.

Mwalimu Maburugi Matiko wa Shule hiyo alipata MAFUNZO ya UFUNDISHAJI wa STADI za KAZI mbalimbali zikiwemo za KILIMO. Kwa hiyo, Shule imanzisha SHAMBA DARASA la mihogo, mahindi, vitunguu, nyanya na matikiti.

MAVUNO kutoka shamba hilo yamesaidia KUKUZA UCHUMI wa SHULE. Wanafunzi wameweza kupata uji wawapo masomoni. Vilevile MATUMIZI mengine ya Shule yameboreka kutokana na mapato ya Kilimo hiki.

Mwanafunzi Samwel Manyama wa Darasa la VII Shuleni hapo, amesema kwamba anafurahia SOMO la STADI za KAZI kwa sababu analisoma kwa VITENDO na yeye mwenyewe amekuwa ANAJITOLEA kuelimisha JAMII aliyomo juu ya aina hii ya Kilimo yenye faida kubwa zaidi kuliko ile ya Kilimo kilichozoeleka cha kutegemea MVUA.

Mtendaji wa Kijiji cha Lyasembe, Ndugu Chikonya Chikonya amesema MAPATO ya Kilimo ya Shule za Msingi mbili ziliko kwenye Kijiji hicho, yamesaidia KUBORESHA baadhi ya MIUNDOMBINU ya Shule zao.

Mtendaji huyo wa Kijiji anamshukuru sana Mbunge wa Jimbo la Musoma Vijijini, Profesa Sospeter Muhongo kwa juhudi zake za kuboresha Sekta ya Kilimo Jimboni mwao, ikiwemo kugawa bure MBEGU za ALIZETI, MIHOGO, MTAMA na ULEZI kwa Wanavijiji (Vijiji vyote 68) na kwenye Taasisi za Elimu zinazopenda kujishughulisha na KILIMO.

Vilevile, Wakulima wa Kijiji cha Lyasembe wanamshukuru Mbunge wao wa Jimbo kwa kuwapa PAMPU/MASHINE ya UMWAGILIAJI akina MAMA wa Kikundi cha TUPENDANE cha Kijiji hicho ambacho kimeleta hamasa kubwa ya KILIMO cha UMWAGILIAJI Kijijini hapo. PAMPU/MASHINE na vifaa vyake ilinunuliwa kwa kutumia Fedha za MFUKO wa JIMBO.

BOMBA LA MAJI SAFI NA SALAMA – MRADI WA MUGANGO-KIABAKARI-BUTIAMA

Posted on August 17, 2019August 17, 2019

UWEKAJI wa SAINI za UTEKELEZAJI wa Mradi wa Ujenzi wa Bomba la Maji la Mugango-Kiabakari- Butiama kwenye Viwanja vya Shule ya Msingi ya Nyamisisi, Kata ya Kukirango, Kiabakari, Wilaya ya Butiama

AHADI ya Rais wa Jamhuri ya Muungano wa Tanzania, Mhe Dkt John Joseph Pombe Magufuli IMEANZA KUTEKELEZWA.

Mradi wa Bomba la Maji Safi na Salama la kutoka Ziwa Victoria (Mugango, Musoma Vijijini) hadi Wilaya ya Butiama (Kiabakari-Butiama) umeanza kutekelezwa kwa SERIKALI na MKANDARASI kuwekeana SAINI ya UTEKELEZAJI wa MRADI huu wenye Thamani ya US$ 30.69 million (Tshs 70 billion).

Maji kiasi cha LITA MILIONI 35 (35,000 cu.m.) yatazalishwa Kijijini Kwibara (Kata ya Mugango) na kusafirishwa na kusambazwa kwenye VIJIJI vya Jimbo la Musoma Vijijini (kwa kuanzia Vijiji vya Kata za Mugango na Tegeruka) na Vijiji vya Jimbo la Butiama. Mradi utakamilika ndani ya MIEZI 24.

Serikali iliwakilishwa na Katibu Mkuu wa Wizara ya Maji na Umwagiliaji, Prof Kitila Mkumbo. Mkoa uliongozwa na Mkuu wa Mkoa, Mhe Adam Malima. Wakuu wa Wilaya za Musoma na Butiama, Wakurugenzi wa Halmashauri za Wilaya 2 hizo, Madiwani na Viongozi wengine wa Chama na Serikali walihudhuria TUKIO hili muhimu kwa Mkoa wa Mara.

Chief Japhet Wanzagi Nyerere, Mwenyekiti wa Bodi ya Maji Mkoa alihudhuria sherehe hizi.

Wabunge waliohudhuria ni Mhe Agnes Marwa, Mhe Amina Makilagi na Prof Sospeter Muhongo.

Wananchi na Viongozi wa Chama na Serikali wa Wilaya za Musoma na Butiama WANATOA SHUKRANI nyingi sana Mhe Rais Dkt John Joseph Pombe Magufuli na Viongozi wengine wote wa Serikali kwa KUKAMILISHA TARATIBU za UTEKELEZAJI wa Mradi huu.

MIRADI YA SEKTA YA AFYA NDANI YA JIMBO LA MUSOMA VIJIJINI

Posted on August 17, 2019August 17, 2019

baadhi ya MAJENGO ya Hospitali ya Wilaya inayojengwa Jimboni mwetu (Kitongoji cha Kwikonero, Kijiji cha Suguti). DC, DED, MADIWANI na Wafanyakazi wa Halmashauri yetu WAPEWE PONGEZI nyingi sana kwa usimamiaji mzuri wa ujenzi wa Hospitali hii

Jimbo lina Kata 21, Vijiji 68, Vitongoji 374

ZAHANATI

* 24 za Serikali zinazotoa huduma

* 4 za Binafsi zinatoa huduma

* 13 MPYA zimeanza kujengwa na Wanavijiji wakishirikiana na Wadau wa Maendeleo yao

VITUO VYA AFYA

* 2 vya Serikali vinavyotoa huduma za Afya (Murangi & Mugango)

* 1 KIPYA kimeanza kujengwa na Wanavijiji (Kata ya Nyambono) wakishirikiana na Wadau wa Maendeleo yao

HOSPITALI YA WILAYA

* Inajengwa kwenye Kitongoji cha Kwikonero, Kijiji cha Suguti, Kata ya Suguti

* Serikali imetoa Tsh 1.5 bilioni kuanza ujenzi wake

* Kila Kijiji kimekubali kuchangia Tsh Milioni 2.

* Mbunge wa Jimbo amekubali kuchangia

ZAHANATI ZINAZOJENGWA NA WANAVIJIJI

(1) Kitongoji cha Burungu, Kijijini Bukumi, Kata ya Bukumi

(2) Kijijini Butata, Kata ya Bukima

(3) Kijijini Chimati, Kata ya Makojo

(4) Kijijini Chirorwe, Kata ya Suguti

(5) Kijijini Kakisheri, Kata ya Nyakatende

(6) Kijijini Kurwaki, Kata ya Mugango

(7) Kijijini Maneke, Kata ya Busambara

(8) Kijijini Mkirira, Kata ya Nyegina

(9) Kijijini Kurukerege, Kata ya Nyegina

(10) Kijijini Nyegina, Kata ya Nyegina

(11) Kijijini Mmahare, Kata ya Etaro

(12) Kijijini Bwai Kwitururu, Kata ya Kiriba

(13) Kijijini Nyasaungu, Kata ya Ifulifu

WANAFUNZI WA NYAMBONO SECONDARY SCHOOL WAFURAHIA MADAWATI YALIYOTOLEWA NA BENKI YA NMB

Posted on August 9, 2019August 9, 2019

baadhi ya Wanafunzi, Walimu na Viongozi wa Kata ya Nyambono na Kijiji cha Saragana WAKIPOKEA MSAADA WA Benki ya NMB wa Madawati 50 na Viti 50. Mbunge wa Jimbo, Prof Sospeter Muhongo ALIWAKABIDHI Msaada huo wa Benki ya NMB.

Wanafunzi na Walimu wa Nyambono Secondary School iliyoko Kijijini Saragana, Kata ya Nyambono WANASHUKURU SANA SANA kwa MSAADA uliotolewa na Benki ya NMB wa MADAWATI 80 na VITI 80. Jana (07.08.2019), Shule iliyopokea Madawati 50 na Viti 50. Mengine yatapelekwa hivi karibuni.

Busambara Secondary School ya Kata ya Busambara itakayoanza kutoa Elimu ya Sekondari kuanzia Januari 2020 nayo IMEPOKEA MSAADA wa BENKI ya NMB wa MADAWATI na VITI ya idadi sawa na Nyambono Secondary School na kwa utaratibu huo huo.

WAZAZI na VIONGOZI wa Serikali na Chama (CCM) wa ngazi mbalimbali wa Kata ya Nyambono na Kijiji cha Saragana WAMETUMA SALAMU ZAO ZA SHUKRANI kwa BENKI YA NMB kupitia kwa Mbunge wao wa Jimbo Prof Sospeter Muhongo.

Mwalimu Mkuu wa Nyambono Secondary School, Mwl Michael Mpasi, aliyekuwa mwenye furaha nyingi sana, amesema yeye mwenyewe ATATUMA SHUKRANI za KIPEKEE kwenye Benki ya NMB.

SHEREHE ZA UWEKAJI SAINI wa MRADI MKUBWA wa MAJI wa MUGANGO-KIABAKARI-BUTIAMA (BOMBA JIPYA LA MAJI)

Wananchi wanakaribishwa KUSHUHUDIA uwekaji SAINI kati ya SERIKALI na MKANDARASI wa UTEKELEZAJI wa Mradi huu. Gharama za Mradi ni US$ 30.69 (Takribani Tshs 70 bilioni).

Tukio hilo muhimu na kubwa litafanyika Kijijini Mugango (Mitambo ya Maji), tarehe 15.08.2019, saa 3 Asubuhi.

SHEREHE hiyo itatumbuizwa na KWAYA ya JIMBO na NGOMA ASILI ya JIMBO.

Vikundi hivi (Ngoma na Kwaya) vya Jimbo vitapatikana kwenye MASHINDANO ya NANENANE yatakayofanyika Jumamosi, 10.08.2019 kwenye Viwanja vya S/M Suguti, Kijijini Suguti.

Kata ipi itaibuka Mshindi wa Kwanza (Kikombe & Tsh Milioni 1) ya Ngoma za Asili? NGOMA ya Jimbo?

Kata ipi itaibuka Mshindi wa Kwanza (Kikombe & Tsh Milioni 1) wa KWAYA? KWAYA ya Jimbo?

UONGEZAJI WA HIGH SCHOOLS NA UBORESHAJI WA ELIMU YA SAYANSI KWENYE SEKONDARI ZETU

Posted on August 8, 2019August 8, 2019

Moja wapo ya Vikao 2 vya Mbunge wa Jimbo, Prof Sospeter Muhongo. Hapa anaonekana akiwa na BODI ya Nyegina Secondary School.

*IDADI YA SHULE ZA MSINGI

Jimbo lina Jumla ya Shule za Msingi 111 za Serikali na 3 za Binafsi

Wananchi, Madiwani na Viongozi wao wengine, kwa kushirikiana na SERIKALI na Mbunge wao wa Jimbo wanajenga SHULE SHIKIZI mpya 10. Shule hizi hapo baadae zitapanuliwa na kuwa Shule za Msingi kamili zenye Darasa la I hadi VII.

* IDADI YA SHULE ZA SEKONDARI

Jimbo lina Jumla ya Sekondari 18 za Serikali na 2 za Binafsi.

Wananchi, Madiwani na Viongozi wao wengine, kwa kushirikiana na Serikali na Mbunge wao wa Jimbo wanajenga Sekondari mpya 8.

UAMUZI WA KUONGEZA HIGH SCHOOLS JIMBONI

Jimbo hili lina High Schools 2 tu, yaani Kasoma High School (Serikali) yenye MASOMO ya ARTS tu, na Nyegina High School (Binafsi, Katoliki) yenye MASOMO ya SAYANSI na ARTS.

MAPENDEKEZO YA KUONGEZA HIGH SCHOOLS ZA SERIKALI

Mbunge wa Jimbo, Prof Sospeter Muhongo amefanya VIKAO na Wananchi na Viongozi mbalimbali AKIWASHAWISHI kuboresha MIUNDOMBINU (k.m. Maabara, Ujenzi wa Mabweni) ya baadhi ya Sekondari zetu ili ZIPANULIWE na kuanza kutoa Elimu ya Kidato cha V na VI ya Masomo ya Sayansi.

Mapendekezo haya yanaungwa mkono na Wananchi na Viongozi wao wa ngazi mbalimbali wakiwemo MAAFISA ELIMU wa Halmashauri yetu.

Sekondari za BUGWEMA, MTIRO, MUGANGO na MKIRIRA ndizo ziko juu kwenye orodha ya kuweza KUANZISHA HIGH SCHOOLS za Masomo ya Sayansi. Sekondari nyingine nazo zina nafasi sawa na hizo iwapo Miundombinu ya Elimu ya kuanza High Schools itakuwepo. Kwa hiyo, kinachotakiwa ni KUWEKA MIUNDOMBINU INAYOHITAJIKA kukidhi MATAKWA ya uwepo wa High Schools.

Wananchi, MADIWANI, Mbunge wa Jimbo kwa kushirikiana na Mkurugenzi wa Halmashauri, Ndugu John Kayombo na Mkuu wa Wilaya, Dr Vicent Naano Anney WATATEKELEZA MRADI huu wa Ongezeko la High Schools za Serikali kwenye Jimbo letu.

Njia ya pili ya kuongeza High Schools Jimboni mwetu ni kukaribisha uanzishwaji wa High Schools za Binafsi (Private High Schools).

Mbunge wa Jimbo amefanya KIKAO na BODI ya Secondary ya Nyegina (Binafsi, Katoliki) na KUKUBALIANA kuimarisha na kuboresha High School yao. Mipango ya Utekelezaji inatayarishwa ili KUONGEZA IDADI ya Wanafunzi wanaosoma Masomo ya Sayansi ya Kidato cha V na VII Shuleni hapo.

Mbunge wa Jimbo hakuweza kufanya Kikao na BODI ya Bwasi Secondary School baada ya Shule hiyo kupata msiba. Kikao hicho kitafanyika baadae. Uongozi wa Bwasi Secondary School UNAKUBALIANA NA pendekezo la KUANZISHA High School yenye Masomo ya Sayansi.

MRADI WA KUBORESHA ELIMU YA SAYANSI KWENYE SEKONDARI ZETU

Mbunge wa Jimbo amefanya VIKAO 2, kimoja (06.08.2019) na BODI ya Nyegina Secondary School, na kingine (07.08.2019) na AFISA ELIMU (DEOs) na Viongozi wengine wa Idara ya Elimu ya Halmashauri yetu kuhusu suala hili.

IMEKUBALIWA kwamba MRADI uanzishwe kwa UTEKELEZAJI wa pendekezo hili na Kituo cha Utekelezaji kiwe Kijijini Nyegina kwenye Madaraka Nyerere Library and Community Resource Center. Idara ya Elimu ya Halmashauri yetu na Mbunge wa Jimbo watashiriki kwenye Mradi huu. Wataalamu wa Elimu wanatayarisha MIPANGO ya UTEKELEZAJI wake.

KWA NINI TUNASISITIZA KUBORESHA ELIMU YA SAYANSI?

*Taifa litakalokuwa na UBUNIFU (INNOVATION) mkubwa kwenye TEKNOLOJIA na SAYANSI ndilo LITATAWALA UCHUMI wa Dunia yetu kwenye Karne hii na zijazo. Wenzetu wameingia kwenye “4th Industrial Revolution” ambayo imejikita kwenye Cyber Space, Digital Codes, Internet of Things (IoT), Artificial Intelligence (AI), Robotics, Genetic Engineering, Nanotechnologies, n.k. Africa isiachwe nyuma sana, nasi tupate Wanasayansi Mahiri.

WAFUGAJI WAAMUA KUTUMIA MIFUGO YAO KUCHANGIA UJENZI WA SEKONDARI MPYA, ZAHANATI NA VYUMBA VYA MADARASA KWENYE SHULE YA MSINGI

Posted on August 6, 2019August 6, 2019

HARAMBEE ya WANAKIJIJI na Mbunge wa Jimbo Prof Sospeter Muhongo ya ujenzi wa Nyasaungu Secondary School na Zahanati

Wakazi wengi wa Kijiji cha Nyasaungu ni WAFUGAJI. Kijiji hiki kiko ndani ya Kata ya Ifulifu, Musoma Vijijini.

Kata ya Ifulifuli haina Sekondari ya Kata. Watoto wa Kata hii wanatembea umbali usiopungua kilomita 3 kwenda kwenye Sekondari za Kata jirani – Mugango na Nyakatende Secondary Schools.

Kwa kuzingatia JIOGRAFIA (k.m. mito na mabonde) ya Kata ya Ifulifu, Wakazi wa Vijiji vya Kabegi na Kiemba (Kata ya Ifulifu) wanajenga Sekondari yao. Wakazi wa Kijiji cha Nyasaungu (Kata ya Ifulifu) nao wanajenga Sekondari yao.

MTINDO WA UCHANGIAJI WA KIJIJI CHA NYASAUNGU

Wanakijiji wa Kijiji hiki WAMEKUBALIANA kwamba MICHANGO yao kwenye MIRADI ya Maendeleo ITAZINGATIA WINGI WA MIFUGO aliyonayo mchangiaji. Kwa MFANO kwenye kila awamu ya MCHANGO wenye NG’OMBE ZAIDI ya 51, wanachangia Tsh 200,000 (laki 2).

Kutokana na UTARATIBU huo wa uchangiaji, Kijiji kina MIRADI 3 inayotekelezwa kwa wakati mmoja – (i) Ujenzi wa Zahanati ya Kijiji, (ii) Ujenzi wa Vyumba 2 vya Madarasa kwenye Shule ya Msingi Nyasaungu na (iii) Ujenzi wa Sekondari yao.

HARAMBEE ZA MBUNGE WA JIMBO

Leo, Jumatatu, 05.08.2019, Mbunge wa Jimbo Prof Sospeter Muhongo AMEPIGA HARAMBEE 2 Kijijini Nyasaungu na matokeo ni haya:

(i) HARAMBEE ya Ujenzi wa Nyasaungu Secondary School.

SARUJI:

*Wanakijiji na Viongozi wao wamechangia SARUJI MIFUKO 67

*Mbunge wa Jimbo amechangia SARUJI MIFUKO 35

NONDO

*Wanakijiji na Viongozi wao wamechangia NONDO 27

* Mbunge wa Jimbo amechangia NONDO 20

(ii) HARAMBEE ya Ujenzi wa Zahanati

*Mbunge wa Jimbo alishachangia SARUJI MIFUKO 100

*Leo, 05.08.2019, Wanakijiji na Viongozi wao wamechangia NONDO 20

*Leo, 05.08.2019, Mbunge wa Jimbo amechangia NONDO 20.

SEKONDARI MOJA YA KATA HAITOSHI – WANANCHI WAAMUA KUJENGA SEKONDARI YA PILI

Posted on August 6, 2019August 6, 2019

Kikao cha Mbunge Prof Sospeter Muhongo na WANAVIJIJI kwenye eneo la ujenzi wa Sekondari MPYA ya PILI ya Kata ya Nyakatende

NYAKATENDE SECONDARY SCHOOL iliyo kwenye Kata ya Nyakatende inahudumia Kata 2 – Kata ya Nyakatende (Vijiji 4) na Kata ya Ifulifu (Vijiji 3). Kwa hiyo MSONGAMANO MADARASANI ni mkubwa.

Kata ya IFULIFU isiyokuwa na Sekondari, IMEAMUA kujenga Sekondari 2 kwa wakati mmoja. Kijiji cha Nyasaungu kinajenga Sekondari yake na Vijiji vingine 2 (Kabegi na Kiemba) vinajenga Sekondari yao.

Mbali ya Kata ya Ifulifu kujenga Sekondari zake, bado masuala ya UMBALI na WINGI wa Wanafunzi ndani ya Kata ya NYAKATENDE, vimelazimisha Wananchi wa Kata hiyo KUAMUA kujenga Sekondari ya pili.

SEKONDARI MPYA ya Kata ya Nyakatende inajengwa kwenye Kijiji cha KIGERA ETUMA. Sekondari hii inajengwa na Vijiji 2 – Kigera Etuma na Kakisheri

MAENDELEO YA UJENZI

MABOMA ya Vyumba 2 vya Madarasa yamefikia hatua ya kuezekwa na MATOFALI ya kutosha ujenzi wa JENGO LA UTAWALA yapo tayari.

MICHANGO YA WANANCHI

Wananchi WAMEKUBALIANA kila mwenye umri wa kuanzia MIAKA 18 achangie TOFALI MOJA. Mawe, kokoto, mchanga na maji vinasombwa kwa zamu, Kitongoji kwa Kitongoji.

WADAU WANAOCHANGIA UJENZI HUU

Mbali ya MICHANGO ya thamani ya TOFALI MOJA ya Wanavijiji wenyewe, WAVUVI na WACHIMBAJI Wadogo Wadogo nao wanachangia ujenzi huu.

MICHANGO YA WAZALIWA WA VIJIJI VYA KIGERA ETUMA NA KAKISHERI

Hawa ni WADAU WAKUU wa Mradi huu na kwa sasa wafuatao wameunda KIKUNDI kwa ajili ya kuchangia ujenzi huu:

(1) Nyakiriga Kabende-Mwenyekiti

(2) Albinus Makanyaga-Mhasibu

(3)Joseph Mnibhi – Katibu

(4) Augostino Eugene

(5) Joseph Surusi

(6) Wambura Mujungu

(7) Marere Eugene

(8) Mareges Eugene

(9) Emmanuel Ekama

(10) Mareges Jela

(11) Kisha Charamba

(12) Garani Magafu

(13) Mugini Kibusi Marere

(14) Ngajeni Manumbu

(15) Lucas Mashauri

(16) Mutandu Kabende

(17) Boniphace Kitende

(18) Boniphace Changanya

HARAMBEE YA MBUNGE

Leo, Ijumaa, 02.08.2019, Mbunge wa Jimbo, Prof Sospeter Muhongo AMEENDESHA HARAMBEE YA UJENZI wa Sekondarii hii MPYA inayojengwa Kijijini Kigera Etuma.

HARAMBEE imefanikisha kupata:

(i) Fedha: 324,000/= kutoka Wanavijiji waliokuwepo

(ii) SARUJI MIFUKO 68 kutoka kwa Wanavijiji waliokuwepo

(iii) SARUJI MIFUKO 100 kutoka kwa Mbunge Prof Sospeter Muhongo

UJENZI UNAENDELEA KWA KASI KUBWA – KARIBU TUCHANGIE UJENZI WA SEKONDARI MPYA INAYOJENGWA NA VIJIJI VIWILI.

UKARABATI WA MABWENI YA SEKONDARI YA BWASI

Posted on July 30, 2019July 30, 2019

Ukarabati na Uboreshaji wa Mabweni ya Bwasi Secondary School (private, SDA) iliyoko Kijijini Bwasi, Kata ya Bwasi.

Jumatatu, 29.07.2019

Na: Verediana Mgoma

Msaidizi wa Mbunge

Shule ya Sekondari Bwasi ni moja ya Sekondari mbili za Binafsi (private) zilizopo kwenye Jimbo la Musoma Vijijini. Nyingine ni Nyegina Secondary School inayomilikiwa na Kanisa Katoliki.

Bwasi Secondary School INAMILIKIWA na Kanisa la Waadventista Wasabato na ipo kwenye Kijiji cha Bwasi. Ilianzishwa Mwaka 1987.

Matokeo ya Mitihani ya Mwaka jana (2018) ya Form IV yalikuwa ya KURIDHISHA: Division I walifaulu wawili (2), Division II kumi (10), Division III ishirini (20) na Division IV wanne (4).

MAABARA

Bwasi Secondary School ina MAABARA zote tatu, yaani za Physics, Chemistry na Biology. Maabara hizi zinahitaji UBORESHWAJI mkubwa.

MABWENI:

Kwa sasa ukarabati unaendelea kwenye MABWENI 2 yote yenye uwezo wa kuchukua WANAFUNZI 140 – moja la Wasichana na jingine la Wavulana. Bado kuna upungufu wa BWENI MOJA la Wasichana.

Mkuu wa Sekondari hii, Mwalimu Ibrahim Chacha amesema kwamba Miundombinu ya Shule hiyo haijakarabatiwa kwa muda mrefu, kwa hiyo sasa Shule imeamua kufanya ukarabati na UBORESHAJI wa Miundombinu hiyo ili KUBORESHA MAZINGIRA ya Utoaji na Upokeaji/Upataji wa Elimu bora.

Mwalimu Mkuu huyo anawashukuru Wadau wa Elimu walioguswa na kuhamasika katika uchangiaji wa kukamilisha kazi hii.

Wanafunzi wa Sekondari hii wamefurahishwa na ukarabati wa MABWENI yao na wamehaidi kusoma kwa bidii na kufaulu vizuri zaidi.

HARAMBEE iliyofanyika kwenye Mahafali ya Kidato cha IV (2018) iliwezesha Shule kuanza ukarabati wa Mabweni hayo mawili. Baadhi ya WALIOCHANGIA siku hiyo ni: (1) Prof Lawrence Museru, (2) Dr Freddy Jirabi Gamba, (3) Ndugu Misana Gamba, (4) Ndugu Shauri Makota, (5) Mara Conference of Seventh Day Adventist Church na (6) Watumishi wa Sekondari hiyo.

Mbunge wa Jimbo Profesa Sospeter Muhongo akishagawa VITABU vya SEKONDARI mara mbili kwenye Shule hiyo na kwenye HARAMBEE hiyo alichangia SARUJI MIFUKO 50 kwa ajili ya ukarabati wa Bweni la Wasichana.

Tarehe 05.08.2019, Mbunge huyo atafanya KIKAO na BODI ya Sekondari hii AKIWA na LENGO la KUWASHAWISHI kuanzisha BWASI HIGH SCHOOL yenye MASOMO ya SAYANSI.

MBEGU YA MIHOGO YA AINA YA MKOMBOZI YANUFAISHA WAKULIMA JIMBONI

Posted on July 27, 2019July 27, 2019

Ndugu Ladislaus Manumbu na familia yake wakipalilia SHAMBA lao la MIHOGO lililotumia Mbegu ya MKOMBOZI. Hapo ni Kijijini Bukima.

Na: Verediana Mgoma

Msaidizi wa Mbunge

UCHUMI na AJIRA kuu kwa Wananchi wa Jimbo la Musoma Vijijini viko kwenye SEKTA za Kilimo, Uvuvi, Ufugaji na Biashara. Sekta ya KILIMO ndiyo uti wa mgongo wa UCHUMI na AJIRA kubwa zaidi kuliko hizo nyingine.

MAZAO Makuu ya CHAKULA ni MIHOGO, MAHINDI, MTAMA, VIAZI VITAMU na MPUNGA.

ZAO kuu la BIASHARA ni PAMBA na kwa misimu mitatu hii ya kilimo (2016/17- 2018/19), zao la ALIZETI nalo limeanza kulimwa Jimboni mwetu. Kilimo cha MPUNGA na MIHOGO nacho kinasisitizwa kiwe kwa ajili ya CHAKULA na BIASHARA.

MRADI MKUBWA WA KILIMO CHA UMWAGILIAJI WA BONDE LA BUGWEMA, ulionzishwa na Baba wa Taifa, Hayati Mwalimu J.K.Nyerere, UNAFUFULIWA.

KILIMO cha UMWAGILIAJI kwenye Bonde la BUGWEMA lenye ukubwa wa Ekari 5,075 utakuwa wa Ushirika kati ya WANAVIJIJI, HALMASHAURI na BENKI YA MAENDELEO YA KILIMO TANZANIA (TADB). Mazao yatakayozalishwa kwenye Bonde hili ni: MPUNGA, MAHINDI, VITUNGUU, DENGU, ALIZETI na PAMBA.

Kijiji cha Bukima ni miongoni mwa Vijiji 68 vya Jimbo la Musoma Vijijini ambacho shughuli zake kuu za UCHUMI ni KILIMO na UVUVI.

Mazao cha Chakula ya Wakazi wa Kijiji cha Bukima ni: mihogo, viazi vitamu na viazi lishe, mahindi, mpunga, mtama na mbogamboga. Kilimo chao ni cha mazoea!

Ndugu Ladislaus Manumbu ni miongoni mwa Wakulima wachache maarufu wa ZAO la MIHOGO ambae AMEAMUA kutumia MBEGU ya MIHOGO ya aina ya MKOMBOZI.

Ndugu Manumbu anaeleza kwamba baada ya kupokea vijiti vya mihogo aina ya MKOMBOZI amefuata MAELEKEZO ya KILIMO BORA na kufanikisha kupata MAVUNO MAZURI kwa misimu mitatu mfululizo. Kila Ekari anavuna MAGUNIA kati ya 16 na 20. MBEGU za ASILI hutoa MAGUNIA kati ya 5 na 6 kwa Ekari moja. Vilevile, Mbegu ya MKOMBOZI inastahili MAGONJWA.

Baada ya MAVUNO mazuri kutoka Mbegu ya MKOMBOZI, Wanavijiji jirani wameomba na kupewa mbegu hiyo na Ndugu Manumbu. Mbegu hii ya MKOMBOZI kwa sasa inatumiwa na Wakulima wengi kwenye Jimbo la Musoma Vijijini.

Mtendaji wa Kijiji cha Bukima, Ndugu Josephat Phinehas amesema anashirikiana na Afisa Kilimo kukuza na kuboresha Kilimo cha Mihogo Kijijini Bukima.

Wananchi na Viongozi wa Kijiji cha Bukima na Vijiji vingine Jimboni wanamshukuru sana Mbunge wao, Profesa Sospeter Muhongo kwa juhudi zake za KUBORESHA KILIMO cha Mazao ya CHAKULA na BIASHARA Jimboni mwao. Mbunge huyo AMEGAWA BURE Mbegu za ALIZETI, MTAMA, MIHOGO na ULEZI kwa Wakulima ndani ya Vijiji vyote 68 vya Jimbo hilo.

HALMASHAURI YASHIRIKIANA NA MRADI WA BMZ (Ujerumani) KUTOA HUDUMA KWA VITUO VYA ELIMU YA WATOTO WENYE ULEMAVU

Posted on July 18, 2019July 18, 2019

Wanafunzi wenye ULEMAVU wakiwa masomoni, baada ya kupata Kifungua Kinywa (breakfast) Shuleni kwao, S/M Nyambono B, Kijijini Saragana, Kata ya Nyambono.

Na: Hamisa Gamba

Msaidizi wa Mbunge

Vituo vya Elimu ya Wanafunzi wenye ULEMAVU ndani ya Jimbo la Musoma Vijijini vimeanza kuhudumiwa na Halmashauri yao kwenye Kata za Nyambono, Mugango na Nyegina.

Vituo hivi vya Elimu vinajumuisha WATOTO wenye ULEMAVU wa Akili, Bubu, Viwete, Viziwi, Vipofu na Wagonjwa wa Ngozi (Albino).

Kwenye Kata ya Nyambono, Wanafunzi 20 wenye Ulemavu wanapata ELIMU ya MSINGI kwenye S/M Nyambono B, Kijijini Saragana.

Mwalimu Mkuu wa S/M Nyambono B, Mwl Abel Paul ambae pia ni Mwalimu anaefundisha Watoto wenye Ulemavu na Uhitaji wa Elimu Maalum, amesema ELIMU MAALUM hiyo ilianza kutolewa hapo Shuleni Mwaka 2017, baada ya kufanikiwa kuwatafuta majumbani na kuwaleta Shuleni Watoto wenye Ulemavu.

Mwalimu Mkuu huyo amesema Halmashauri ya Wilaya ya Musoma (yenye Jimbo la Musoma Vijijini) imekuwa ikitoa Fedha zinazosaidia Wanafunzi hao kupata Kifungua Kinywa (breakfast) wafikapo Shuleni asubuhi.

MRADI wa BMZ (Ujerumani) unatoa VIFAA MBALIMBALI vinavyohitajika kwa WANAFUNZI hao kama vile, baiskeli, miwani ya kusomea, madaftari, kalamu, mabegi, n.k.

WANAFUNZI wenye ULEMAVU wanashukuru HALMASHAURI yao na MRADI wa BMZ wa UJERUMANI kwa MISAADA yao inayowawezesha kupata Elimu.

Baadhi ya Wanafunzi wenye Ulemavu wa S/M Nyambono B wanakiri na kusema: “Mimi Magesa Adonias nimepewa Baiskeli ya kutembelea inayomwezesha kufika Shuleni, na baadae napenda kuwa Mwalimu” – alijieleza kwa Kiingereza chenye ufasaha mzuri.

Mwl Abel ameomba WADAU wa Maendeleo kuchangia ujenzi wa Vyumba vya Madarasa kwa ajili ya Matumizi ya Wanafunzi hao wenye Ulemavu hapo Shuleni.

Mbunge wa Jimbo Prof Muhongo amepokea ombi la Shule hiyo na AMEKUBALI KUCHANGIA ujenzi wa Vyumba vya Madarasa ya WANAFUNZI wenye ULEMAVU – KARIBUNI TUCHANGIE!

UJENZI WA SHULE SHIKIZI MWALONI KIJIJINI BURAGA UNAENDELEA VIZURI

Posted on July 15, 2019July 15, 2019

Ujenzi wa BOMA la Vyumba Viwili (2) vya Madarasa na Ofisi 1 ya Walimu kwenye Shule Shikizi Mwaloni, Kijijini Buraga, Kata ya Bukumi.

Na: Verediana Mgoma

Msaidizi wa Mbunge

Ujenzi wa Shule Shikizi Mwaloni kwenye Kitongiji cha Mwaloni, Kijiji cha Buraga, Kata ya Bukumi umefikia hatua nzuri ambapo Boma la Vyumba Viwili (2) vya Madarasa na Ofisi moja (1) ya Walimu limeanza kunyanyuliwa.

Mwenyekiti wa Serikali ya Kijiji cha Buraga, Ndugu Gerald Mageta ameelezea mafanikio ya ujenzi huo kuwa, mbali na MICHANGO ya WADAU wa Maendeleo, WAKAZI wa Kitongoji wa Buraga wanachangia NGUVUKAZI zao ikiwemo kusomba mawe, mchanga na maji ya ujenzi. Vilevile wanachanga Tsh 5,000/- (elfu tano) kutoka kila Kaya.

Baada ya kukamilisha ujenzi wa BOMA hilo kifuatacho ni ujenzi wa Matundu 4 ya Choo, Nyumba moja ya Mwalimu na baade kuongeza Vyumba vya Madarasa kwa ajili ya kuwa na Shule ya Msingi yenye Darasa la I hadi la VII.

WAKAZI wa Kitongoji cha Mwaloni na Kijiji cha Buraga kwa ujumla wao, WANAOMBA WAZALIWA na WADAU wa Maendeleo wajitokeze KUCHANGIA ujenzi huu – hayo yalisemwa na Mwenyekiti wa Kijiji cha Buraga, Ndugu Gerald Mageta.

Kwa upande wake, Mlezi wa Shule Shikizi Mwaloni, Mwl Robart Marwa ameiomba SERIKALI na WADAU wengine wa Maendeleo waendelee kuunga mkono jitihada za Wanakijiji hao ili waweze kuondoa tatizo la Watoto zaidi ya 80 ambao hutembea umbali wa kilomita zaidi ya 4 kwenda masomoni kwenye Shule za Msingi za jirani zilizoko Vijiji vya Chitare na Buraga.

Aidha Mwenyekiti wa Kamati ya Ujenzi wa Shule hiyo, Ndugu Nyajoge Nyanjara amesema kwa sasa wana jumla ya WANAFUNZI 51 wa UTAYARI ambao wanasomea chini ya MTI kwa sababu ya UKOSEFU wa Vyumba vya Madarasa.

Wananchi wa Kitongoji cha Mwaloni na wa Kijiji chote cha Buraga WANAMSHUKURU Mbunge wao Profesa Sospeter Muhongo kwa MCHANGO wake wa SARUJI MIFUKO 50. Vilevile MFUKO wa JIMBO umewachangia SARUJI MIFUKO 50.

Shule ya Shikizi Mwaloni ni kati ya Shule Mpya 10 (kumi) za Msingi zinazojengwa (na nyingine zimekamilisha ujenzi) Jimboni mwetu. Kwa sasa Vijiji vyetu 68 vina jumla ya Shule za Msingi 113 (111 za Serikali na 2 za Binafsi).

Jimbo la Musoma Vijijini linaelekea kwenye KILA KIJIJI kuwa na SHULE za MSINGI MBILI (2). TUMEDHAMIRIA, TUTAFANIKIWA!

WANAKIJIJI NA SERIKALI KUPITIA MRADI WA EQUIP WAKAMILISHA UJENZI WA SHULE SHIKIZI MWIRINGO

Posted on July 9, 2019July 9, 2019

Shule SHIKIZI Mwiringo ikiwa imekamilika na tayari kupokea Wanafunzi kutoka Kitongoji cha Ziwa na kwingineko Kijijini Mwiringo, Kata ya Busambara.

Jumanne, 09.07.2019

Na: Hamisa Gamba

Msaidizi wa Mbunge

Wananchi wa Kijiji cha MWIRINGO, Kata ya Busambara WAMESHIRIKIANA na SERIKALI yetu kupitia Mradi wake na Wafadhili wa EQUIP kufanikisha ujenzi wa Shule SHIKIZI Kijijini humo.

Shule hiyo imejengwa kwenye Kitongoji cha Ziwa ndani ya Kijiji cha Mwiringo.

Shule Shikizi Mwiringo ni kati ya SHULE KUMI (10) MPYA za MSINGI zinazojengwa kwenye Jimbo la Musoma Vijijiji lenye Jumla ya Shule za Msingi 113 (111 za Serikali na 2 za Binafsi).

Ujenzi wa hizo Shule kumi (10) ukikamilika na baadae zikapanuliwa ili kuchukua Wanafunzi wa Darasa la I hadi VII, Jimbo letu litakuwa na Jumla ya Shule za Msingi 123 (121 za Serikali na 2 za Binafsi). Safari ya kuelekea kwenye SHULE ZA MSINGI MBILI (2) KWA KILA KIJIJI (Vijiji 68, Kata 21) inaenda vizuri!

EQUIP (The Education Quality Improvement Programme) ilitoa Shilingi MILIONI 60 kwa ajili ya ujenzi wa: (i) Vyumba viwili (2) vya Madarasa, (ii) Ofisi moja (1) ya Walimu, na (iii) Matundu sita (6) ya Vyoo, yaani 4 ya Wanafunzi na 2 ya Walimu.

Mwalimu Mkuu Msaidizi wa Shule ya Msingi Mwiringo, Mwl Surusi Mnene ambae ndie Mlezi wa Shule hiyo SHIKIZI, alieleza kuwa ujenzi huo ulianza Januari 2019 na hadi hivi sasa ujenzi umekamilika. Matenki mawili (2) ya kuvuna MAJI yako tayari na Mafundi wanakamilisha MADAWATI 50.

Afisa Mtendaji wa Kijiji cha Mwiringo, Ndugu Coletha Felix alieleza kuwa amefurahishwa sana na Jitihada za Wananchi wa Kijiji cha Mwiringo kwa NGUVUKAZI zao na ushirikiano wao mkubwa waliouonesha katika kuhakikisha ujenzi huo unakamilika haraka. Wananchi hao wamejitolea kusomba mawe, kokoto, mchanga na maji kwa ajili ya ujenzi huu.

Wanakijiji cha Mwiringo na Viongozi wao wa Jimbo la Musoma Vijijini, kwa pamoja, wanaishukuru sana SERIKALI yetu kwa jitihada kubwa inazofanya kwa kuwaunga mkono kwenye MIRADI ya MAENDELEO ikiwemo Miradi ya ELIMU na AFYA Kijijini mwao.

MRADI WA USAMBAZAJI WA MAJI WATEKELEZWA KWENYE VIJIJI VITANO (5)

Posted on July 9, 2019July 9, 2019

Utekelezaji wa MRADI wa USAMBAZAJI MAJI kwenye Vijiji vya Busungu, Bukima na Kwikerege.

Jumapili, 07.07.2019

Jimbo la Musoma Vijijini

Na: Verediana Mgoma

Msaidizi wa Mbunge

MRADI wa USAMBAZAJI WA MAJI kwenye Vijiji vitano (5) umegawanywa kwenye Makundi mawili (2 LOTS) ili kuharakisha UTEKELEZAJI wake.

KUNDI I (Lot I)

Bulinga-Bujaga: Maji yatachukuliwa kutoka Kijijini Bujaga kwa ajili ya kusambaza kwenye Vijiji vya Bujaga na Bulinga, vyote vya Kata ya Bulinga. Mradi huu unatekelezwa na Mkandarasi MEDES COMPANY Ltd na gharama yake ni Tsh.1,812,675,036 (Tsh 1.81 bilioni).

MRADI huo ulizinduliwa wakati wa Mbio za Mwenge kwenye Jimbo la Musoma Vijijini, tarehe 31.05.2019.

KUNDI II (Lot II)

Busungu-Bukima-Kwikerege: Maji yatachukuliwa kutoka Kijiji cha Bujaga na kusambazwa Vijijini Busungu (Kata ya Bulinga), Bukima (Kata ya Bukima) na Kwikerege (Kata ya Rusoli)

UTEKELEZAJI wa Mradi wa Usambazaji wa MAJI kwenye Vijiji hivyo vitano (5) unaendelea kwa kasi ya kuridhisha.

MRADI wa Busungu-Bukima-Kwikerege: unagharimu Tsh 1, 022, 531, 876 (Tsh 1.02 bilioni), unatekelezwa na Mkandarasi EDM NETWORK LTD JV FAU CONSTRUCTION LTD.

Kazi zinazotekelezwa ni pamoja na:

(i) Ujenzi wa Tenki lenye ujazo wa LITA 225,000, (ii) Ofisi ya Mradi, (iii) Vituo 18 vya kuchotea Maji, (iv) Viosk 2 vya kuuzia Maji, (v) Birika za kunyweshea MIFUGO na (vi) Utandazaji wa MABOMBA ya kusambaza MAJI.

Mkandarasi anayesimamia Mradi huu, Injinia Bosco Victor Sechu anasema kuwa hadi sasa wamejenga Vituo 18 vya maji, Ofisi, Viosk na Birika za kunyweshea MIFUGO. MRADI unatekelezwa kwa muda wa MWAKA MMOJA na utakamilika ifikapo Septemba 2019.

Ndugu Charles Ndagile, Mtendaji wa Kijiji (VEO) cha Busungu ameeleza kwamba WANANCHI wa Eneo la MRADI wameupokea vizuri Mradi huu na KUKUBALI KUTOA MAENEO ya ARDHI yao ili kutandaza MABOMBA bila kudai fidia yo yote.

Aidha kukamilika kwa MRADI huu kutaondoa UKOSEFU wa upatikanaji na MAJI safi na salama kwa hivyo Vijiji na akina MAMA hawatatembea tena umbali mkubwa kwenda kuteka MAJI.

Taratibu za kumpata Mkandarasi wa Mradi wa Vijiji vya Bugunda, Bwasi, Chimati na Kome zimeanza.

Kwa niaba ya WANANCHI wa Jimbo la Musoma Vijijini, Mbunge wa Jimbo, Profesa Sospeter Muhongo anaendelea KUISHUKURU SANA SERIKALI kwa juhudi zake za kuanzisha na kutekeleza MIRADI ya USAMBAZAJI wa MAJI Vijijini mwao.

KIKUNDI CHA NGUVUKAZI CHATOA MSAADA WA CHAKULA SHULENI

Posted on July 1, 2019July 1, 2019

Kikundi cha NGUVUKAZI kikiwa na mavuno ya MAHINDI kutoka shambani mwao

Na: Verediana Mgoma

Msaidizi wa Mbunge

Jumamosi, 29.06.2019

Kikundi cha NGUVUKAZI kilichopo Kijiji cha Buanga, Kata ya Rusoli kilianzishwa Mwaka jana (2018) wakiwa chini ya Shirika la Kimataifa la Maendeleo ya Jamii (PCI, Project Concern International) lililowapa MAFUNZO ya KILIMO Wanachama wa Kikundi hicho na baadae wakaanzisha KILIMO cha MAHINDI, VIAZI LISHE, na MPUNGA.

Afisa Kilimo wa Kata, Ndugu Sevas Ngova ameeleza kwamba Kikundi cha NGUVUKAZI kilipata MAFUNZO ya ZAO JIPYA JIMBONI la ALIZETI na baada ya MAFUNZO walianza na SHAMBA DARASA kwa kutumia Mbegu walizopewa na Mbunge wa Jimbo,

Profesa Sospeter Muhongo. Mavuno ya awali ya ALIZETI yalikuwa ya MAGUNIA 10. Mbegu nyingine walizopokea kutoka kwa Mbunge wao huyo ni za MTAMA, MIHOGO na UFUTA.

Ndugu Tore Masamaki, Mwenyekiti wa Kikundi cha NGUVUKAZI ameeleza kwamba Kikundi hicho kilianza na WANACHAMA 18 na baada ya MAFANIKIO ya kuridhisha kupatikana, Wanachama wameongezeka na kufikia 30 (thelathini).

Kikundi cha NGUVUKAZI kinaendelea kushirikiana na Shirika la PCI ambalo moja ya malengo yake makuu ni kutoa CHAKULA mashuleni, ikiwemo Shule ya Msingi Bwenda.

“Kupitia Kikundi hiki mavuno yanayopatikana hupelekwa shuleni hapo, na mengine ni kwa manufaa yao wenyewe na familia zao – Ndugu Masamaki aliyasema haya na kuongeza kwamba sasa wanatafuta VIFAA vya UMWAGILIAJI waanze Kilimo hicho.

Mwalimu Mkuu wa S/M Bwenda, Mwl Christopher Cosmas amekiri kupokea jumla ya KILO 220 za MAHINDI kutoka Kikundi cha NGUVUKAZI kwa ajili ya CHAKULA cha WANAFUNZI.

Mwalimu Mkuu huyo anasema CHAKULA kinachotelewa kwa WANAFUNZI wote hapo Shuleni kimefanya UTORO usiwepo na HAMASA ya Wanafunzi kupenda kupata ELIMU imeongezeka.

Aidha Diwani wa Kata ya Rusoli, Mhe Boaz Nyeura ameshukuru Kikundi cha NGUVUKAZI kwa jitihada zake na kupitia vikao vya hadhara ameomba VIKUNDI vingine kujitokeza kusaidia UPATIKANAJI wa CHAKULA kwa Shule nyingine ndani ya Kata yao ya Rusoli.

KILIMO CHA UMWAGILIAJI CHANUFAISHA KIUCHUMI KIKUNDI CHA MKULIMA JEMBE CHA KATA YA BUKIMA

Posted on June 24, 2019June 24, 2019

WANACHAMA wa Kikundi cha MKULIMA JEMBE wakiwa kwenye SHAMBA lao la MATIKITI, Kijijini Kastam, Kata ya Bukima.

Jumapili, 23.06.2019

Na: Verediana Mgoma

Msaidizi wa Mbunge

Kikundi cha MKULIMA JEMBE kilichopo Kijiji cha Kastam, Kata ya Bukima kilianzishwa Mwaka 2014 kikijishughulisha na uoteshaji wa MICHE badaye walifanikiwa kuanzisha KILIMO cha UMWAGILIAJI wakilima MBOGAMBOGA, MATUNDA pamoja na mazao ya CHAKULA – viazi vitamu, maharage na mahindi.

Mwenyekiti wa Kikundi hicho, Ndugu Festo Obed ameeleza kuwa kupitia KILIMO cha UMWAGILIAJI wamefanikiwa kununua Mashine/Pampu ya Umwagiliaji ya SOLAR, kusomesha Watoto wao na kujikimu kwenye matumizi mengine ya kifamilia. Fedha zao zinatunzwa Benki.

Ndugu Obed ameendelea na kusema kwamba, Kikundi cha MKULIMA JEMBE kimefanikia kuanzisha Kikundi kingine kiitwacho “TUMETAMBUA” ambacho kinajishughulisha na Kilimo cha Umwagiliaji na kina Mradi wa KUWEKA na KUKOPESHANA.

Afisa Kilimo wa Kata ya Bukima, Ndugu Mushangi Salige ameeleza kuwa Kata hiyo ina fursa kubwa ya kupanua KILIMO cha UMWAGILIAJI kwa sababu Wakazi wengi wapo kando kando mwa Ziwa Viktoria.

Afisa Kilimo huyo amemshukuru sana Mbunge wa Jimbo la Musoma Vijijini, Prof Sospeter Muhongo kwa kuwezesha Kikundi cha MKULIMA JEMBE kupata Vifaa vya Umwagiliaji (pampu na mipira) kutoka MFUKO wa JIMBO. Kikundi hicho na vingine Jimboni viligawiwa bure MBEGU za Mbogamboga na Matunda.

Vilevile Wanavijiji wa Kata hiyo ya Bukima wanamshukuru sana Mbunge wao Prof Muhongo kwa KUWAGAWIA BURE Mbegu za ALIZETI, MTAMA na MIHOGO, amesema Afisa Kilimo huyo.

UJENZI NA UBORESHAJI WA MIUNDOMBINU YA AFYA WAPAMBA MOTO JIMBONI

Posted on June 23, 2019June 23, 2019

Kazi za ujenzi wa ukamilishaji wa BOMA la OPD la Kituo cha Afya Nyambono.

Jumamosi, 22.06.2019

Na: Hamisa Gamba

Msaidizi wa Mbunge

TAKWIMU

* Kata 21, Vijiji 68 na Vitongoji 374

*ZAHANATI za Serikali zinazotoa huduma: 23

*ZAHANATI za Binafsi zinazotoa huduma: 4

*ZAHANATI MPYA zinazojengwa na Wananchi: 13

*VITUO VYA AFYA vya Serikali vinavyotoa huduma: 2 (Murangi & Mugango)

* VITUO VY AFYA VIPYA vinavyojengwa na Wananchi: 1 (Nyambono)

*HOSPITALI YA WILAYA ya Serikali inayojengwa: 1 (Kitongoji cha Kwikonero, Kijiji cha Suguti)

* MAGARI ya Wagonjwa (AMBULANCES): 5 (tano) yalitolewa na Mbunge wa Jimbo, Prof Muhongo.

KITUO CHA AFYA CHA KATA YA NYAMBONO

Mnamo Disemba 2017, Wananchi wa Kata ya Nyambono (Vijiji 2: Nyambono na Saragana) walianza ujenzi wa Kituo chao cha Afya kinachojengwa katika Kijiji cha Nyambono.

Wananchi hao wamekubali kuendesha shughuli za ujenzi huo kwa KUJITOLEA kusomba maji, mawe, mchanga na kokoto. Vilevile WANACHANGIA Fedha Taslimu Tsh 11,000 (elfu kumi na moja) kutoka kila KAYA.

Sambamba na jitihada hizo za WANANCHI, Mbunge wa Jimbo la Musoma Vijijini Prof Sospeter Muhongo ameungana na Wanavijiji hao kwa kuchangia SARUJI MIFUKO 100 na NONDO 18.

WAZALIWA au wenye CHIMBUKO la Kijiji cha Nyambono ambao kwa sasa wanaishi nje ya Kijiji hicho ndio walioanzisha MRADI huu wa ujenzi. Wameanza kuchangia tangu hatua za Msingi na hadi sasa BOMA la OPD linapokaribia kukamilika. Wadau hawa wamekwishachangia Fedha taslimu jumla ya Tshs.5,954,000/= katika Mradi huu.

Aidha Uongozi wa Kijiji na Kata ya Nyambono, ukiongozwa na Diwani wa Kata ya Nyambono Mhe Mkoyongi Masatu Nyanjaba umetoa SHUKRANI za kipekee kwa WADAU WOTE wa Maendeleo wanaochangia ujenzi wa Kituo cha Afya Nyambono ambao ni: Wanavijiji, Wazaliwa wa Nyambono na Mbunge wa Jimbo, huku akibainisha kuwa ujenzi wa BOMA hilo la OPD utakamilika mapema wiki ijayo (picha hapo chini).

WANAVIJIJI na VIONGOZI wa Kata na Kijiji cha Nyambono wanaendelea KUTOA SHUKRANI nyingi na za dhati kwa WAZALIWA na wenye CHIMBUKO la Nyambono kwa MICHANGO yao. Wachangiaji hao ni:

1. Mkama Manyama

2. Nice Kuleba

3. Majura Songo

4. Eliud Kwabira

5. Shida Mulegi

6. Beredy Maregesi

7. Maganira Daudi

8. Malenya Sambu

9. David Alal

10. Bunyata Mkama

11. Adonias Mkama

12. Japhet Maganira

13. Mch. Yeremia Magomba

14. Ominde John

15. Albinus Manumbu

16. Benedict Mkama

17. Dickson Mufungo

18. Ching’oro Ebanda, na wengine wote wanaoendelea kutoa ushirikiano wao kwenye ujenzi wa Kituo cha Afya cha Nyambono.

“OKOA MAISHA yako, ya NDUGU, JAMAA na WATANZANIA wengine kwa ujumla kwa KUCHANGIA ujenzi wa Kituo cha Afya Nyambono – KARIBU NAWE UCHANGIE ujenzi huu.”

SERIKALI YASAIDIA SHULE YA MSINGI KIRIBA KWENYE UJENZI WA VYUMBA VIPYA VYA MADARASA NA UPATIKANAJI WA MADAWATI

Posted on June 21, 2019June 21, 2019

kazi za ujenzi zinazoendelea kwenye S/M Kiriba, Kijijini Kiriba – ukamilishaji wa Chumba kimoja cha Darasa na Chumba kingine ambacho hakijaezekwa

Alhamisi, 20.06.2019

Jimbo la Musoma Vijijini

Na: Fedson Masawa

Msaidizi wa Mbunge

UBORESHAJI WA MIUNDOMBINU YA ELIMU JIMBONI

TAKWIMU:

*Kata 21, Vijiji 68, Vitongoji 374

*Idadi ya SHULE za MSINGI za Serikali: 111

*Idadi ya Shule za Msingi za Binafsi: 2

*Idadi ya Shule za Msingi MPYA zinazojengwa na Wanavijiji kwa kushirikiana na Serikali: 10

*Idadi ya SEKONDARI za Kata/Serikali: 19

*Idadi ya Sekondari za Binafsi: 2

*Idadi ya Sekondari MPYA zinazojengwa na Wanavijiji kwa kushirikiana na Serikali: 7

S/M KIRIBA YAPIGWA JEKI NA SERIKALI

SERIKALI kupitia Mradi wake na Wafadhili wa EP4R imetoa jumla ya Tsh Milioni 12.5 kwa ajili ya kukamilisha ujenzi wa Chumba kimoja cha Darasa katika Shule ya Msingi Kiriba iliyopo Kijijini Kiriba, Kata ya Kiriba.

Mkuu wa Shule ya Msingi Kiriba, Mwalimu Agnes Emmanuel ameeleza kuwa, ukamilishaji wa chumba hicho kimoja umefikia hatua nzuri kwa kuzingatia maelekezo ya TAMISEMI ambayo ni pamoja na KUKAMILISHA UJENZI wa Darasa hilo na UNUNUZI wa MADAWATI 23 kwa Wanafunzi 45.

Shule ya Msingi Kiriba ina jumla ya Wanafunzi 581, inauhitaji wa Vyumba 13 vya Madarasa, vilivyopo ni 6 na pungufu ni vyumba 7. Hadi sasa jumla ya Madarasa Mawili (2) yanasomea NJE chini ya MITI.

Ujenzi wa Maboma ya Vyumba Viwili vya Madarasa ulianza Mwaka 2017 baada ya Mbunge Prof Sospeter Muhongo KUCHANGIA SARUJI MIFUKO 60 na WANAKIJIJI kuchangia NGUVUKAZI ya kusomba mawe, kokoto, mchanga na maji.

S/M Kiriba inahitaji MABATI 54 kuezekea Chumba kilichobaki cha Darasa. Mwenyekiti wa PMU wa Wilaya & Kijiji (Kiriba) Ndugu Murumba Murumba na Mtendaji wa Kijiji (VEO) Ndugu Antony Daniel Safi WAMEAHIDI kuwashawishi Wananchi wachangie MABATI 54 na kazi ya uezekaji wa Darasa lilobakia ikamilike kabla ya tarehe 30.06.2019.

Mbali ya MCHANGO huo wa Mbunge wa Jimbo, S/M Kiriba imepokea jumla ya MADAWATI 95, VITABU vya MASOMO ya Kiingereza na Sayansi kutoka kwa Mbunge wao wa Jimbo.

KIJIJI CHA NYASAUNGU WATUMIA WIKI 1 KUKAMILISHA MSINGI WA SEKONDARI WANAYOIJENGA

Posted on June 21, 2019June 21, 2019

kazi za ujenzi wa Msingi (foundation) wa Sekondari ya Kijiji cha Nyasaungu kilichoko kwenye Kata ya Ifulifu

Na: Fedson Masawa

Msaidizi wa Mbunge

Taarifa ya awali ya UJENZI wa SEKONDARI ya KIJIJI cha NYASAUNGU, Kata ya Ifulifu, ilitolewa tarehe 14.06.2019.

Baada ya WIKI MOJA, tayari MSINGI (foundation) wa Jengo la kwanza umekamilika. Jengo hilo ni la Vyumba Vitatu (3) vya Madarasa.

Kwa Mujibu wa Kamati ya Ujenzi wa Sekondari hiyo, ifikapo Jumamosi, tarehe 22.06.2019, JAMVI litamwagwa.

MICHANGO YA UJENZI WA SEKONDARI YA KIJIJI

Wakazi wa Kijiji cha Nyasaungu WANACHANGA kati ya Tsh 200,000 na 40,000 kutoka kila KAYA.

MICHANGO imegawanywa katika MAKUNDI 4 kama ifuatavyo:

(i) Kundi la WAFUGAJI wenye NG’OMBE kati ya 10 na 29, kila KAYA inachangia Tsh 50,000/=

(ii) Kundi la WAFUGAJI wenye NG’OMBE kati ya 30 na 50 kila KAYA inachangia Tsh 100,000/=

(iii) Kundi la WAFUGAJI wenye NG’OMBE kati ya 51 na 200, kila KAYA inachangia Tsh 200,000/=

(iv) Kundi lenye KAYA ZISIZO na NG’OMBE au zenye NG’OMBE chini ya 10, zinachangia Tsh 40,000/=

Mbali ya MICHANGO wanayoendelea kutoa, NGUVUKAZI za Wanakijiji hao zinatumika kusomba mawe, kokoto, mchanga, maji na kufyatua tofali.

NYASAUNGU NGUVU MOJA, KARIBUNI TUCHANGIE MAENDELEO YA KIJIJI CHA NYASAUNGU

SERIKALI YAPIGA JEKI WANAKIJIJI KWENYE KATA YA BUGWEMA KUJENGA SHULE SHIKIZI

Posted on June 17, 2019June 17, 2019

Ujenzi wa Shule Shikizi Kaguru inayojengwa kwenye Kitongoji cha Kaguru, Kijijini Bugwema, Kata ya Bugwema

Jumatatu, 17.06.2019

Na: Hamisa Gamba

Msaidizi wa Mbunge

Serikali kupitia Mradi wake wa EQUIP imetoa Tsh Milioni 60 kwa ajili ya ujenzi wa SHULE SHIKIZI KAGURU, inayojengwa kwenye Kitongoji cha Kaguru, Kijijini Bugwema, Kata ya Bugwema.

Ujenzi wa SHULE SHIKIZI KAGURU ni muhimu sana kwa sababu watoto wa Kitongoji hicho na vile vya jirani wanalazimika kutembea umbali usiopungua kilomita 5 kwenda masomoni kwenye Shule jirani (S/M Bugwema) iliyoko Kijijini Bugwema.

Mbali ya MSAADA mkubwa uliotolewa na Serikali wa Tsh Milioni 60, NGUVUKAZI za Wananchi zinatumika kusomba mawe, kokoto, mchanga na maji kwa ajili ya ujenzi huu. Vilevile Wananchi wamekubali KUCHANGA fedha taslimu Tsh 16,000 kutoka kila KAYA.

Vyumba Viwili (2) vya Madarasa, Ofisi 1 ya Walimu Choo chenye Matundu 6 (Wanafunzi 4 na Walimu 2) vimeishajengwa.

Mwl Mkuu wa Shule ya Msingi Bugwema, Ndugu Esangya J. Bitta ambaye ni Msimamizi wa Ujenzi huu na Mlezi wa Shule Shikizi hiyo inayojengwa, ameeleza kuwa ujenzi ulianza rasmi Mwezi Machi 2019 na umepangwa ukamilike Juni 30, 2019. Aliongezea kuwa pamoja na ujenzi wa Vyumba 2 vya Madarasa, Ofisi 1 na Vyoo; kwa kuzingatia Usafi wa Mazingira na Afya Bora, MIUNDOMBINU ya MAJI inawekwa ikiwa ni jumla ya Matenki matano (5) ya Maji. Matenki 3 ni kwa ajili ya matumizi ya Vyoo na Matenki 2 kwa ajili ya matumizi mengine.

Diwani wa Kata ya Bugwema, Mhe Ernest Maghembe ametoa SHUKRANI nyingi sana kwa SERIKALI yetu na haswa kwa Mradi wa EQUIP, kwa kutoa MCHANGO huo mkubwa wa Fedha kwa ajili ya ujenzi wa Shule Shikizi hiyo mpya. Diwani huyo amesema WAMEPANGA kwamba Shule hiyo Shikizi ITAPANULIWA na kuwa Shule kamili ya Msingi yenye Darasa la I hadi la VII.

ELIMU YA KILIMO SHULENI – SHULE YA SEKONDARI NYANJA YAANZA KUTOA ELIMU YA KILIMO CHA ALIZETI KWA WANAFUNZI WAKE

Posted on June 16, 2019June 16, 2019

Wanafunzi wa Sekondari ya Nyanja WAKIPALILIA zao la ALIZETI kwenye SHAMBA la SHULE

Jumamosi, 15.06.2019

Na: Verediana Mgoma

Msaidizi wa Mbunge

Shule ya Sekondari Nyanja, ilioyoko Kata ya Bwasi, imeanza kutoa ELIMU ya KILIMO cha ALIZETI ili kuandaa VIJANA KUJIAJIRI WENYEWE kwenye Sekta ya Kilimo mara wamalizapo Masomo ya Kidato cha IV na wengine wavutiwe KUSOMEA fani ya KILIMO waendeleapo na MASOMO ya juu.

Mwalimu Charles Ndebelle ambae ni Mkuu wa Sekondari ya Nyanja ameeleza kwa namna ambavyo Shule hiyo imechukua uamuzi wa kujishughulisha na KILIMO ili kukuza PATO na UCHUMI wa SHULE kupitia KILIMO huku wakitumia FURSA hiyo KUELIMISHA na KUANDAA WANAFUNZI wao kuingia kwenye AJIRA na UTAALAMU wa KILIMO kwa siku zijazo.

Mwalimu Mkuu huyo amesema kwamba maeneo yote ya Shule yalio wazi yatapandwa MAZAO mbalimbali na wanatarajia kuanza KILIMO CHA UMWAGILIAJI hivi karibuni kwani Sekondari ya Nyanja iko umbali wa mita 200 kutoka Ziwa Viktoria.

Afisa Kilimo wa Kata hiyo ya Bwasi, Ndugu Gustavu Msahi ameongeza na kusema kwamba sehemu ya MAFUNZO ya KILIMO shuleni hapo ni yale ya kuwajengea uwezo na uzoefu WANAFUNZI kutambua umuhimu wa MAZAO ya muda mfupi ya CHAKULA (k.m. mbogamboga) na ya BIASHARA (k.m. ALIZETI).

Afisa Kilimo huyo ameeleza kwamba MASHAMBA ya hapo Shuleni yanatumika kama SHAMBA DARASA kwa JAMII inayoishi karibu na Sekondari hiyo.

Aidha Diwani wa Kata ya Bwasi Mhe Masatu Nyaonge amewashauri WALIMU wa Sekondari ya Nyanja kuendelea kuboresha SOMO la KILIMO na kuanza kulitoa kwenye Shule za Msingi zilizo jirani nao.

VIONGOZI hao, yaani Diwani, Afisa Kilimo na Mwalimu Mkuu wa Sekondari ya Nyanja kwa pamoja WAMEMSHUKURU SANA Mbunge wa Jimbo lao, Prof Sospeter Muhongo kwa KUSIMAMIA VIZURI uanzishwaji wa Kilimo cha ALIZETI Jimboni humo. Mbunge huyo AMEGAWA BURE Mbegu za ALIZETI kwa Misimu ya Kilimo 3 mfululizo ikiwa ni Jumla ya taribani TANI 10 za Mbegu za ALIZETI alizonunua yeye mwenyewe na TANI 10 nyingine alizopewa na Serikali. Sekondari ya Nyanja iligawawiwa bure Mbegu za ALIZETI za Mbunge wao.

Vilevile, Mbunge Prof Muhongo ALISHAGAWA BURE Mbegu za MTAMA, MIHOGO na alishirikiana na Halmashauri kusambaza bure Mbegu za UFUTA.

Sekta ya KILIMO, kikiwemo Kilimo cha Umwagiliaji, inaimarishwa ndani ya Jimbo la Musoma Vijijini ili kutoa AJIRA kwa Vijana na Wanavijiji wengine, kupambana na upungufu wa CHAKULA, na kupanua wigo wa Mazao ya Biashara (pamba, alizeti, mihogo, n.k.) Jimboni humo.

MKURUGENZI KAYOMBO ATOA MIKOPO YENYE THAMANI YA SHILLINGI MILLIONI 11 KWA VIKUNDI VYA KWIKUBA CARPENTRY NA AMANI NA UPENDO, HALMASHAURI YAFIKIA ASILIMIA 92.6 YA LENGO LA UTOAJI MIKOPO KWA MWAKA WA FEDHA 2018/2019*.

Posted on June 14, 2019June 14, 2019

Mkurugenzi wa Halmashauri ya Wilaya ya Musoma Ndg. John Lipesi Kayombo akikabidhi hati ya mkopo huo kwa kikundi cha wanawake kinachojulikana kwa jina la Amani na Upendo.

Alhamisi 13, June 2019

Musoma, Mara.

Mkurugenzi wa Halmashauri ya Wilaya ya Musoma Ndg. John Lipesi Kayombo ametoa mikopo yenye thamani ya shillingi *11,000,000/=* kwa vikundi 2, ambapo 1 cha vijana kinachojulikana kwa jina la Kwikuba Carpentery na 1 cha wanawake kinachojulikana kwa jina la Amani na Upendo.

Zoezi hilo la utoaji wa mikopo hiyo limefanyika leo Alhamisi 13, June 2019 katika Ofisi ya Mkurugenzi huyo iliyopo katika eneo la uwanja wa Ndege, Musoma.

Akizungumza wakati wa makabidhiano ya hati ya malipo ya fedha hizo Mkurugenzi Kayombo aliwataka wanufaika wa mikopo hiyo kuitumia kwa malengo yaliyokusudiwa.

“Kwa kuwajali na kuwapenda watanzania hususani wanyonge, Serikali ya awamu ya tano inayoongozwa na Dkt John Pombe Magufuli imeondoa riba kwenye mikopo ya vikundi, sasa hivi pesa utakayokopa ndio utakayorudisha” alisema Kayombo.

“Kwa hiyo nawakabidhi fedha hizi, naomba mzitumie kwa malengo yaliyokusudiwa ili kuweza kurudisha mikopo hii kwa wakati na kuepukana na ucheleweshaji wa kurejesha na kupelekea kupata faini ya asilimia 10 ya kile mkichokopa” alisema Kayombo.

Sambamba na hilo Mkurugenzi Kayombo alisema Halmashauri hiyo imefikia asilimia *92.6* ya lengo la kutoa mikopo na kubakiza asilimia *7.4* ya bajeti ya halmashauri kwa 10% ya mikopo iliyobajetiwa.

“Bajeti ya mapato ya ndani ya Halmashauri ya Shillingi 1,094,260,000/= kwa mwaka wa fedha 2018/2019 na kutenga asilimia 10 ya mapato hayo kwa ajili ya mikopo ya wanawake, walemavu na vijana ambayo ni Shillingi *109,426,000/=*, mpaka sasa kwa mwaka huu wa fedha tumeshatoa mikopo yenye thamani ya shillingi *101,000,000/=* kwa vikundi 25 ambayo ni sawa na asilimia *92.6* ya mikopo, imebaki asilimia 7.4 ambayo nataka mpaka ikifika 28, June 2019 fedha yote iliyobaki iwe imekopeshwa” alisema Kayombo.

“Tumetoa mikopo kwa awamu *nne* kwa vikundi 16 vya wanawake, vikundi 6 vya vijana na vikundi 3 vya walemavu, ambapo awamu ya *kwanza tulitoa mikopo yenye thamani ya shillingi 49,000,000* kwa vikundi 6 vya wanawake, 3 vya vijana na 2 vya watu wenye ulemavu, *awamu ya pili tulitoa mikopo yenye thamaniya shillingi 20,000,000/=* kwa vikundi 4 vya wanawake, *awamu ya tatu tulitoa mikopo yenye thamani ya shillingi 21,000,000/=* kwa vikundi 3 vya wanawake, na 1 cha vijana, *pia tulitoa mkopo kutoka kwenye fedha ya marejesho shillingi 19,000,000/=* kwa vikundi 2 vya wanawake, 1 vijana na 1 cha watu wenye ulemavu, leo tunatoa mikopo kwa *awamu ya nne yenye thamani ya shillingi 11,000,000/=* kwa kikundi 1 cha wanawake na 1 cha vijana ambapo mpaka sasa tumeshatoa mikopo kwa vikundi 25” alisema Kayombo.

*Imetolewa na*

*Kitengo cha Habari na Uhusiano*

*Halmashauri ya Wilaya ya Musoma*.

SHEREHE NA MAENDELEO VIJIJINI – KIJIJI CHA NYEGINA CHAAMUA KUJENGA SEKONDARI YAKE

Posted on June 10, 2019June 10, 2019

Mh. Mbunge Prof Sospeter Muhongo akiwa na Wananchi wakiwemo Waumini wa Dini ya Kiislamu kwenye Msikiti wa Kijijini Nyegina (siku ya Eid el Fitr) na kisha kuelekea kwenye eneo la ujenzi wa Sekondari ya Kijiji cha Nyegina (kwa ajili ya Harambee ya ujenzi).

Jumapili, 09.06.2019

Jimbo la Musoma Vijijini

Sherehe za Eid el Fitr za Mwaka huu (2019) zilifanyika ndani ya Jimbo letu kwenye MISIKITI 3 ya VIJIJI 3 vya Kome (Kata ya Bwasi), Mayani (Kata ya Tegeruka) na Nyegina (Kata ya Nyegina).

Mbunge wa Jimbo, Prof Sospeter Muhongo ALIWAKARIBISHA Waislamu na Wanavijiji wa Madhehebu mengine kwenye Kifungua Kinywa cha Eid (Eid el Fitr Breakfast) na Chakula cha Mchana cha Eid (Eid el Fitr Lunch) kwenye MISIKITI hiyo 3.

Vilevile, Sikukuku hiyo ilitumika kukagua na kuchangia MIRADI ya MAENDELEO kwenye VIJIJI 3 vilivyokuwa WENYEJI wa Sikukuu hiyo kwa Mwaka huu.

KIJIJI CHA NYEGINA CHAAMUA KUJENGA SEKONDARI YAKE

Watoto wa Kijiji cha Nyegina wanatembea UMBALI MKUBWA wa kilomita 4-7 kwenda MASOMONI kwenye Sekondari ya Kata yao ya Nyegina (Mkirira Secondary School) iliyoko Kijiji jirani cha Mkirira.

Kutokana na TATIZO hilo la umbali mkubwa wa kutembea kwenda masomoni Sekondari ya Kata, Wakazi wa Kijiji cha Nyegina WAMEAMUA kujenga Sekondari yao, Kijijini mwao.

UJENZI umeanza kwa kutumia NGUVUKAZI za Wananchi wa Kijiji hicho – wanasomba mchanga, mawe, kokoto, maji na matofali yanayonunuliwa kutoka Kanisani Nyegina. Vilevile WANAKIJIJI hao wanachangia Fedha Taslim, Tsh 12,600 kwa kila KAYA kwa ajili ya ujenzi huo. Hayo yalisemwa na Diwani wa Kata hiyo, Mhe Rajabu Majira Mchele na Kaimu Mtendaji wa Kata, Ndugu Erick Mjema.

Hadi kufikia tarehe 05.06.2019, Boma la Vyumba vya Madarasa 2 na Ofisi 1 ya Walimu lilishajengwa likiwa tayari kuezekwa. Msingi wa Vyumba vingine 2 na Ofisi 1 ya Walimu ulikuwa umechimbwa na ujenzi wake unaendelea.

LENGO KUU – ifikapo Januari 2020, Wanakazi wa Kijiji cha Nyegina WANATAKA WATOTO wao waanze Elimu ya Sekondari (Form I) Kijijini mwao na kwenye Sekondari yao.

HARAMBEE YA MBUNGE WA JIMBO

MAHITAJI YA KUKAMILISHA MABOMA 4 NA OFISI 1 YA WALIMU

1. Saruji Mifuko 50

2. Matofari 3,500 (@Tsh 1,000)

3. Fundi Tsh 700,000/=

4. Nondo 30

MICHANGO ILIYOPATIKANA KUPITIA HARAMBEE hiyo:

1. Saruji Mifuko 47

2. Matofali 1,799 (Wananchi na Viongozi wao akiwemo Mhe Diwani Majira 799 na Mbunge wao 1,000)

*Mbali ya MCHANGO huo wa awali wa Matofali 1,000 (elfu moja), Mbunge wao Prof Muhongo AMEAHIDI kuendelea kuchangia hadi hapo Sekondari itakapokamilika.

WAZALIWA wa Kijiji cha Nyegina waishio nje ya Kijiji hicho wameanza kutoa MICHANGO yao kwa ajili ya ujenzi huu. Walioanza ni:

1. Robeta Masinde

2. Bahati Taraya

3. Shida Chogero

Picha hapo chini zinaonyesha Mbunge Prof Sospeter Muhongo akiwa na Wananchi wakiwemo Waumini wa Dini ya Kiislamu kwenye Msikiti wa Kijijini Nyegina (Eid el Fitr) na kwenye eneo la ujenzi wa Sekondari ya Kijiji cha Nyegina (Harambee ya ujenzi).

KARIBU TUCHANGIE MAENDELEO KWA VITENDO

SHEREHE NA MAENDELEO VIJIJINI: KATA YA KIRIBA IMEANZA UJENZI WA MIUNDOMBINU KWENYE SHULE ZAKE KWA KASI MPYA

Posted on June 7, 2019June 7, 2019

MAABARA ya Kemia inavyoonekana kwa ndani , Mwalimu Mkuu (mwenye Bag begani) akitoa maelezo kuhusu maabara hiyo.

Alhamisi, 06.06.2019

Jimbo la Musoma Vijijini

Kata ya Kiriba yenye Vijiji 3 vya Bwai Kwitururu, Bwai Kumusoma na Kiriba hapo siku za nyuma ILISHINDWA kutekeleza MIRADI ya MAENDELEO kwa kasi kubwa kwa sababu ya malumbano ya VIONGOZI.

VIONGOZI na WANANCHI sasa WAMEAMUA kuweka pembeni tofauti zao za kisiasa na KUSHIRIKIANA KWA PAMOJA kwenye UTEKELEZAJI wa Miradi ya Maendeleo.

Leo, 06.06.2019 Mbunge wa Jimbo Prof Sospeter Muhongo, akifuatana na Katibu wa CCM Wilaya, Ndugu Stephen Koyo na Katibu wa UVCCM Wilaya, Ndugu Peter Kabwe WAMEKAGUA ujenzi wa Vyumba vya Madarasa, Maabara na Vyoo kwenye SEKONDARI ya KIRIBA na Shule za Msingi za Chanyauru A&B.

KIRIBA SECONDARY SCHOOL

Sekondari hii ya Kata ilianzishwa Mwaka 2006. Kwa sasa ina Wanafunzi 686, Walimu 21 (Walimu wa Masomo ya Sayansi 6, mmoja akiwa wa kujitolea).

VYUMBA VYA MADARASA – KIRIBA SECONDARY SCHOOL

Sekondari hii ina Vyumba vya Madarasa 16 na vingine 4 vinajengwa ambavyo vitaanza kutumika kuanzia tarehe 08.07.2019.

Wastani wa WANAFUNZI kwenye Chumba 1 cha Darasa ni 50-60. Vyumba vipya 3 vikianza kutumika tarehe 08.07.2019, WASTANI wa Wanafunzi kwenye Chumba 1 cha Darasa itakuwa 40-45.

Mwaka jana (2018), Wanafunzi waliomaliza Kidato cha 4 walikuwa 73 na kati ya hao 11 wameendelea na Masomo ya Kidato cha V na 6 wamejiunga na Vyuo mbalimbali.

WANANCHI wa Kata ya Kiriba WAMEKUBALI kuchangia Tsh 15,000 kwa kila KAYA kwa ajili ya ujenzi wa Vyumba VIPYA vya Madarasa. NGUVUKAZI zao zinatumika kusomba mchanga, kokoto, mawe na maji.

SERIKALI kupitia MRADI wake na WAFADHILI wa EP4R imechangia Tsh Milioni 37.5 kwa ajili ya ujenzi huo.

HARAMBEE ya leo iliyofanyika hapo Sekondari IMEWEZESHA Wananchi kuchangia Tsh Milioni 807,000/= na Mbunge mwenyewe AMECHAGIA MABATI 54.

Mbunge wa Jimbo alishatoa VITABU zaidi 1,000 (elfu) kwenye Sekondari hii. Vilevile Mbunge huyu amekubali KUSHIRIKIANA na Wazazi na BODI ya Shule KUCHANGIA POSHO ya Mwalimu wa Kujitolea wa Masomo ya Sayansi kwa muda wa miaka 2.

UONGOZI wa Shule chini ya Mwalimu Mkuu Robertious Wanjara, UONGOZI wa Kata chini ya DIWANI Mhe Msendo Mgire na VIONGOZI mbalimbali wa Chama (CCM) WANAFANYA KAZI NZURI ya KUBORESHA UFAULU na UBORA wa Elimu itolewayo Kiriba Secondary School.

MAABARA – KIRIBA SECONDARY SCHOOL

Shule imekamilisha MAJENGO ya MAABARA 3 – Chemistry, Physics na Biology. Hatua inayofuata ni kujenga MIUNDOMBINU ya NDANI ya kila Maabara.

Walimu wa Masomo ya Chemistry, Physics na Biology WATASHIRIKIANA na MAFUNDI wa FANI mbalimbali kutayarisha BAJETI (gharama) za kazi hiyo. Kazi hii itakamilika Jumatatu, 10.06.2019. MICHANGO ITAHITAJIKA KUKAMILISHA MAABARA HIZO.

EID EL FITR NDANI YA JIMBO LA MUSOMA VIJIJINI – SHEREHE NA MAENDELEO VIJIJINI

Posted on June 7, 2019June 7, 2019

Mbunge wa Jimbo akiwa na Waumini wa Dini ya Kiislamu na Wegeni wengine waalikwa kwenye eneo la Sherehe ya Eid el Fitr Kijijini Kome.

I – MASJID KOME

Kijiji cha Kome, Kata ya Bwasi

Mbunge wa Jimbo la Musoma Vijijini, Prof Sospeter Muhongo AMEWAKARIBISHA WAISLAMU wa Kijiji cha Kome na kutoka Vijiji jirani KIFUNGUA KINYWA (Eid el Fitr Breakfast) na CHAKULA CHA MCHANA (Eid el Fitr Lunch) kwenye ENEO ambalo MSIKITI wa Kijiji UTAJENGWA.

Wananchi walipata fursa ya kueleza KERO zao ambazo zilijibiwa na Mbunge huyo.

II – CHEMISTRY LABORATORY OF NYANJA SECONDARY SCHOOL

Baada ya kupata KIFUNGUA KINYWA Msikitini, Mbunge wa Jimbo Prof Sospeter Muhongo ALIENDA KUKAGUA ujenzi wa MAABARA za Nyanja Secondary School iliyoko hapo Kijijini.

Sekondari ya Kata ya Bwasi (Nyanja Secondary School). Inakamilisha ujenzi wa MAABARA 3 za Chemistry, Physics na Biology. BOMA lenye Vyumba 3 vya Maabara hizo limekamilika. Kinachoendelea kwa sasa ni kuweka MIUNDOMBINU ya ndani ya MAABARA hizo. Wameanza na Maabara ya Kemia (Chemistry Laboratory).

Ujenzi huu unasimamiwa na BODI ya Shule, Mwenyekiti ni Ndugu Abel Bohohe na Mwalimu Mkuu, Mwl Charles Ndebele. Viongozi hawa WACHAPAKAZI WAZURI wamesema kwamba LENGO lao ni kukamilisha Maabara ya Kemia ifikapo tarehe 30.08.2019.

Mbunge Prof Sospeter Muhongo alipokuwa Shuleni hapo alipata fursa ya kuongea na Wanafunzi wanaosoma Masomo ya Sayansi na baadae ALICHANGIA UJENZI huo wa ndani ya Maabara kwa KUNUNUA NONDO 35 zilizokuwa zinahitajika kwa hatua hii ya ujenzi. Nondo zilinunuliwa hapo Kijijini.

Mbunge Prof Muhongo akiwa Nyanja Secondary School alikagua UJENZI wa MIUNDOMBINU wa Maabara ya KEMIA. Mbunge huyo aliongea na Wanafunzi na baadae akaenda Kijijini kununua NONDO 35 zilizoombwa kwa ajili ya hatua hii ya ujenzi.

Baada ya kushiriki Eid el Fitr Kijijini Kome (Masjid Kome), Mbunge Prof Muhongo aliendelea kuungana na Waislamu wa Misikiti ya Vijiji vya Mayani – Masjid Ququ bin Amri (Kata ya Tegeruka) na Nyegina – Masjid Othman (Kata ya Nyegina).

UKAGUZI WA UJENZI WA HOSPITAL YA WILAYA

Posted on June 5, 2019June 5, 2019

UJENZI wa MAJENGO 8 ya Hospital ya Wilaya inayojengwa ndani ya Jimbo la Musoma Vijijini.

04.06.2019

Jimbo la Musoma Vijijini

SERIKALI yetu imetoa Tsh Bilioni 1.5 kwa ajili ya ujenzi wa Hospital ya Wilaya ndani ya Jimbo la Musoma Vijijini.

Hospital hiyo inajengwa kwenye Kitongoji cha Kwikonero, Kijijini Suguti, Kata ya Suguti.

WANANCHI wa Kata 21, Vijiji 68 na Vitongoji vyote 374 vya Jimbo la Musoma Vijijini WAMEKUBALI KUCHANGIA ujenzi huu kwa Kila KATA kuchangia Tsh Milioni 7.5. MADIWANI na WATENDAJI wa Kata na Vijiji wanasimamia UKUSANYAJI wa MICHANGO hiyo. Mbunge wa Jimbo Prof Sospeter Muhongo ataungana na WANANCHI na SERIKALI kuchangia ujenzi huo.

Jana, Jumatatu, 03.06.2019 Mbunge wa Jimbo akifuatana na VIONGOZI wa CCM Wilaya (M/Kiti WAZAZI, Katibu, Ma-Katibu wa Jumuiya za Chama- UWT, WAZAZI na UVCCM) WALIKAGUA UJENZI wa Hospitali hiyo ya Wilaya.

MAJENGO 8 yanayojengwa kwa sasa ni:

(1) Jengo la Utawala: Linakamilishwa usawa wa lenta

(2) Jengo la Mapokezi (OPD): Lipo hatua ya kumwaga Jamvi

(3) Jengo la Maabara: Boma limekamilika tayari kwa kuezekwa

(4) Jengo la Mionzi (Radiology): Lipo hatua ya kumwaga Jamvi

(5) Jengo la Mama na Mtoto: Lipo hatua ya kumwaga Jamvi

(6) Jengo la Ufuaji (Laundry): Lipo hatua ya kumwaga Jamvi

(7) Jengo la Madawa (Pharmacy): Lunamwagwa Jamvi

(8) Jengo la Kichomea Taka: Lipo hatua ya Msingi

Mkuu wa Wilaya (DC) Dr Vicent Naayo Anney na Mkurugenzi wa Halmashauri (DED) Ndugu John Kayombo WANASIMAMIA ujenzi huu kwa UBUNIFU na UFANISI mkubwa.

SHIRIKA LA BMZ LAENDELEA KUWAWEZESHA WATU WENYE ULEMAVU NA WANAFUNZI WA JIMBO LA MUSOMA VIJIJINI

Posted on June 5, 2019June 5, 2019

WATU wenye ULEMAVU na WANAFUNZI wakipokea VIFAA mbalimbali kutoka kwenye MIRADI ya BMZ yenye Ofisi yake pale HOSPITAL ya SHIRATI (DDH Shirati), Wilaya ya Rorya, Mkoa wa Mara

Jumanne 04.06. 2019

Na: Hamisa Gamba

Msaidizi wa Mbunge

MIRADI ya Shirika la UJERUMANI la BMZ yaendelea kutekelezwa kwenye Jimbo la Musoma Vijijini. MIRADI hii inawalenga WANAFUNZI na WATU wenye ULEMAVU kwenye KATA 10 za Jimboni ambazo ni: Bugwema, Bukima, Bukumi, Bwasi, Kiriba, Makojo, Murangi, Nyambono, Nyamrandirira na Suguti – tukifanya vizuri BMZ huenda itapanua MIRADI yake itekelezwe kwenye Kata nyingine za Jimbo letu!

BMZ kirefu chake ni: Bundesministerium Fűr Wirtschaftliche Zusammenarbeit (German Federal Ministry for Economic Development and Cooperation).

Kati ya tarehe 28 Mei na 30 Mei 2019, MIRADI ya BMZ imekabidhi VIFAA mbalimbali kwa WATU wenye ULEMAVU na WANAFUNZI Jimboni mwetu.

Meneja wa Mradi wa BMZ, Ndugu Niwaely Sand, amekabidhi jumla ya:

(1) Mabegi ya Shule 50

(2) Daftari 100

(3) Kalamu 500

(4) Penseli 500

(5) Fimbo 10 kwa wenye ulemavu wa macho

(6) Cherehani 2

(7) Wheelchairs/Tricycles 12

(8) Miwani jozi 6

(9) Miguu Bandia 10

(10) Hearing Devices 6

Vifaa vilivyotajwa hapo juu vilikabidhiwa kwa WANAFUNZI na WATU wenye ULEMAVU ambao mahitaji yao ni MAALUM na ambao walishakamilisha VIPIMO vya kupatiwa mahitaji hayo.

Aidha Meneja huyo amewataka WATUMIAJI wa vifaa hivyo kuwa makini na waangalifu wakati watakapokuwa wanavitumia ili vidumu kwa manufaa yao.

Jimbo la Musoma Vijijini linatoa SHUKRANI za kipekee kwa BMZ na MIRADI yake yenye manufaa makubwa Jimboni mwetu – Vielen herzlichen Dank!

Let us take all plausible opportunities at Full Throttle!

KITONGOJI CHA RWANGA CHAENDELEA KWA KASI KUBWA KUJENGA SHULE YAKE YA MSINGI

Posted on June 4, 2019June 4, 2019

Kikao cha Walimu wa S/M Rwanga, Wananchi wa Kitongoji cha Rwanga, Viongozi mbalimbali wa Kijiji/Kata, CCM Wilaya na Mbunge wa Jimbo la Musoma Vijijini.

Jumatatu, 03.06.2019

Jimbo la Musoma Vijijini

Shule ya Msingi Rwanga iliyoko kwenye Kitongoji cha Rwanga, Kijijini Kasoma, Kata ya Nyamrandirira ilianza kujengwa na kufunguliwa Mwaka huo huo wa 2016.

Shule ina Madarasa 4 (Std I-IV), Walimu 5 na Mwalimu 1 wa Kujitolea. Vipo Vyumba 4 vya Madarasa, Ofisi 2 za Walimu na Choo chenye Matundu 6. Nyumba ya Mwalimu Mkuu imejengwa kwenye eneo la Shule.

Mwalimu Mkuu wa Shule, Mwl David Lawrent Swedi, Mtendaji wa Kijiji, Ndugu Phaustine Augustine na Mwenyekiti wa Serikali ya Kijiji, Ndugu Fedson Msalama kwa PAMOJA WANASIMAMIA kwa umakini na mafanikio makubwa ujenzi wa hiyo Shule.

Wakazi wa Kitongoji cha Rwanga WANACHANGIA NGUVUKAZI zao kwa kusomba mchanga, mawe, kokoto na maji. Vilevile, kila KAYA inachangia fedha taslim, Tshs 15,000.

Mradi wa EQUIP wa Ushirika kati ya Serikali yetu na ya Uingereza (DfID) ulitoa Tsh Milioni 25.2 kwa ajili ya ujenzi huo na kuunga mkono Wananchi waliojitolea kuboresha ubora wa ELIMU hapo Kijijini.

Mbunge wa Jimbo ameishatoa MICHANGO yake kwa S/M Rwanga kama ifuatavyo: (i) SARUJI MIFUKO 110, (ii) MADAWATI 41.

Leo, 03.06. 2019, baada ya Mbunge huyo kukagua ujenzi unaoendelea hapo Shuleni, amechangia SARUJI MIFUKO 50 ambayo itatumika kwenye ujenzi Mpya wa Vyumba vingine 2 vya Madarasa ambavyo WANANCHI wameahidi kuvikamilisha ifikapo 30.06.2019.

MFUKO wa JIMBO umechangia MABATI 150 kwenye ujenzi wa Vyumba 2 vipya vya Madarasa na Ofisi 1 ya Walimu hapo Shuleni.

Kwa kuwa Shule sasa inazo Ofisi za Walimu, Mbunge wa Jimbo amewapatia VITABU vya Elimu ya Shule ya Msingi. Vilevile Mbunge huyo AMECHANGIA sehemu ya posho ya Mwalimu wa Kujitolea wa S/M Rwanga.

Viongozi wa CCM Wilaya ya Musoma Vijijini (Makatibu: UWT, WAZAZI na UVCCM) na Mwenyekiti WAZAZI Wilaya wameshiriki kwenye UKAGUZI wa ujenzi huo. Wameongozwa na Katibu wa CCM Wilaya, Ndugu Stephen Koyo,

Diwani wa Kata ya Nyamrandirira, Mhe Maregesi, AMEWASHUKURU sana Wananchi na Wadau wa Maendeleo, ikiwemo Serikali yetu, kwa KUCHANGIA ujenzi wa Shule hiyo Mpya kwenye Kata yao. Amewaomba Wazaliwa wa Kata ya Nyamrandirira yenye Vijiji 5, WAJITOKEZE kuchangia ujenzi wa Seka Secondary School unaoendelea Kijijini Seka.

WANAKAZI WA KIJIJI CHA KAKISHERI WACHOSHWA KUTEMBEA UMBALI MREFU KUFUATA HUDUMA ZA AFYA

Posted on June 2, 2019June 2, 2019

Kikao cha Tarehe 01.06.2019 cha WANANCHI, Mbunge wa Jimbo, Viongozi wa CCM Wilaya, kwenye eneo la ujenzi wa Zahanati ya Kijiji cha Kakisheri, Kata ya Nyakatende.

Jumamosi 01.06.2019

Jimbo la Musoma Vijijini

Wakazi wa Kijiji cha Kakisheri, Kata ya Nyakatende WANALAZIMIKA kutembea umbali wa kilomita 4 kwenda kwenye Zahanati ya Kijiji jirani cha Kiemba kupata MATIBABU wanapoyahitaji. HUDUMA za Afya nyingine zinapatikana Musoma Mjini, umbali wa kilomita 15 kutoka Kijijini Kakisheri.

Kutokana na kero hiyo SUGU ya upatinakanaji wa HUDUMA za AFYA, Wakazi wa Kijiji cha Kakisheri WAMEAMUA kujenga Zahanati Kijijini mwao.

Mwenyekiti wa Serikali ya Kijiji, Ndugu Msafiri Kolesi ameeleza kwamba WANANCHI wamekubali KUJITOLEA kutumia NGUVUKAZI zao kujenga Zahanati yao. Wanasomba mawe, kokoto, mchanga na maji. Vilevile kila KAYA inachangia Tshs 23,000 kwa ujenzi huu unaosimamiwa na Viongozi wa Kijiji na Kaimu Mtendaji wa Kijiji, Ndugu Antony Ndege.

Diwani wa Kata hiyo, Mhe Rufumbo Mugini Rufumbo amesema ujenzi wa Zahanati hiyo UTAENDA KWA KASI kubwa zaidi baada ya Wana-Kakisheri kukamilisha UJENZI wao wa Vyumba 2 vya Madarasa kwenye Sekondari yao ya Kata (Nyakatende Secondary School). Ujenzi huu wa Vyumba vya Madarasa ulikuwa muhimu ili kuhakikisha Wanafunzi wa Kijiji cha Kakisheri WALIOFAULU na KUCHAGULIWA kuanza Form I kwenye Sekondari ya Nyakatende WANAANZA MASOMO yao bila kuchelewa.

MBUNGE WA JIMBO ATIMIZA AHADI YAKE LEO

Baada ya kukagua ujenzi wa Zahanati ya Kijiji cha Kakisheri, Mbunge wa Jimbo Prof Sospeter Muhongo amechangia leo SARUJI MIFUKO 50 kama alivyoahidi.

Mbunge huyo alitembelea eneo la ujenzi akiwa amefuatana na Katibu ya CCM Wilaya, Ndugu Stephen Koyo na Viongozi wengine wa Chama (CCM)

UJENZI WA SHULE SHIKIZI YA KIJIJI CHA BUANGA WAFIKIA HATUA NZURI

Posted on May 31, 2019May 31, 2019

Ujenzi wa Miundombinu ya Shule Shikizi ya Kijiji cha Buanga, Kata ya Rusoli

Na: Verediana Mgoma

Msaidizi wa Mbunge

Ijumaa 31.05.2019

Watoto wa Kijiji cha Buanga, Kata ya Rusoli, wanalazimika kutembea umbali usiopungua kilomita 3-5 kwenda masomoni kwenye Shule ya Msingi Bwenda iliyoko Kijiji jirani – utoro, mimba na matokeo hafifu ya mitihani ni baadhi ya athari zinazotokana na mazingira hayo ya Elimu Kijijini Bwanga – hayo yamesemwa na Mwl James William ambae ni Mlezi wa Shule Shikizi inayojengwa na ndie Mwalimu Mkuu wa Shule ya Msingi Bwenda.

Kwa hiyo, Wananchi wa Kijiji cha Buanga WAMEAMUA kujenga Shule SHIKIZI Kijijini mwao wakikusudia hapo mbeleni kuipanua na kuwa Shule kamili ya Msingi inayojitegemea.

Ujenzi wa Shule Shikizi ya Buanga umefikia hatua nzuri ambapo Boma moja la Vyumba Viwili (2) vya Madarasa na Ofisi moja (1) ya Walimu liko kwenye hatua ya ukamilishwaji.

Mwenyekiti wa Serikali ya Kijiji cha Buanga, Ndugu Kejire Eyembe ameelezea MAFANIKIO ya ujenzi huo kuwa, mbali na MICHANGO ya Wadau mbalimbali na Diwani wao, WANANCHI wa Kijiji cha Buanga wanachangia Nguvukazi kwa kusomba Mawe, Mchanga na Maji. Vilevile kila KAYA inachangia fedha taslimu, Tsh 10,000/= (elfu kumi).

Mwenyekiti huyo ameendelea na kusema kwamba kazi iliyoko mbele yao ni: kupaua na kukamilisha ujenzi wa BOMA hilo na kujenga matundu 10 ya CHOO ya Wanafunzi, na matundu 2 ya CHOO ya Walimu. Vilevile kuna ujenzi wa nyumba ya Mwalimu.

Diwani wa Kata ya Rusoli Mhe Boaz M. Nyeula amewashukuru WADAU mbalimbali wanaochangia ujenzi wa Shule ya Buanga akiwemo Mbunge wa Jimbo lao Prof Muhongo kwa MCHANGO wake binafsi wa SARUJI MIFUKO 50 na MCHANGO na Mfuko wa Jimbo SARUJI MIFUKO 50.

WAZALIWA na WADAU wa Maendeleo waliokwisha CHANGIA ujenzi huu ni:-

1. Jackison Songora

2. Nyabwira Mugonya

3. Jeremia Mugonya

4. Lawrance Wegoro

5. Samson Mbogora

6. Hamis Mgaya

7. Nyang’ura Masatu

8. Shida Samamba

9. Masau Mashauri

10. Emanuel Kusaga

Diwani wa Kata Mhe Nyeula na Mwenyekiti wa Kijiji Ndugu Eyembe wanaomba WAZALIWA wa Kata ya Rusoli na WADAU wengine wa Maendeleo KUJITOKEZA na KUCHANGIA ukamilishaji wa Shule Shikizi ya Kijiji cha Buanga.

Viongozi hao wanaendelea KUMSHUKURU sana Mbunge wa Jimbo, Prof Muhongo kwa kubaini MICHANGO yake mingine katika Sekta ya Elimu kwenye S/M Bwenda A&B ambapo hadi sasa amechangia SARUJI MIFUKO 120, MADAWATI 162 na VITABU vingi.

DAN MAPIGANO MEMORIAL SECONDARY SCHOOL – KUANZA KUCHUKUA WANAFUNZI WA FORM I JANUARY 2020

Posted on May 30, 2019May 30, 2019

Ujenzi wa Dan Mapigano Memorial Secondary School inayojengwa Kijijini Bugoji.

Alhamisi, 30.05.2019

Jimbo la Musoma Vijijini

*Ujenzi wa Sekondari hiyo ya Kata ya Bugoji ulianza Disemba 2018

MALENGO:

(1) Ifikapo tarehe 01 Agosti 2019 MAJENGO yanayohitajika Sekondari KUSAJILIWA na Serikali yawe yamekamilika.

(2) January 2020 Wanafunzi wa Form I waanze MASOMO yao hapo. Wengi wao watatoka kwenye Kata ya Bugoji yenye Vijiji 3 – Kanderema, Kaburabura na Bugoji.

WACHANGIAJI wa UJENZI wa Sekondari hii kupitia HARAMBEE za Mbunge wa Jimbo Prof Sospeter Muhongo ni:

A- WANANCHI wa Vijiji 3 vya Bugoji, Kanderema na Kaburabura. Wanasomba maji, mchanga, mawe na kokoto. Vilevile wanachangia Fedha Taslimu – Tsh 17,000 kutoka kila KAYA. Wanalipa MAFUNDI ujenzi.

B-WAZALIWA wa Kata ya Bugoji na WADAU wengine wa Maendeleo wakiongozwa na Diwani wa Kata Mhe Ibrahimund Malima. Wengine ni:

Mkwaya Toto, Musyangi Kaitira, Chiguti Mwesa, Petro Mufungo, Mafuru Kaitira, Munepo Machumu, Palapala Burenga, Martha Antoni, Mwalimu Morelia, Mwalimu Onesimo, Ndugu Nashoni, Raphael Magoti, Sostenes Ruhumbika, Alfred Majani, Evarist Maganga

C- FAMILIA ya Marehemu Jaji Dan Petro Mapigano

D-MFUKO wa Jimbo la Musoma Vijijini

E- MBUNGE wa Jimbo la Musoma Vijijini, Prof Sospeter Muhongo

SHEREHE za uwekaji wa Jiwe la Msingi la Dan Mapigano Memorial Secondary School zilifanywa tarehe 22.04.2019 Gharama za Sherehe hizo zilibebwa na Mbunge wa Jimbo Prof Muhongo, Diwani wa Kata, Mhe Ibrahimund Malima na Viongozi wengine wa Kata na Vijiji.

MIPANGILIO YA UJENZI NA MAFANIKIO YAKE

(i) Ujenzi wa Vyumba 5 vya Madarasa na Ofisi 2 za Walimu UMEKAMILIKA. Angalia picha hapo chini.

(b) HALMASHAURI inasubiriwa ikamilishe MICHORO ya MAABARA (zitajengwa wa Kijiji cha Kanderema), Vyumba vingine 3 vya Madarasa (vitajengwa na Kijiji cha Bugoji) na Nyumba ya Walimu (itajengwa na Kijiji cha Kaburabura).

BUSAMBARA SECONDARY SCHOOL

Posted on May 30, 2019May 30, 2019

Baadhi ya MAJENGO (yanayokamilishwa) ya Busambara Secondary School

Jumanne, 28.05.2019

Jimbo la Musoma Vijijini

LENGO:

*August 2019 Secondary IANDIKISHWE na kutambuliwa na Serikali.

*January 2020 Secondary IANZE kuchukua Wanafunzi wa FORM I wengi wao wakitoka Vijiji vya Maneke, Kwikuba na Mwiringo (Kata ya Busambara)

WACHANGIAJI WA UJENZI WA BUSAMBARA SECONDARY SCHOOL

(1) WANAVIJIJI:

(a) kutoka VIJIJI vyote 3 wanasomba mawe, kokoto, mchanga na maji. Wanatengeneza tofali na kusaidia MAFUNDI kwenye ujenzi.

(b) Kila KAYA au kila NGUVUKAZI ndani ya Kata ya Busambara IMECHANGIA na inaendelea KUCHANGIA Fedha taslimu kati ya Tsh 3,000 na 10,000 kwa ajili ya ujenzi huu.

(2) VIONGOZI wa CCM wa Kata na Vijiji na DIWANI wa Kata (CHADEMA) wanachangia ujenzi huu.

(3) VIONGOZI wa Serikali wakiwemo Watendaji wa Vijiji na Kata wanachangia ujenzi huu.

(4) HALMASHAURI YETU inachangia ujenzi huu.

*DED wetu Ndugu John Kayombo anasimamia kwa umakini mkubwa ujenzi huu.

(5) MFUKO wa JIMBO: umechangia MABATI 75

(6) MBUNGE wa JIMBO Prof Sospeter Muhongo anachangia ujenzi huu na ameishatoa: SARUJI MIFUKO 150 na MABATI BANDO 8 (Mabati 96)

(7) NMB (Benki): itachangia MEZA 80 na VITI 80

(8) WAZALIWA wa KATA ya BUSAMBARA: Ndugu zetu waliozaliwa au WAZAZI/UKOO wao wana/una chimbuko la Kata ya Busambara WAMEAMUA KUCHANGIA ujenzi huu na AHADI ZINATIMIZWA kama ifuatavyo:

(8a) Ndugu Joseph Chikongoye amechangia Tsh 500,000

(8b) ACP Nyakulinga amechangia Tsh 1,000,000

(8c) Wakili/Mchumi Saidi Chiguma amechangia Tsh 500,000.

*DC wetu Dr Vicent Naano Anney ANASIMAMIA VIZURI sana Michango yote inayotolewa.

Hadi sasa MAJENGO yaliyoezekwa na yanayokamilishwa ujenzi ni:

(i) Vyumba vya Madarasa 4 na Ofisi 2 za Walimu

(ii) Jengo la Utawala

TUNAOMBWA TUCHANGIE UJENZI wa SEKONDARI YETU IKAMILIKE kabla ya tarehe 01.08. 2019.

UJENZI WA ZAHANATI YA KIJIJI CHA MKIRIRA WAENDELEA VIZURI

Posted on May 26, 2019May 26, 2019

FUNDI akiendelea na ujenzi wa Boma la Zahanati ya Kijiji cha Mkirira

Na: Fedson Masawa

Msaidizi wa Mbunge

Jumamosi 25.05. 2019

UJENZI wa Zahanati ya Kijiji cha Mkirira, Kata ya Nyegina unaendelea vizuri baada ya kusuasua kwa miezi michache ya nyuma. Boma linapandishwa vizuri kama inavyoonekana kwenye picha hapo chini. Maendeleo hayo mazuri yanazidi kuwapa MATUMAINI makubwa Wananchi wa Kijiji cha Mkirira kwani LENGO LAO KUU la upatikanaji wa Huduma ya Afya Kijijini mwao litafikiwa hivi karibuni.

Diwani wa Kata ya Nyegina, Mhe Majira Mchele amemueleza Msaidizi wa Mbunge, Ndugu Fedson Masawa kuwa mafanikio ya ujenzi wa Zahanati hiyo yanatokana na UMOJA na MSHIKAMANO kati ya Wazaliwa wa Kijiji cha Mkirira waishio nje ya Kijiji hicho na Wazazi, Ndugu na Jamaa zao walioko hapo Kijijini (nyumbani kwao).

Wazaliwa wa Kijiji cha Mkirira walioanza kuchangia Ujenzi wa Zahanati hiyo ni:

(1) Joackim Masumbuko Nyarigo

(2) Dr med Happy Lisso

(3) Beatus John Malima

(4) Boko Dioniz Majinge

(5) Hamis Mbagati Nyarigo

(6) Joseph Nyerere

(7) Rose Nyarigo

(8) Juma Madibi

(9) Nyabise Mbagati Nyarigo

(10) Hasira Masige

(11) Zitta Dioniz Majinge

(12) Fikiri Jumanne Wantai

(13) Gwabhala Msira

Wadau wengine wa Maendeleo nao WANACHANGIA ujenzi huu. Mhe Diwani Majira amewashukuru sana, ambao ni:

(14) Wananchi wa Kijiji cha Mkirira na Diwani (yeye) kwa kusomba Maji, Mchanga, Mawe na kuchanga Fedha za kumlipa Fundi.

(15) Mbunge wa Jimbo, Prof Sospeter Muhongo amechangia SARUJI MIFUKO 200

(16) Mbunge Viti Maalum, Mhe Amina Makiragi amechangia SARUJI MIFUKO 180

(17) Kampuni ya Nyanza Road imechangia SARUJI MIFUKO 50 na TRIPU 7 za KOKOTO.

Kaimu Mwenyekiti wa Serikali ya Kijiji cha Mkirira, Ndugu Pascal Eliga ambae ndiye Msimamizi Mkuu wa ujenzi wa Zahanati hiyo amesema bado wana ukosefu wa NONDO 100 ili waweze kuharakisha ukamilikaji wa BOMA hilo mapema kabla tarehe 30 June 2019.

UONGOZI wa Serikali ya Kijiji cha Mkirira, kwa niaba ya Wananchi wa Kijiji hicho wanathamini sana MICHANGO ya NDUGU ZAO waishio nje ya Mkoa wa Mara na Wadau wengine wote wa Maendeleo kwa kuchangia ujenzi huo. WANAWAOMBA wazidi KUJITOLEA kutoa MICHANGO YAO ili kukamilisha ujenzi wa Zahanati hiyo mapema iwezekanavyo, kabla ya Januari 2020.

WAZALIWA WA KATA YA NYAMBONO WATEKELEZA AHADI ZAO KWA VITENDO: JENGO LA OPD LA KITUO CHA AFYA NYAMBONO LAKARIBIA KUEZEKWA

Posted on May 20, 2019May 20, 2019

Mafundi wakiwa kwenye Ukamilishaji wa Renta ya Jengo la OPD la Kituo cha Afya Nyambono

Na: Hamisa Gamba

Msaidizi wa Mbunge

WAZALIWA wa Kata ya Nyambono yenye Vijiji 2 (Nyambono na Saragana) wameendelea kushirikiana na Wazazi, Ndugu na Jamaa zao huko nyumbani kwako KUJENGA KITUO CHA AFYA cha Kata ya NYAMBONO kwa njia ya KUJITOLEA.

WANANCHI wa Kijiji cha Nyambono wamekubali KUJITOLEA kusomba maji, mawe, mchanga na kokoto na michango ya fedha taslimu ambayo kila KAYA inachangia Tsh. 11,000/= (elfu kumi na moja).

Sambamba na Jitihada hizo za WANANCHI, Mbunge wa Jimbo la Musoma Vijijini Prof Sospeter Muhongo ameunga mkono Jitihada zao kwa kuchangia SARUJI MIFUKO 100 na NONDO 18.

WAZALIWA au wenye chimbuko la Kijiji cha Nyambono ambao kwa sasa wanaishi nje ya Kijiji hicho ndio walioanzisha MRADI huu wa ujenzi. WAMEANZA KUCHANGIA tokea hatua za awali kabisa (foundation) za UJENZI wa Kituo hiki cha Afya.

Hivi karibuni wamechanga Tsh 5,954,000/= kwa ajili ya ununuzi wa vifaa vya ujenzi vya kukamilisha renta ya Jengo la OPD.

Aidha Uongozi wa Kijiji na Kata ya Nyambono, ukiongozwa na Diwani wa Kata ya Nyambono Mhe Mkoyongi Masatu Nyanjaba umetoa shukrani za pekee kwa WADAU WOTE wanaochangia ujenzi wa Kituo cha Afya Nyambono ambao ni: Wananchi, Wazaliwa wa Nyambono na Mbunge wa Jimbo.

Orodha ya WADAU WACHANGIAJI kwa upande wa WAZALIWA wa Nyambono ni:

1. Mkama Manyama

2. Nice Kuleba

3. Majura Songo

4. Eliud Kwabira

5. Shida Mlegi

6. Beredy Maregesi

7. Maganira Daudi

8. Malenya Sambu

9. David Alal

10. Bunyata Mkama

11. Adonias Mkama

12. Japhet Maganira

13. Mch. Yeremia Magomba

14. Ominde John

15. Albinus Manumbu

16. Benedict Mkama

17. Dickson Mufungo

18. Ching’oro Ebanda, na wengine wote wanaoendelea kutoa ushirikiano na michango yao kwenye ujenzi wa Kituo cha Afya cha Nyambono.

“Kazi bado ni kubwa, MCHANGO wako ni muhimu.” Karibu Tujenge Kituo cha Afya Nyambono.

KILIMO CHA UMWAGILIAJI CHAANZA KUWEKEWA MKAZO JIMBONI MWETU

Posted on May 20, 2019May 20, 2019

Wanachama wa Kikundi cha No Sweat No Sweet wakipalilia Shamba lao la VITUNGUU

Jumatatu, 20.05.2019

Na: Verediana Mgoma

Msaidizi wa Mbunge

Jimbo la Musoma Vijijini lenye Kata 21, Vijiji 68 na Vitongoji 374 LIMEAMUA KUKUZA KILIMO CHA UMWAGILIAJI

(A) BONDE LA BUGWEMA

Halmashauri ya Wilaya ya Musoma yenye Jimbo la Musoma Vijijini IMEWEKEANA MKATABA na Benki ya Maendeleo ya Kilimo Tanzania (TADB) kuanza KILIMO KIKUBWA cha UMWAGIALIAJI kwenye Bonde la Bugwema. MAZAO Makuu yatakayolimwa ni Pamba, Alizeti, Mpunga, Mahindi na Kunde. Taarifa za Mradi huu zilishatolewa.

(B) KILIMO CHA UMWAGILIAJI CHA WAKULIMA WADOGO WADOGO

Vikundi vya Kilimo cha Umwagiliaji vimeweka wazi Mipango yao ya kushirikiana na Serikali za Vijiji na Kata zao ili kuongeza kasi ya UKUAJI wa Kilimo cha Umwagiliaji Vijijini mwao.

Hayo yamesemwa na Mwenyekiti wa Kikundi cha No Sweat No Sweet, Ndugu Goodluck Wambwe. Kikundi hiki kipo Kijiji cha Bugunda, Kata ya Bwasi.

Ndugu Wambwe alieleza kwamba wamepata mafanikio makubwa ambayo ni pamoja na kujihakikishia kipato cha kutosha kukidhi mahitaji ya kifamilia na mahitaji ya watoto shuleni. Ameendelea na kusema sasa wanalenga kushirikiana na Serikali za Vijiji na Kata kushawishi Wanavijiji wengine nao waanze Kilimo cha Umwagiliaji.

Mwenyekiti wa Kijiji cha Bugunda, Ndugu Manyama Bulerwa amemshukuru Mbunge wa Jimbo la Musoma Vijijini Prof Sospeter Muhongo kwa kukiwezesha Kikundi hicho (No Sweat No Sweet) kupata Vifaa vya Umwagiliaji kwa kutumia Fedha za Mfuko wa Jimbo. Aliendelea na kusema kuwa Kikundi hicho (No Sweat No Sweet) kimetoa hamasa kubwa, hadi sasa Kijiji chake kina jumla ya Vikundi 15 vya Kilimo cha Umwagiliaji.

Kikundi cha No Sweat No Sweet kimejikita zaidi katika Kilimo cha Mahindi, Matikiti Maji, Nyanya na Vitunguu.

FEDHA ZA MFUKO WA JIMBO NA KILIMO CHA UMWAGIALIAJI JIMBONI

Kati ya Vikundi 15 vilivyokabidhiwa PAMPU, MIPIRA, MBEGU, n.k. kwa kutumia Fedha za Mfuko wa Jimbo, Kikundi cha No Sweat No Sweet ni moja kati ya Vikundi Vitano (5) tu vilivyoonekana vinafanya kazi vizuri na kukubaliwa kubaki na Vifaa vya Umwagiliaji. Vikundi vingine 10 vilinyang’anywa vifaa hivyo baada ya kuthibitika kwamba vimeshindwa kabisa kutumia vifaa hivyo ipasavyo. Vifaa hivyo vinatumika sehemu nyingine Jimboni penye mahitaji ya PAMPU za MAJI.

Vikundi vilivyofanikiwa kubaki na Vifaa vya Umwagiliaji ni: (1) Mwanga Farmers (Kata ya Nyambono), (2) KEUMA (Kata ya Busambara), (3) Angaza (Kata ya Bukumi), (4) Mkulima Jembe (Kata ya Bukima) na (5) No Sweat No Sweet (Kata ya Bwasi).

VIKUNDI hivi vinaomba Halmashauri iwapatie Wataalamu wa Kilimo cha Umwagiliaji na iwasaidie kupata MASOKO mazuri na ya uhakika ya bidhaa zao.

UJENZI WA KITUO CHA AFYA MUGANGO: SERIKALI NA WANANCHI WAENDELEA KUSHIRIKIANA KWENYE UTEKELEZAJI WA MIRADI YA MAENDELEO

Posted on May 15, 2019May 15, 2019

Moja kati ya Majengo ya kituo cha afya cha Mugango

15.05.2019

Jimbo la Musoma Vijijini

Wananchi wa Kata ya Mugango WANAENDELEA kutoa SHUKRANI za DHATI kwa SERIKALI yao kwa kuwapatia Tsh Milioni 400 kwa ajili ya kupanua ZAHANATI yao na kuwa KITUO CHA AFYA chenye MAJENGO MAPYA yafuatayo:

(i) Jengo la Upasuaji (Theatre)

(ii) Jengo la Maabara

(iii) Jengo la Wadi ya Mama na Mtoto

(iv) Jengo la Maiti (Mortuary)

(v) Nyumba ya kuishi Daktari

MASHIMO 8 ya MAJI MACHAFU nayo yamejengwa.

Diwani wa Kata ya Mugango, Mhe Charles Magoma (CCM) na Mhe Kadogo Kapi, Diwani Viti Maalum (CCM) wamefanikiwa KUWASHAWISHI Wananchi Wakazi wa Kata ya Mugango KUJITOLEA kusomba MAWE (tripu 60) na MCHANGA (tripu 234) kwa ajili ya ujenzi huu ambao makadirio hadi sasa ya MICHANGO ya Wananchi na Viongozi wao (Madiwani 2 na wengine) wa Kata hiyo ni zaidi ya Tsh Milioni 32.

Daktari Kiongozi wa ZAHANATI ya Mugango, Dr. med. Marwa Saliro Mwita alieleza kwamba Zahanati yenyewe IMECHANGIA ujenzi huo kwa kulipia GHARAMA (Tsh Milioni 3.87) za usombaji wa MAJI na ununuzi wa MAFUTA ya Pampu ya Maji.

HALMASHAURI imechangia Tsh Milioni 8.

Mbunge wa Jimbo, Prof Muhongo alianza kushiriki kwenye upanuzi wa Zahanati hii kuwa KITUO CHA AFYA kwa kuchangia SARUJI MIFUKO 400.

Juzi Jumatatu, 13.05.2019, Mhe DC wa Wilaya Dr Vicent Naano Anney na Mkurugenzi wa Halmashauri Ndugu John Kayombo WALIKAGUA UJENZI wa Kituo hiki cha Afya na kutoa MAAGIZO kwa WAKANDARASI KUKAMILISHA na KUKABIDHI Majengo ifikapo Ijumaa, 17.05.2019.

UJENZI WA HOSPITALI YA WILAYA KIJIJINI SUGUTI WAENDELEA VIZURI

Posted on May 15, 2019May 15, 2019

Maendeleo ya ujenzi wa HOSPITALI ya WILAYA Kijijini SUGUTI

Na: Verediana Mgoma

Msaidizi wa Mbunge

Wananchi wa Jimbo la Musoma Vijijini wanaendelea KUISHUKURU SERIKALI yao kwa kutoa Tsh Bilioni 1.5 kwa ajili ya ujenzi wa Hospitali ya Wilaya ndani ya Jimbo lao.

HOSPITALI hiyo inajengwa kwenye Kitongoji cha KWIKONERO, Kijijini SUGUTI.

Misingi (foundations) ya MAJENGO NANE (8) yapo hatua ya kumwaga jamvi na tayari kuanza ujenzi wa majengo hayo ambayo ni:

(1) Jengo la Maabara

(2) Jengo la OPD

(3) Jengo la Mama na Mtoto

(4) Jengo la Madawa

(5) Jengo la Mionzi

(6) Jengo la Utawala

(7) Jengo la Kufua Nguo

(8) Jengo la Kuchomea Taka

MATOFALI:

*Ufyatuaji wa matofali unaendelea vizuri hadi sasa yapo matofali 75,000 kati ya 85,990 yanayohitajika.

UCHANGIAJI WA MRADI:

*Wananchi wa Jimbo la Musoma Vijijini (Kata 21, Vijiji 68 na Vitongoji 374) WAMEKUBALI KUCHANGIA MRADI huu. Taratibu za Uchangiaji zimewekwa na Viongozi wa ngazi mbalimbali wanahamasisha UCHAGIAJI huu.

KARIBU NAWE UCHANGIE UJENZI WA HOSPITALI YA WILAYA inayojengwa ndani ya Jimbo la Musoma Vijijini.

WANANCHI WA KIJIJI CHA ETARO WAMEDHAMIRIA KUKAMILISHA UJENZI VYUMBA 5 VYA MADARASA IFIKAPO MWISHONI MWA MEI 2019

Posted on May 10, 2019May 10, 2019

Wananchi wa Kijiji cha Etaro wakiendelea na Ujenzi wa Vyumba vya Madarasa ya S/M Etaro

Na: Fedson Masawa

Msaidizi wa Mbunge

Wananchi wa Kijiji cha Etaro Kata ya Etaro, wanakamilisha Ujenzi wa Vyumba 3 vya Madarasa na tayari wameanza hatua za ujenzi wa Vyumba vingine Viwili (2) vya Madarasa kwenye Shule ya Msingi Etaro.

Awali akizungumza na Msaidizi wa Mbunge wa Jimbo, Ndugu Fedson Masawa, Mwalimu Mkuu wa Shule hiyo, Ndugu Mangire Stephano Mahombwe alisema, “Shule ya Msingi Etaro ina Mahitaji ya Vyumba vya Madarasa 22, Vilivyopo 10 na kwa wakati huu tunakamilisha Vyumba 3, na baadae tunaanza ujenzi wa Vyumba vingine Viwili (2) ambavyo misingi (foundations) yake tumeishaiweka.”

Mwalimu Mkuu huyo aliendelea kueleza kwamba ifikapo mwishoni mwa Mei hii (Mei 2019), Vyumba vyote vitakuwa vimekamilika.

Mtendaji wa Kijiji cha Etaro Bi Sophia Charles Antone amewashukuru WADAU wa Maendeleo waliofanikisha kuchangia UJENZI wa Miundombinu ya Shule na Upatikanaji wa VIFAA muhimu vya Shule. WADAU hao ni pamoja na WANAKIJIJI wenyewe wa Kijiji cha Etaro waliosomba MAWE, KOKOTO, MCHANGA na MAJI. Mbunge wa Jimbo, Prof Muhongo alichangia MADAWATI 227 (walikuwa na upungufu wa Madawati 249), SARUJI MIFUKO 60, MABATI 54, na kutoa VITABU vingi.

Mkuu wa Wilaya (DC) Dr Vicent Naano Anney alichangia SARUJI MIFUKO 30, na Mchango wa Fedha za Mfuko wa Jimbo ni MABATI 144.

Wananchi wanategemea kwamba uboreshaji wa Miundombinu ya Shule yao, utaboresha ufaulu wa Mitihani ya Darasa la Saba (VII) na kuongezeka kutoka ule wa 33.11% wa Mwaka jana (2018). Wanatamani ufaulu uvuke Asilimia 50 (50%) na kufikia Asilimia 75 (75%).

KARIBU UCHANGIE UJENZI WA MIUNDOMBINU YA SHULE YA MSINGI ETARO.

UJENZI WA VYUMBA VYA MADARASA YA MRADI WA SERIKALI WA EP4R WATEKELEZWA KIJIJINI CHIRORWE

Posted on May 3, 2019May 3, 2019

Mafundi wakiwa kazini wakitekeleza Mradi wa EP4R kwenye Shule ya Msingi Chirorwe.

Alhamisi, 02.05.2019

Jimbo la Musoma Vijijini

Na: Hamisa Gamba

Msaidizi wa Mbunge

Wananchi wa Kijiji cha Chirorwe kilichoko Kata ya Suguti hivi karibuni wameanza UTEKELEZAJI wa MRADI wa EP4R {Education Programme for Results} wa Ujenzi wa Vyumba vya Madarasa ya Shule ya Msingi Chirorwe.

Ujenzi huo wa Vyumba Viwili (2) na Ofisi 1, pamoja na Matundu Saba (7) ya Vyoo unaoendelea Shuleni Chirorwe umewapatia Tsh Milioni 46.6 kutoka Serikalini.

Diwani wa Kata ya Suguti, Mhe Denis Ekwabi ANAISHUKURU sana SERIKALI kwa kuchangia ujenzi huu na ameongeza kwa kusema MCHANGO wa Wananchi kwenye Mradi huu ni KUJITOLEA kufanya kazi ikiwa ni njia ya KUSHIRIKIANA na SERIKALI kuboresha MIUNDOMBINU ya ELIMU Shuleni hapo.

Mwenyekiti wa Kijiji cha Chirorwe, Ndugu Msai Maingu amesema kuwa WANANCHI wameishachangia

Mawe tripu 22, Mchanga tripu 28, Kokoto tripu 4 na wanasomba Maji ya ujenzi.

Afisa Mtendaji wa Kijiji cha Chirorwe Ndugu Martha H. John ameeleza kuwa ujenzi huo utakamilika na MAJENGO kukabidhiwa mwanzoni mwa Mwezi ujao, Juni 2019.

Aidha, Uongozi wa Kijiji cha Chirorwe na Kata ya Suguti kwa ujumla wanatoa shukrani za pekee kwa Mbunge wao Prof Muhongo kwa Jitihada za Maendeleo anazozifanya Jimboni.

MICHANGO ambayo Mbunge wao alishatoa Kijijini Chirorwe, na S/M Chirorwe inajumuisha:

(i) Saruji Mifuko 60 – ambayo iliyotumika kwenye ujenzi wa awali wa Boma la Vyumba 2 vya Madarasa na Ofisi 1.

(ii) Box 10 za Vitabu, zaidi ya Vitabu 1,000

(iii) Madawati 60

(iv) Kijiji cha Chirorwe kilishapokea Mbegu za Alizeti, Mihogo na Mtama kutoka kwa Mbunge wao Prof Muhongo.

Wazaliwa wa Kijiji cha Chirorwe na WADAU wengine wa Maendeleo WANAOMBWA kuchangia UBORESHAJI wa Miundombinu ya ELIMU na AFYA ya Kijiji cha Chirorwe.

“Kutoa ni Moyo, karibuni Tuchangie Maendeleo ya Kijiji cha Chirorwe”.

WANAFUNZI 133 WA FORM I WA SHULE YA SEKONDARI BUKIMA WALIOSUBIRI UPATIKANAJI WA VYUMBA VYA MADARASA WAANZA MASOMO

Posted on April 29, 2019April 29, 2019

Wanafunzi wa Form I wa Bukima Secondary School wakiwa masomoni Shuleni hapo

Na: Verediana Mgoma

Msaidizi wa Mbunge

Jumamosi, 28.04.2019

Wanafunzi 133 wa Shule ya Sekondari Bukima waliokuwa wamekosa nafasi ya kujiunga na Kidato cha Kwanza (Form I) kutokana na uhaba wa Vyumba vya Madarasa tayari WAMEANZA Masomo yao ya Form I baada ya kukamilika kwa Vyumba 2 vya Madarasa Shuleni hapo.

Mwalimu Mkuu wa Shule hiyo Mwalimu Elbert Deogratias amesema, “Kukamilika kwa Vyumba viwili vya Madarasa Shuleni hapa kumewezesha Wanafunzi waliokuwa nyumbani sasa wameanza Masomo yao ya Form I.”

Mwalimu Mkuu huyo aliendelea kueleza kwamba hadi sasa wanavyo Vyumba vya Madarasa vitatu (3) kwa Form I na kila Darasa wanakaa Wanafunzi 62.

Diwani wa Kata ya Bukima, Mhe January Simula anamshukuru sana Mbunge wa Jimbo la Musoma Vijijini Profesa Sospeter Muhongo kwa kutoa KIPAUMBELE cha kuboresha Miundombinu ya Shule za Msingi na Sekondari Jimboni mwao, na kubwa zaidi ni lile la Mbunge wa Jimbo kushirikiana na Wananchi na Wadau wa Maendeleo kukamilisha Vyumba vya Madarasa ili kila Mwanafunzi aliyefaulu na kuchaguliwa kuendelea na Masomo ya Sekondari (Form I) anaenda Shuleni si kubaki nyumbani.

Diwani Simula amebainisha kwamba kwa Ukamilishaji wa ujenzi wa Vyumba vya Madarasa kwenye Sekondari ya Bukima, Mbunge wao amewachangia SARUJI MIFUKO 50.

Fedha za MFUKO wa Jimbo zimewapatia SARUJI MIFUKO 100 na MABATI 58

Vijiji 3 vya Kata ya Bukima, yaani Kijiji cha Kastam, Butata na Bukima vimeshirikiana vizuri sana kuhakikisha ujenzi huo unakamilika mapema na Wanafunzi wanaenda kuanza Masomo ya Sekondari (Form I) badala ya kukaa nyumbani kwa ukosefu wa Vyumba vya Madarasa.

Mafanikio haya yamechangiwa na DC, Dr Vicent Anney na DED, Ndugu John Kayombo – Diwani, kwa niaba ya Kata ya Bukima, anatoa shukrani nyingi kwa Viongozi hawa wawili ambao nao walihakikisha Wanafunzi waliofaulu na kuchaguliwa kwenda Sekondari wanaenda masomoni badala ya kukaa nyumbani kwa ukosefu wa Vyumba vya Madarasa.

Diwani Mhe January Simula ameendelea kumshukuruku Mbunge wao kwa MICHANGO MIKUBWA ya MBEGU (Alizeti, Mihogo, Mtama), SARUJI, MABATI, MADAWATI na VITABU aliyotoa kwenye Kata hiyo ikiwemo ya kuchangia ujenzi wa Zahanati ya Kijiji cha Butata na Wadi la Mama na Mtoto kwenye Zahanati ya Bukima.

UONGOZI na WANANCHI wa Kata ya Bukima bado wanakaribisha MICHANGO ya Uboreshaji wa Miundombinu ya Elimu na Afya kwenye Kata yao.

MAKTABA YAZINDULIWA KISIWANI RUKUBA – ZAWADI YA PASAKA KWA WAKAZI WA KISIWA HICHO

Posted on April 27, 2019April 27, 2019

Safari za BOTI za kwenda na kurudi kutoka Kisiwani Rukuba

Shule ya Msingi ya Rukuba iliyoko Kisiwani Rukuba, Kata ya Etaro imesherehekea UZINDUZI wa MAKTABA ya Shule yao. Mbunge wa Jimbo Prof Sospeter Muhongo ndiye aliyezindua Maktaba hiyo.

Maktaba hiyo ina VITABU mchanganyiko vikiwemo vya ngazi zote za Shule na vingine vya kuongeza MAARIFA (knowledge) ya aina mbalimbali. Hii Maktaba itatumiwa na Wanafunzi, Walimu, Wananchi na hata Wageni wanaotembelea Kisiwa cha Rukuba. Kwa hiyo ni Maktaba ya Jamii (Community Library). Mbunge Prof Muhongo AMEHAIDI kuendelea kuipatia MAKTABA hiyo VITABU zaidi.

S/M Rukuba ni MFANO WA KUIGWA – ina Vyumba 11 vya Madarasa (hawapo Wanafunzi wanaosomea chini ya MITI). Walimu wanayo Ofisi yao. Mwalimu Mkuu anayo Ofisi yake peke yake. Walimu wote wanazo nyumba nzuri za kuishi, n.k. na sasa wamepata MAKTABA!

Kisiwa cha Rukuba kinafungia UMEME wa SOLA.

VIONGOZI wa CHAMA na SERIKALI wa ngazi mbalimbali wamehudhuria uzinduzi huu, akiwemo Katibu wa Chama (CCM) wa Wilaya Ndugu Stephen Koyo.

WANANCHI wakiwemo WANAFUNZI wameshiriki kwenye Chakula cha pamoja cha PASAKA (Easter Lunch).

WANANCHI WA KIJIJI CHA KABEGI WAAMUA KUJENGA SHULE SHIKIZI KWENYE KITONGOJI CHA BINYAGO

Posted on April 16, 2019April 16, 2019

Maboma ya Vyumba vya Madarasa ya Shule SHIKIZI kwenye Kitongoji cha Binyago, Kijijini Kabegi.

Na:Verediana Mgoma

Msaidizi wa Mbunge

Jumatatu, 15.04.2019

Jimbo la Musoma Vijijini

Wananchi wa Kijiji cha Kabegi, Kata ya Ifulifu WAMEAU KUJITOLEA na KUCHANGIA ujenzi wa Shule SHIKIZI kwenye Kitongoji cha Binyago.

Mradi huu ulianzishwa na WAKAZI wa Kitongoji cha Binyago. Baadae Serikali ya Kijiji cha Kabegi yenye Shule ya Msingi moja tu ILIAMUA MRADI huu upanuliwe kwa lengo la kujenga Shule ya Msingi ya pili. Kwa hiyo hatua ya kwanza ni kuanza na ujenzi wa Shule Shikizi na hatua ya pili ni kujenga Shule ya Msingi inayojitegemea.

Watoto wadogo wa Kitongoji cha Binyago hutembea umbali mrefu wa takribani kilomita sita (6) kwenda Kijiji jirani masomoni kwenye Shule ya Msingi Nyasurura.

Mtendaji wa Kijiji cha Kabegi, Ndugu Pili Thomas amesema kwamba Kijiji cha Kabegi kina Kaya 390 na kila Kaya IMEKUBALI KUCHANGIA Shilingi Elfu Kumi (Tsh 10,000) kwa ajili ya ujenzi wa Vyumba vya Madarasa vya Shule SHIKIZI yao.

Maboma ya Vyumba Viwili (2) na Ofisi ya Walimu yako tayari KUEZEKWA.

Mwenyekiti wa Kijiji cha Kabegi, Ndugu Charles Toto amemshukuru Mbunge wa Jimbo la Musoma Vijijini Profesa Sospeter Muhongo kwa kuwaunga mkono Wananchi kwa kuchangia SARUJI MIFUKO 50.

Vilevile wanashukuru kupokea SARUJI MIFUKO 50 kutoka Fedha za Mfuko wa Jimbo.

Ndugu Toto amesema kwamba Mifuko hiyo 100 ya Saruji imeongeza hamasa yao ya kuchangia ujenzi wa Shule Shikizi kwenye Kitongoji chao.

Kiongozi huyo aliendelea kusema kuwa wana MPANGO wa kuongeza Vyumba vya Madarasa, kujenga Choo chenye Matundu nane (8) na Nyumba ya kuishi Walimu.

Wananchi wa Kijiji cha Kabegi WANAOMBA Wadau wa Maendeleo wawaunge mkono na kuwachangia, SARUJI, MABATI na MBAO za kukamilisha ujenzi wa Shule hiyo SHIKIZI ambayo hatimae itakuwa Shule ya Msingi inayojitegemea na kufanya Kijiji cha Kabegi kuwa na Shule za Msingi mbili (2).

WANANCHI WA KISIWA CHA RUKUBA WAANZA MAANDALIZI YA UJENZI WA WODI YA MAMA NA WATOTO

Posted on April 16, 2019April 16, 2019

Wanachi wa Kisiwa Rukuba wakiendelea na Usombaji wa Mchanga wa kujengea Wodi ya Mama na Watoto.

Na: Fedson Masawa

Msaidizi wa Mbunge

Wakazi wa Kisiwa cha Rukuba kilichopo Kata ya Etaro wameanza maandalizi ya ujenzi wa Wodi ya MAMA na WATOTO kwenye Zahanati ya Kisiwa/ Kijiji chao. Wameanza kusomba MCHANGA na MAWE ya ujenzi huo.

Muuguzi wa Zahanati ya Rukuba Ndugu Jovin Mafuru alimweleza Msaidizi wa Mbunge (Ndugu Fedson Masawa) kwamba UAMUZI wa kujenga Wodi ya MAMA na WATOTO umefanywa na Wananchi wenyewe ikiwa ni muendelezo wa UBORESHAJI wa HUDUMA za AFYA katika Kisiwa cha Rukuba.

Ndugu Jovin ameongezea kuwa, Wodi hiyo ikikamilika itaondoa usumbufu wa kuwapeleka akina MAMA WAZAZI na WATOTO Hospitali ya Mkoa iliyopo Musoma Mjini. Hiyo ni SAFARI ya BOTI ya takribani masaa wawili (2) kwenye Ziwa Viktoria.

Mwenyekiti wa Serikali ya Kijiji/Kisiwa cha Rukuba Ndugu Japhary Ibrahim Kibhasa alisema ujenzi huo utaanza Mwezi huu (April 2019) na wanatarajia kuukamilisha ifikapo Mwezi Novemba 2019.

Ndugu Kibhasa ameongeza na kusema kwa niaba ya Wananchi wa Kijiji/Kisiwa cha Rukuba kwamba wanatambua na kushukuru sana kupokea Michango ya Wadau wa Maendeleo ya Kisiwa cha Rukuba wakiwemo Mbunge wao Prof Sospeter Muhongo, Mkuu wa Wilaya ya Musoma Dr Vincent Naano Anney na Mkurugenzi Halmashauri ya Musoma Ndugu John Kayombo.

Aidha, Ndugu Kibhasa amewaomba Wadau wengine na wapenda Maendeleo kuungana na Viongozi hao ili kuunga mkono jitihada za Wananchi wa Rukuba katika ujenzi wa Wodi hilo.

OFISI YA MBUNGE WA JIMBO inawakumbusha kwamba:

(i) Sherehe za PASAKA za Jimbo la Musoma Vijijini zitafanyika Kisiwani Rukuba (20-21.04.2019). Wote mnakaribishwa.

(ii) Maktaba ya Shule ya Msingi Rukuba ITAZINDULIWA tarehe 21.04.2019. Mbunge Prof Muhongo ataipatia MAKTABA hiyo VITABU vingi siku hiyo.

WANAVIJIJI WALIKUBALI ZAO JIPYA LA BIASHARA LA ALIZETI JIMBONI MWAO

Posted on April 10, 2019April 10, 2019

Moja ya SHAMBA BORA la ALIZETI Kijijini Masinono, Kata ya Bugwema

Na: Hamisa Gamba

Msaidizi wa Mbunge

Wananchi Jimboni Musoma Vijijini wamenufaika na Kilimo cha zao Jipya la ALIZETI lililoanzishwa Jimboni humo na Mbunge wao, Prof Sospeter Muhongo

Akibainisha mafanikio haya mmoja ya WAKULIMA wa ALIZETI Jimboni, Ndugu Tewasa Makunza ambaye ni Mkazi wa Kijiji cha Masinono, Kata ya Bugwema, ameeleza kuwa zao hili la ALIZETI ni zao zuri la BIASHARA lisilo hitaji gharama kubwa kwa Wakulima na kwamba linastahimili UKAME hivyo kuwa na uhakika wa MAVUNO mazuri ukilinganisha na mazao mengine kama Pamba na mengineyo.

Ndugu Makunza ambaye amekuwa akijishughulisha na Kilimo cha zao hili kwa MISIMU MIWILI iliyopita ameeleza kuwa zao hilo limemuinua zaidi kiuchumi kuliko mazao mengine ambayo amekuwa akilima, na manufaa zaidi anapokamua MAFUTA, anapata MASHUDU kwa ajili ya MALISHO ya MIFUGO yake.

Ndugu Makunza ameendelea kusema kuwa Idadi ya Mifugo yake hususani, KUKU wameongezeka zaidi katika uzalishaji na ukuaji tangu walipotumia MASHUDU kuwalisha KUKU hao.

Aidha Mkulima huyu (Ndugu Makunza) wa ZAO JIPYA la ALIZETI Musoma Vijijini amekuwa akivuna zaidi ya KILO 1,000 (zaidi ya tani moja) kwa kila msimu. Kwenye Msimu huu amelima EKARI TANO (5) za ALIZETI akitegemea kupata mavuno mazuri.

Zao la ALIZETI ambalo linalimwa Jimboni Musoma Vijijini takribani kwa miaka mitatu (3) sasa, Mbunge wa Jimbo la Musoma Vijijini amekuwa akitoa MBEGU za ALIZETI BURE kwa Wananchi wa Jimbo lake kama ifuatavyo:

(i) MSIMU WA I: 2016/2017 – Mbunge aligawa kg 4, 682 (Tani 4.68).

(ii) MSIMU WA II: 2017/2018 – Mbunge aligawa kg 4,974 (Tani 4.97).

(iii) MSIMU WA III: 2018/2019 – Mbunge aligawa kg 1, 243.5 (Tani 1.24)

Kwa hiyo kwa ujumla wake Mbunge wa Jimbo Prof Muhongo amegawa bure MBEGU za ALIZETI za jumla ya Kg 9,656 (Tani 9.66) kwa MISIMU 3 mfululizo.

Aidha tunatoa Shukrani kwa Serikali yetu kupitia Wizara ya Kilimo kutupatia TANI KUMI (10) za MBEGU za ALIZETI kwa ajili ya MSIMU wa Mwaka 2018/2019.

Shukrani za pekee pia zinatolewa kwa Viwanda Vidogo viwili (2) vya Watu Binafsi vilivyokwisha funga MITAMBO yao kwa ajili ya kukamua MBEGU za ALIZETI. Viwanda hivyo ni: SARAGANA OIL MILL kilichojengwa Kijijini Saragana na KUSENYI OIL MILL kilichojengwa Kijijini Kusenyi. Kwa hiyo SOKO la uhakika liko ndani ya Jimbo la Musoma Vijijini na kwingineko Mkoani Mara (Bunda na Kiabakari).

Mwenyekiti wa Kitongoji cha Jitirora cha Kijiji cha Masinono, kwa niaba ya Mwenyekiti wa Serikali ya Kijiji, Ndugu Simion Akito, ametoa Shukrani nyingi kwa Mbunge wao Prof Muhongo kwa namna anavyojitolea kwa MAENDELEO ya Wananchi wa Jimbo la Musoma Vijijini.

Kata ya Bugwema ndiyo inayoongoza Kata zote 21 kwenye Kilimo cha ALIZETI.

Kilimo ni Uhai

Kilimo ni Biashara

Kilimo ni Ajira

PAROKIA YA BUKIMA YAJENGA MAABARA YA KISASA YA VIPIMO VYA AFYA

Posted on April 10, 2019April 10, 2019

Msaidizi wa Mbunge Fedson Masawa akimkabidhi Saruji Paroko Haule katika Parokia ya Bukima

Na: Fedson Masawa

Msaidizi wa Mbunge

Mbunge wa Jimbo la Musoma Vijijini Prof Sospeter Muhongo ametimiza ahadi yake, leo tarehe 06.04.2019, ya kuchangia SARUJI MIFUKO 50 kwa ajili ya Ujenzi wa MAABARA kubwa ya KISASA ya VIPIMO vya AFYA inayojengwa katika PAROKIA ya BUKIMA iliyopo Kata ya Bukima.

Awali akifafanua kuhusu ujenzi wa MAABARA hiyo, Kiongozi wa Parokia ya Bukima Padre Haule Emmanuel amesema, MAABARA hiyo itakapokamilika itatoa HUDUMA za KISASA za VIPIMO vya AFYA katika KATA 6 – ambazo ni za Bukima, Bukumi, Bulinga, Bwasi Makojo na Rusoli.

Padre Haule amesema kwa sasa SAMPULI za WAGONJWA za kufanyiwa VIPIMO zinasafirishwa kwenye MABASI kutoka Zahanati za Vijijini hadi kwenye HOSPITAL kubwa ya Musoma Mjini. Huu ni mwendo wa kati ya kilomita 50 na 90 kufika Musoma Mjini.

Padre Haule ameongezea kuwa, kutokana na uhitaji mkubwa wa huduma hiyo, Jengo hilo litakuwa limekamilika kabla ya PASAKA, April 21, 2019 na anamshukuru sana Mbunge wa Jimbo la Musoma Vijijini Prof Muhongo kwa MCHANGO wake wa SARUJI MIFUKO 50 itakayosaidia kufanikisha ujenzi huo.

WANANCHI WA KATA YA MUGANGO WAWA MFANO WA KUIGWA KWA KUSHIRIKIANA NA SERIKALI KUTEKELEZA MIRADI YA MAENDELEO

Posted on April 10, 2019April 10, 2019

Ujenzi unaoendelea kwenye Shule ya Sekondari Mugango

Na: Verediana Mgoma

Msaidizi wa Mbunge

Wananchi wa Kata ya Mugango waendelea kuwa MFANO WA KUIGWA kwenye Miradi ya Maendeleo inayopokea MICHANGO ya SERIKALI kwa ajili ya UTEKELEZAJI wake.

Taarifa ya Ujenzi na Uboreshaji wa Miundombinu kwenye Sekondari yao ya Kata (Mugango Secondary School) INATIA MATUMAINI makubwa.

Sekondari imepokea Tshs Milioni 66.6 kutoka SERIKALINI kwa ajili ya UJENZI wa Vyumba 3 vya Madarasa, Ofisi 1 na Choo chenye Matundu 7 (moja likiwa la Wanafunzi Walemavu).

Wanavijiji, Walimu na Wanafunzi WAMECHANGIA UJENZI huo kama ifuatavyo:

(A) SHULE YENYEWE Walimu na Wanafunzi: (i) wamesomba MORAMU trip 18 (thamani: Tsh 900,000), (ii) wamechangi MITI ya mbao (vipande 88: thamani Tsh 176,000, wameokoa Tsh 1,144,000), (iii) Wamesomba mawe trip 10 (thamani: Tsh 350,000), (iv) Wamesomba maji ya ujenzi yenye thamani ya Tsh 500,000.

Mwalimu Mkuu Chacha Rugita anatoa makadirio ya Tsh 2,894,000 kuwa thamani ya MCHANGO uliotolewa na WALIMU na WANAFUNZI kwenye ujenzi huu unaoendelea kwenye shule yao.

(B) WANAVIJIJI wakiongozwa na Madiwani wao, Mhe Charles Magoma na Mhe Kadogo Kapi wamechangia: (v) Mchanga trip 40, (vi) Mawe trip 15 na (vii) Kokoto trip 9

MAFANIKIO haya yanatokana na USHIRIKIAKANO MZURI uliopo kati ya WANANCHI (chini ya Uongozi wa Madiwani wao 2 waliotajwa hapo juu), BODI ya Shule (Mwenyekiti Ndugu Peter Kazimili), na Uongozi wa Shule (Mwalimu Mkuu Ndugu Chacha Rugita).

Mwenyekiti wa BODI ya Shule Ndugu Kazimili ameongezea kuwa, baada ya kukamilisha MRADI huu, wataanza ujenzi wa Miundombinu kwenye Chumba cha Maabara ya BIOLOJIA kwa kutumia SARUJI MIFUKO 50 iliyotolewa na Mbunge wa Jimbo la Musoma Vijijini Profesa Sospeter Muhongo.

Vilevile Sekondari Mugango wanamshukuru Mbunge wao kwa kuwapatia VITABU vingi na MADAWATI. Wadau wengine wanaoendelea kuchangia Ujenzi na Uboreshaji wa Miundombinu ya Mugango Secondary School ni WANANCHI wakiongozwa na Serikali za Vijiji vyao na Kata yao, kwa kushirikiana kwa karibu sana na Madiwani wao 2, Mhe Charles Magoma na Mhe Kadogo Kapi

SERIKALI YATOA SHILINGI MILIONI 146 KWENYE SHULE YA SEKONDARI KIRIBA

Posted on April 2, 2019April 2, 2019

UPAUAJI wa Vyumba vya Madarasa ya Kiriba Secondary School

Na: Verediana Mgoma

Msaidizi wa Mbunge

Shule ya Sekondari Kiriba iliyoko Kata ya Kiriba imepokea FEDHA kiasi cha SHILINGI MILIONI 146 kwa ajili ya UPAUAJI wa Vyumba Vitatu (3) vya Madarasa. SERIKALI kupitia TAMISEMI imetoa fedha hizo.

Mkuu wa Sekondari hiyo Mwalimu Revocatus Nyesela amesema kuwa Sekondari hiyo ina UPUNGUFU wa Vyumba Vinne (4) vya Madarasa. Kutokana na upungufu huo WANAFUNZI 190 waliochaguliwa kujiunga na KIDATO cha Kwanza (I) kwa sasa wanasomea katika CHUMBA cha MAABARA.

Mwalimu Nyasela AMESHUKURU SANA SERIKALI na kusema kwamba FEDHA HIZO zitaondoa tatizo la upungufu wa Vyumba vya Madarasa shuleni hapo na Chumba cha MAABARA kitatumika kama ilivyokusudiwa.

Afisa Mtendaji wa Kata ya Kiriba, Ndugu Pendo Isack amesema kuwa kwa sasa WANANCHI wa Kata ya Kiriba WANASHIRIKI VYEMA katika Ujenzi wa Vyumba vya Madarasa ya Sekondari yao na WAMEKUBALI ya kuchangia Shilingi Elfu Kumi na Tano (15,000) kwa KILA KAYA.

MICHANGO hiyo ya WANANCHI imesaidia kukamilisha Maboma Matatu (3) ya Madarasa na Ofisi moja (1) ya Walimu ambayo ndiyo yanaezekwa kwa kutumia fedha hizo za Serikali.

Aidha Mtendaji huyo wa Kata hakusita kumpongeza Mbunge wa Jimbo la Musoma Vijijini Prof Muhongo kwa MICHANGO yake ya kuboresha SEKTA ya ELIMU kwa kuchangia VITABU kwa Shule za Msingi 8 na Sekondari 1, MADAWATI 362 kwa Shule za Kata hiyo.

Mtendaji aliendelea kutaja MICHANGO ya Mbunge wao ikiwemo SARUJI MIFUKO 120 kwa S/M Kiriba, MIFUKO 120 kwa S/M Chanyauru, MIFUKO 60 kwa S/M Nyamiyenga, na MABATI 54 S/M Bwai.

Fedha za MFUKO wa JIMBO zilinunua MABATI 106 kwa S/M Nyamiyenga na S/M Chanyauru.

Aidha katika kuboresha utoaji wa elimu katika Kata hiyo Afisa Mtendaji huyo amewaomba WADAU wa Maendeleo kuchangia UJENZI wa HOSTELI unaotarajiwa kuanza hivi karibuni kwa ajili ya WANAFUNZI wa KIKE ambapo mpaka sasa Wananchi wameanza kujitolea kusomba mawe na mchanga.

UJENZI NA UKAMILISHAJI WA MAABARA KWENYE SEKONDARI ZA JIMBO LA MUSOMA VIJIJINI

Posted on March 25, 2019March 25, 2019

Ujenzi wa Miundombimu kwenye Maabara ya Sekondari Nyanja ya Kata ya Bwasi

25 March 2019

Na: Fedson Masawa

Msaidizi wa Mbunge

Jimbo la Musoma Vijijini lina Kata 21, Vijiji 68 na Vitongoji 374.

Jimbo hili kwa sasa lina Shule za Sekondari za Serikali/Kata 18 na Binafsi 2. Kutokana na Ujenzi unaoendelea wa Sekondari Mpya, ifikapo Januari 2020, Jimbo linatarajia kuwa na Jumla ya Sekondari 25 (23 za Serikali/Kata na 2 za Binafsi).

UJENZI WA MAABARA KWENYE SEKONDARI JIMBONI

Sekondari za Serikali/Kata zenye Maabara 3 (Chemistry, Physics and Biology) ZINAZOTUMIKA ni: (i) Mkirira(Maabara 3), (ii) Nyakatende(2) na (iii) Bugwema (1, yenye kutumika kwa masomo yote 3)

Sekondari zote 2 za Binafsi (RC Nyegina na SDA Bwasi) zina Maabara za masomo yote 3.

SEKONDARI ZA NYANJA NA MUGANGO ZAANZA UKALIMISHAJI WA MIUNDOMBINU YA MAABARA ZAO

SHULE ya Sekondari Nyanja iliyopo Kata ya Bwasi imeanza ujenzi wa Miundombinu ya Maabara zao 3. Sekondari ya Mugango ya Kata ya Mugango nayo iko kwenye zoezi hilo.

Maabara ya Sekondari Nyanja ina Jumla ya Vyumba vitatu ambavyo Bodi ya Shule hiyo imeamua kukamilisha Chumba kimoja ili kiwe ni cha Mfano na badae waendelea na ukamilishwaji wa Vyumba vingine viwili.

Ujenzi huu wa Miundombinu ya Maabara unafanikishwa kwa NGUVU za WANANCHI

WADAU wa MAENDELEO mbalimbali WANAOMBWA WACHANGIE UJENZI na UKAMILISHAJI WA MAABARA HIZI.

Mwezi Januari 2019, Mbunge wa Jimbo Prof Sospeter Muhongo alitembelea MAABARA za Sekondari Nyanja na Mugango na atazitembelea tena mwezi ujao, April 2019 na kuendelea kuchangia ukamilishwaji wa MAABARA hizo.

Mkuu wa Shule ya Sekondari Nyanja Mwl Charles F. Ndebele amesema Sekondari ya Nyanja ina Jumla ya Wanafunzi 510. Wanafunzi wanaosoma Masomo ya Sayansi ni WACHACHE MNO – Form IV ni 11 na Form III ni 15.

Mwalimu Mkuu huyo amewashukuru Wananchi, Wadau wa Maendeleo wakiwemo Diwani wa Kata yao, Mbunge wa Jimbo, Mkurugenzi wa Halmashauri na Mkuu wa Wilaya ya Musoma Dr. Vincent Naano kwa kuchangia na kusimamia Maendeleo ya Elimu Musoma Vijijini

Mbali na Maabara hiyo, Mbunge wa Musoma Vijijini Prof Muhongo amewahi kuchangia Saruji, Mabati, Madawati, Vitabu kwa Shule za Kata ya Bwasi na Mbegu za Alizeti, Mihogo na Mtama. Pampu kwa ajili ya Kilimo cha Umwagiliaji ilinunuliwa kutoka kwenye Fedha za Mfuko wa Jimbo.

Iwapo unapenda kuchangia ujenzi wa Maabara hizo, Wasiliana na:

Headmaster

Nyanja Secondary School

+255 754 404 349

+255 679 359 957

JIWE LA MSINGI LA “DAN MAPIGANO MEMORIAL SECONDARY SCHOOL” KUWEKWA TAREHE 18.04.2019

Posted on March 24, 2019March 24, 2019

MAJENGO ya Dan Mapigano Memorial Secondary School ya Kata ya Bugoji. yamefikia hatua nzuri.

Na: Hamisa Gamba

Msaidizi wa Mbunge

Wananchi wa Kata ya Bugoji Jimboni Musoma Vijijini, wameendelea na ujenzi wa Sekondari yao ya Kata kwa kasi na umakini mkubwa sana.

Sekondari hiyo imepewa jina la “Dan Mapigano Memorial Secondary School”

kwa nia ya kumuenzi Msomi, Mwanasheria mahiri na Jaji wa Mahakama Kuu wa kwanza kutoka Jimbo la Musoma Vijijini. Marehemu Jaji Dan Mapigano alizaliwa Kijiji cha Bugoji.

Kwa sasa Wanafunzi wa Sekondari kutoka Kata ya Bugoji yenye Vijiji 3 (Kaburabura, Kanderema na Bugoji) na Kata ya Nyambono yenye Vijiji 2 (Saragana na Nyambono) wote wanasom kwenye Sekondari ya Nyambono – umbali wa kutembea ni mkubwa, Vyumba vya Madarasa havitoshi, Maabara haijakamilika.

Kwa hiyo Kata ya Bugoji imeamua kujenga Sekondari yake ili KUBORESHA MAZINGIRA ya kujifunza na kufundisha MASOMO ya Sekondari kwa Wanafunzi wa Kata zote mbili.

Akieleza juu ya Ujenzi wa Sekondari hiyo, Diwani wa Kata ya Bugoji, Mhe Ibrahim Malima amesema tangu ujenzi huo ulipoanza rasmi Mwezi Desemba 2018, unaendeshwa kwa NGUVU za WANANCHI, SERIKALI, MBUNGE wa JIMBO na WADAU wengine wa Maendeleo kwa mchanganuo ufuatao:

(i) SERIKALI (TAMISEMI): imetoa Tsh 62.5 Milioni ambazo zitakamilisha Ujenzi wa Vyumba 5 vya Madarasa

(ii) MFUKO wa Jimbo: Saruji Mifuko 75

(iii) MBUNGE wa Jimbo: Saruji Mifuko 50 na anaendelea kuchangia

(iv) WAZALIWA wa Kata ya Bugoji nao wanachangia, orodha ni ndefu – Diwani Malima, Injinia Nyamuhanga, Mkwaya Toto Songorwa, Mafuru Kaitira, Petro Mfungo, Raphael Magoti, Parapara Bulenga, Kabende Manyama, Mshangi Kaitira, Munepo Machumu na wengine wanazidi kujitokeza kuchangia ujenzi wa Sekondari ya Kata yao.

Afisa Mtendaji wa Kijiji cha Bugoji ambaye pia ni Kaimu WEO wa Kata ya BUGOJI, Ndugu Ernest Maregesi ametoa SHUKRANI NYINGI kwa Wananchi wa Kata hiyo kwa kuwa ndio waanzilishi wa ujenzi huo, Serikali, Mbunge na Wadau wengine wa Maendeleo kwa kuungana pamoja hadi kufikia hatua hiyo kama ifuatavyo:

(i) Boma la Vyumba viwili (2) limekamilika na hivi karibuni wanaanza kupaua baada ya kukamilisha ujenzi wa Ofisi ya Mkuu wa Shule na Makamu wake. Ofisi hizi 2 ziko kwenye Jengo hilo.

(ii) Boma lingine la Vyumba viwili (2) na Ofisi 1 wanafunga renta, huku wakiendelea na ufyatuaji wa matofari ili kuanza ujenzi wa Vyumba vingine vya Madarasa na Nyumba ya kuishi Walimu.

Dan Mapigano Memorial Secondary School itafunguliwa rasmi Januari 2020 na kuanza kuchukua Wanafunzi wa Form I.

Jiwe la Msingi litawekwa siku ya Alhamisi, tarehe 18.04.2019, saa 4 asubuhi, Kijijini Bugoji. KARIBUNI WOTE

WANANCHI KIJIJI CHA CHIMATI WAAMUA KUJENGA ZAHANATI YA KIJIJI CHAO

Posted on March 17, 2019March 17, 2019

Kazi za ujenzi wa ZAHANATI Kijiji cha Chimati

15.03.2019

Na: Verediana Mgoma

Msaidizi wa Mbunge

Wananchi Kijiji cha Chimati, Kata ya Makojo wameamua KUJITOLEA kujenga ZAHANATI ndani ya Kijiji chao. UAMUZI huu umefikiwa baada ya Wanakijiji hao kuchoshwa na adha ya kutembea umbali mrefu kufuata HUDUMA ya AFYA Kijiji cha Jirani cha Chitare.

Ndugu Juma Nyituga, Mtendaji wa Kijiji cha Chimati amesema kuwa jumla ya WAKAZI 535 wanalazimika kutembea umbali wa kilomita 10 kufuata HUDUMA ya AFYA katika Kijiji cha Chitare. Kwa hiyo wameamua kujenga Zahanati kijijini mwao ili kutatuta tatizo hilo.

Akizungumzia Ujenzi wa Zahanati hiyo, Mwenyekiti wa Kijiji cha Chimati, Ndugu Masinde Bwire amesema kuwa kukamilika kwa ZAHANATI hiyo kutaboresha HUDUMA za AFYA Kijijini hapo. Mama Wajawazito, Watoto na Wazee hawatapata usumbufu wa kutembelea umbali mkubwa kama ilivyo sasa.

Mkuu wa Wilaya ya Musoma Dkt. Vicent Anney amewapongeza Wananchi wa Kijiji cha Chimati na kuwaomba wakamilishe ujenzi wa Zahanati yao mapema iwezekanavyo na vilevile amewashauri waendelee kuunga mkono SERIKALI kwenye MIRADI ya MAENDELEO yao. Mkuu wa Wilaya huyo alisema Ujenzi wa ZAHANATI hiyo kwa mtindo wa KUJITOLEA ni mfano wa kuigwa na Vijiji vingine.

Aidha sambamba na jitihada hizo za Wananchi Mbunge wa Jimbo la Musoma Vijijini Prof Sospeter Muhongo ametoa MCHANGO wa SARUJI MIFUKO 50 akichangia ujenzi wa Msingi (foundation) na akatoa ahadi ya kuchangia SARUJI MIFUKO mingine 50 wakati wa Ujenzi wa Boma la Zahanati hiyo.

MICHANGO MINGINE mikubwa aliyokwishatoa Mbunge Prof Muhongo kwenye Kijiji cha Chimati na kwenye Vijiji vingine vya Kata ya Makojo ni: SARUJI, MABATI, MADAWATI, VITABU, MBEGU za Alizeti, Mihogo na Mtama.

Michango hiyo imetolewa na Mbunge wa Jimbo ili kuunga mkono juhudi za Wanavijiji kwenye Utekelezaji wa MIRADI yao ya KIPAUMBELE ya ELIMU, AFYA na KILIMO.

UJENZI WA SHULE SHIKIZI BUSAMBARA UMEPATA MSUKUMO MPYA BAADA YA KUSUASUA KWA MIEZI KADHAA

Posted on March 11, 2019March 11, 2019

UJENZI wa SHULE SHIKIZI BUSAMBARA unaoendelea na utakamilika ifikapo tarehe 30 Machi 2019.

Jumamosi, 09.03.2019

Jimbo la Musoma Vijijini

Ujenzi wa Shule SIHIKIZI BUSAMBARA iliyoko Kitongoji cha Ziwa, Kijiji cha Mwiringo umepata msukumo na mwamuko mpya baada ya kushindwa kukamilika tarehe 28 Februari 2019.

Kamati ya Ujenzi na Fundi wao, wametoa AHADI ya kukamilisha ujenzi huo ifikapo tarehe 30 Machi 2019.

Tunaomba WANANCHI waendelee KUJITOLEA kukamilisha MRADI huu wakiweka maanani kwamba SERIKALI yetu imetoa MCHANGO MKUBWA wa Tsh 60 Milioni kwenye MRADI wa Ujenzi wa Shule SHIKIZI BUSAMBARA.

TUNAENDELEA kutoa SHUKRANI ZETU za DHATI kwa SERIKALI yetu kwa kutoa MICHANGO MIKUBWA kwa UJENZI wa SHULE SHIKIZI za Vitongoji vya Egenge, Kijiji cha Busamba (Tsh 60 M ujenzi umekamilika), Kaguru, Kijiji cha Bugwema (Tsh 60M, ujenzi unaendelea), Mwikoko, Kijiji cha Chitare (Tsh 60M, ujenzi unakaribia kukamilika).

Vilevile tunapenda kuendelea KUPONGEZA WANANCHI walioamua KUTATUA TATIZO la UMBALI MKUBWA (Km 2 hadi 5 au zaidi) ambao WATOTO WAO wanautembea kwenda Masomoni kwenye Shule za Jirani.

WANANCHI WAMEAMUA kujenga Shule Shikizi ambazo baadae zitapanuliwa na kuwa Shule za Msingi ndani ya Vitongoji na Vijiji vyao.

Mbali ya hizo zilizotajwa hapo juu, Shule Shikizi nyingine zinajengwa:

*Kitongoji cha Kiunda, Kijiji cha Kamguruki

*Kitongoji cha Binyago, Kijiji cha Kabegi

*Kitongoji cha Gomola, Kijiji cha Musanja

*Kitongoji cha Chirugwe, Kijiji cha Buanga

*Kitongoji cha Mwaloni, Kijiji cha Buraga

JIMBO LA MUSOMA VIJIJINI LITAENDELEA KUSHIRIKIANA NA SERIKALI kwa karibu sana KUJENGA na KUBORESHA MIUNDOMBINU ya ELIMU na AFYA kwa manufaa ya Wananchi wa Vijijini mwetu na kwa WATANZANIA wote.

S/M RUKUBA YAKARIBIA KUKAMILISHA UJENZI WA MAKTABA YAO – MFANO WA KUIGWA NA SHULE NYINGINE

Posted on March 5, 2019March 5, 2019

Maktaba ya S/M Rukuba. Inakamilishwa ujenzi

Shule ya Msingi (S/M) Rukuba iliyoko Kisiwani Rukuba ina MAENDELEO MAZURI kwenye UJENZI na UBORESHAJI wa MIUNDOMBINU YA ELIMU kama ifuatavyo:

(1) Wanafunzi wote (465, March 2019) wanasomea ndani ya Vyumba vya Madarasa. Hawapo wanaosemea CHINI ya MITI.

(2) Shule ina Vyumba 7 vya Madarasa vinavyotumika na ujenzi wa VIPYA 3 unakamilishwa. Kwa hiyo ifikapo 30 March 2019, S/M Rukuba itakuwa na Vyumba 10 vya Madarasa.

(3) Wanafunzi wote 465 wanatumia MADAWATI wakati wakiwa Madarasani. Hayupo anaekaa sakafuni.

(4) Mwalimu Mkuu anayo Ofisi yake pekee. Walimu wengine wanayo Ofisi yao. Walimu hawana Ofisi chini ya Miti.

(5) Walimu wote wanaishi kwenye NYUMBA za SHULE – Makazi ya uhakika.

(6) Shule inakamilisha ujenzi wa MAKTABA itakayotumiwa na Wanafunzi, Walimu, Wakazi na Wageni Kisiwani hapo. Itafunguliwa April 2019 wakati wa Sherehe za PASAKA za Jimbo zitakazofanyika Kisiwani hapo.

(7) Wanafunzi wanapata CHAKULA shuleni kwa siku zote za masomo.

Kisiwa cha Rukuba kina ZAHANATI inayotoa Huduma za Afya.

UFAULU MDOGO NA UMBALI MKUBWA WA SHULE ZA JIRANI VIMEWAFANYA WAKAZI WA KITONGOJI CHA MWALONI KUAMUA KUJENGA SHULE YAO

Posted on March 4, 2019March 4, 2019

Wananchi wakiwa kazini – Urekebishaji wa Msingi na Umwagiliaji Matofali.

Jumamosi, 02.03.2019

Na: Fedson Masawa

Msaidizi wa Mbunge

Kitongoji cha Mwaloni kiko ukingoni mwa Ziwa Victoria ndani ya Kijiji cha Buraga, Kata ya Bukumi.

Wanafunzi wa Kitongoji cha Mwaloni wanasoma Shule za Msingi za jirani: S/M Buraga, mwendo km 3-4 na S/M Chitare, mwendo wa km 2-3.

Kwa Matokeo ya Mitihani ya Darasa la VII ya Mwaka jana (2018), Wanafunzi kutoka Kitongoji cha Mwaloni waliokuwa wanasoma S/M Buraga HAYUPO aliyefaulu Mitihani na kuchaguliwa kwenda Sekondari. Kwa wale waliokuwa wakisoma S/M Chitare ni WAWILI (2) tu waliofaulu na kuchaguliwa kwenda Sekondari ya Makojo.

Kutokana na hali hiyo ya Elimu ya kutoridhisha kwenye Kitongoji cha Mwaloni, WAKAZI wa Kitongoji hicho WAMEAMUA kujenga Shule yao ya Msingi wakianzia kwa kujenga SHULE SHIKIZI ambayo itawatoa nje WANAFUNZI 34 wa Kitongoji hicho wanaosomea CHINI ya MITI.

Mwenyekiti wa Kijiji cha Buraga, Ndugu Geliad Mageta ameeleza kamba tayari ufyatuaji wa awali wa MATOFALI umekamilika baada ya kupokea SARUJI MIFUKO 50 iliyonunuliwa na Halmashauri kutoka Fedha za MFUKO wa JIMBO.

MDAU wa Maendeleoa amechangia SARUJI MIFUKO 5 iliyonunuliwa Kijijini Chitare na kukabidhia tarehe 25.02.2019 kwa Viongozi wa Kitongoji cha Mwaloni.

Ndugu Nyajoge Chirya, Mwenyekiti Kamati ya Ujenzi wa Shule hiyo, alisema kuwa SARUJI MIFUKO 5 iliyopokelewa kutoka kwa Mdau wa Maendeleo Jimboni ni MCHANGO muhimu sana kwa ujenzi wa Shule yao ambayo sasa wanaanza kunyanyua BOMA.

Mbunge wao Prof Muhongo aliahidi kuwachangia SARUJI MIFUKO 100 iwapo Halmashauri itaridhia marekebisho ya ujenzi huo

Mbali ya MICHANGO ya Mbunge Prof Sospeter Muhongo ya Madawati, Vitabu, Saruji na Mbegu za Alizeti, Mihogo na Mtama kwa Kata ya Bukumi, Mbunge huyo wa Jimbo amechangia HUDUMA za AFYA kama ifuatavyo:

(i) SARUJI MIFUKO 50 kwenye ujenzi wa Nyumba ya Mganga wa Zahanati ya Kurugee.

(ii) Gari la Wagonjwa (AMBULANCE) la Zahanati ya Kurugee.

Vilevile Fedha za MFUKO wa JIMBO zilitumika kununua VIFAA VYA KUMWAGILIA (Kilimo cha Bustani) kwa KIKUNDI cha ANGAZA – Pampu, Mipira na Mbegu.

JIMBO LA MUSOMA VIJIJINI – UJENZI WA ZAHANATI WAZIDI KUSHIKA KASI JIMBONI

Posted on March 2, 2019March 2, 2019

Wananchi na Mafundi wakiendelea na Ujenzi wa Msingi wa Boma la Zahanati ya Kakisheri

Na: Fedson Masawa

Msaidizi wa Mbunge

*Tarehe 01.03.2019*

UJENZI wa Zahanati Mpya umezidi kushika kasi ndani ya Jimbo la Musoma Vijijini ili kujihakikishia upatikanaji wa Huduma bora za Matibabu (Afya) Jimboni. Hii ni sehemu muhimu ya Utekelezaji wa Ilani ya Uchaguzi ya CCM (2015-2020).

Hali hii imedhihirika baada ya Vijiji mbalimbali kuongeza kasi zaidi na kushiriki kwa hali na mali katika ujenzi wa ZAHANATI za VIJIJI vyao.

Zahanati ya Kijiji cha Kakisheri kilichopo Kata ya Nyakatende ni moja kati ya Zahanati 13 ambazo ujenzi wake unaendelea kwa kasi kubwa. Hadi kufikia March 4, 2019 ujenzi wa Msingi wa Boma la Zahanati ya Kakisheri utakuwa umekamilika.

Zahanati nyingine zinazoendelea kujengwa Jimboni ni (ii) Zahanati ya Kijiji cha Bukumi inayojengwa kwenye Kitongoji cha Burungu. Vijiji vingine vinavyojenga Zahanati zao ni: (iii) Butata, (iv) Chimati, (v) Chirorwe, (vi) Kurwaki, (vii) Maneke, (viii) Mkirira, (ix) Mmahare, (x) Nyasaungu, (xi) Muhoji, (xii) Kurukerege na (xiii) Bwai Kwitururu.

Akizungumza na Msaidizi wa Mbunge, kwa niaba ya Wana-Kakisheri, kwenye eneo la ujenzi huo, Mwenyekiti wa Serikali ya Kijiji Ndugu Msafiri Corrence amesema, Wananchi wa Kakisheri WAMEAMUA KWA DHATI kuchangia ujenzi wa Zahanati yao ili ikamilike na kuanza kutoa huduma ifikapo January 2020.

Mwenyekiti pia ameshukuru jitihada za Mbunge Prof Muhongo za kuchangia shughuli za Maendeleo Kijijini Kakisheri, MICHANGO hiyo ni pamoja na:

(i) Madawati 99 kwa S/M Kambarage

(ii) Mabati 54 kwa S/M Kambarage

(iii) Saruji Mifuko 60 kwa S/M Kambarage

(iv) Vitabu vingi

(v) Mbegu za Mihogo, Mtama na Alizeti.

Pamoja na Michango hiyo, Wananchi wamezidi kuwaomba Ndugu na Jamaa, Wadau mbalimbali wa Maendeleo ndani na nje ya Jimbo washirikiane na WAKAZI wa Kijiji cha Kakisheri, Kata ya Nyakatende kuchangia ujenzi wa ZAHANATI ya Kijiji hicho ili kufikia malengo yao ya kuanza kuitumia ifikapo Januari mwakani (2020)

MIRADI YA TANROADS NA TARURA NDANI YA JIMBO LA MUSOMA VIJIJINI YAKAGULIWA

Posted on February 25, 2019February 25, 2019

Mhe Bupilipili akimsaidia Mama kwa kubeba Mtoto wa Mama huyo aliyekuwa akivuka Mto Nyamwifi kwenye eneo la Daraja lililokatika.

Jumatatu, 25.02.2019

Baadhi ya Wajumbe wa Bodi ya Barabara Mkoa wa Mara wametembelea na kukagua MIRADI inayotekelezwa na TANROADS na TARURA ndani ya Jimbo la Musoma Vijijini.

Kiongozi wa Wajumbe hao alikuwa Mkuu wa Wilaya ya Bunda, Mhe Lydia Simeon Bupilipili. Mwenyekiti wa Halmashauri ya Wilaya ya Musoma, Mhe Charles Magoma na Mbunge Prof Sospeter Muhongo walikuwa kwenye ziara hiyo iliyoratibiwa na Wataalamu (Wahandisi) kutoka TANROADS Mkoa na TARURA Wilaya.

Barabara zinazosimamiwa na TANROADS zinafanyiwa matengenezo mazuri na zinapitika kwa MWAKA MZIMA hata wakati wa MSIMU WA MVUA. Barabara kuu ya Musoma-Mugango-Murangi-Makojo-Busekela (km 92) iko kwenye hali nzuri na matayarisho ya kuwekwa LAMI yamekamilika.

Picha Na. 1 na 2 hapo chini inaonyesha Wajumbe wa Bodi, Wataalamu/ Wahandisi wa TANROADS na TARURA wakiwa pamoja na Mhe Bupilipili (mwenye cap ya njano) kwenye Daraja la Kijijini Kusenyi, mahali ambapo ujenzi utaanzia na kuelekea Makojo hadi Busekela.

TARURA Halmashauri ya Wilaya ya Musoma (TARURA Musoma DC) ina Jumla ya BARABARA 85 zenye urefu wa km 474.32 (ndani ya Jimbo la Musoma Vijijini).

Usimamizi wa BARABARA zilizo chini ya TARURA ni mzuri na matengenezo yanayafanywa kwa kiwango kizuri.

Viongozi wa TARURA wamewaonyesha Daraja kwenye Mto Nyamwifi lilokatika. Hili liko kwenye Barabara ya Bukima-Bulinga- Bwasi. Usanifu wa awali imefanyika na gharama zimekadiriwa kuwa Tsh Milioni 350 ambazo zimeombwa kwenye Bajeti ya 2019/2020.

Viongozi wa TARURA wameeleza kwamba Barabara ya Wanyere – Kataryo, kwenye Mto Suguti nayo inahitaji Daraja jipya.

WAJUMBE wa BODI ya BARABARA Mkoa wa MARA WAMERIDHIKA na kupongeza TANROADS na TARURA kwa kazi nzuri.

MBUNGE ACHANGIA SARUJI KATIKA UJENZI WA VYUMBA VYA MADARASA YA S/M RWANGA.

Posted on February 25, 2019February 25, 2019

Majengo yanayojengwa kwa MICHANGO ya Wananchi, Mbunge wa Jimbo na Mradi wa EQUIP. Majengo haya yatakamilika tarehe 28.02.2019.

Jumapili 24. 2.2019

Na: Hamisa Gamba

Msaidizi wa Mbunge

Kijiji cha Kasoma ni kati ya Vijiji 5 vinavyounda Kata ya Nyamrandirira. Vijiji vingine ni Mikuyu, Seka, Chumwi na Kaboni

Leo Jumapili, tarehe 24.02.2019 Mbunge wa Jimbo Prof Sospeter Muhongo amekabidhi SARUJI MIFUKO 50, akiwa anatimiza AHADI YAKE aliyoitoa hivi karibuni wakati alipotembelea S/M Rwanga.

Afisa Mtendaji wa Kijiji hicho Ndugu Faustin M. Majura amesema kuwa S/M RWANGA ni shule changa iliyoanzishwa Mwaka 2016, na hadi sasa ina jumla ya Wanafunzi 319 wa Darasa la I – IV. Ina jumla ya Vyumba vya Madarasa viwili (2) kwa matumizi ya Madarasa 4, kwa hiyo Wanafunzi wanasoma kwa zamu kwa kuachana madasara hayo mawili.

Afisa Mtendaji huyo aliendelea kueleza kuwa Wananchi wa Kijiji cha Kasoma WAMEAMUA KUJITOLEA kujenga Vyumba vya kutosha ili KUTATUA TATIZO hilo.

Wananchi wanaendelea kuchanga fedha, na kusomba mawe, kokoto, mchanga na maji kwa ajili ya ujenzi huu.

Mbunge wa Jimbo Prof Muhongo aliwachangia SARUJI MIFUKO 60 iliyowasaidia kujenga Vyumba 2 vya Madarasa ambavyo vinakamilishwa. Mradi wa EQUIP (Mradi wa Ushirika wa Serikali yetu na DfID, UK) nao umechangia ujenzi wa Vyumba 2 vipya hapo shuleni.

Mwenyekiti wa Kijiji hicho, Ndugu Fedson B. Msalama ametoa shukrani za pekee kwa Mbunge wa Jimbo la Musoma Vijijini kwa moyo wake wa KUJITOLEA kuchangia Maendeleo ya JIMBO ZIMA ikiwemo S/M Rwanga. Kiongozi huyo alibainisha MICHANGO ya Mbunge wao kwa Shule yao kwamba ni:

(i) Box 10 za Vitabu. Takribani Vtabu 500

(ii) Saruji Mifuko 60

(iii) Madawati 64

Mfuko wa Jimbo umechangia:

(iv) Mabati 54

(v) Mabati 150 yaliyogawiwa tarehe 20/2/2019 baada ya KIKAO cha WAZI cha kugawa FEDHA hizo kilichofanyika Kijijini Bugoji, Kata ya Bugoji.

SARUJI MIFUKO 50 zilizokabidhiwa leo tarehe 24/2/2019 kwa Viongozi wa Kijiji hicho, zitatumika kwenye UJENZI MPYA wa Vyumba vingine viwili (2) vya Madarasa. Viongozi wa Kijiji wamesema kwamba ifikapo Jumatano ya tarehe 27.2.2019 Msingi (foundation) utakuwa umekamilika.

OMBI: Uongozi wa Kijiji cha Kasoma na wa S/M Kasoma wanaomba WADAU wa MAENDELEO waungane nao kuijenga S/M Kasoma.

WANANCHI WA KIJIJI CHA WANYERE WAENDELEA NA UJENZI WA VYUMBA VIPYA VYA MADARASA

Posted on February 21, 2019February 25, 2019

Wananchi wa Vitongoji vya Mwikoro na Komesi wakiendelea na ujenzi wa Msingi wa Vyumba Vipya 2 vya Madarasa ya Shule ya Msingi ya Wanyere A.

Na: Hamisa Gamba

Msaidizi wa Mbunge

Kata ya Suguti inaundwa na Vijiji vinne (4), ambavyo ni Kusenyi, Suguti, Chirorwe na Wanyere.

Kijiji cha Wanyere kina VITONGOJI SITA (6) na Shule za Msingi (S/M) tatu (3) – S/M Wanyere A, S/M Wanyere B, na S/M Murugee.

Kijiji cha Wanyere kimeanza ujenzi wa Vyumba Vipya vya MADARASA kwa Shule zake za Msingi kwa MPANGILIO na MGAWANYO ufuatao:

(i) S/M Wanyere A: Vitongoji vya Mihuru na Mururangu – Wananchi wa Vitongoji hivi wanaendelea na ujenzi wa Msingi wa Vyumba vya Madarasa, na wanataraji kukamilisha ujenzi huu ifikapo Alhamisi, 21.02.2019 (kesho)

(ii) S/M Wanyere B: Vitongoji vya Mwikoro na Komesi – Wananchi wa Vitongoji hivi tayari WANAPAUA Vyumba vya Madarasa.

(iii) S/M Mrugee: Vitongoji vya Ambagai na Mrugee yenyewe – Wananchi wameanza uchimbaji wa Msingi, na matarajio yao ni kuanza ujenzi wa Msingi kabla ya Ijumaa ya wiki hii (kesho kutwa)

Mwenyekiti wa Kijiji cha Wanyere, Ndugu Charles Mtani alieleza kuwa wameamua kuendesha UJENZI huo kwa kugawanya kazi kwa VITONGOJI na hivyo kufanya USHINDANI kati ya Vitongoji ili KUHARAKISHA ujenzi wa Vyumba Vipya vya Madarasa. Lengo ni kuhakikisha kila Kitongoji HAKINA Shule ambayo WANAFUNZI wanasomea nje CHINI ya MITI kwa kukosa Vyumba vya MADARASA.

Mbunge wa Jimbo Prof Sospeter Muhongo ameishatoa MICHANGO kadhaa kwa Shule zote 3 kama ifuatavyo: (a) Jumla ya Madawati 293, (b) Jumla ya Vitabu Box 30 (zaidi ya vitabu 1,500), (c) Jumla ya SARUJI MIFUKO 145. Mfuko wa Jimbo umechangia Jumla ya SARUJI MIFUKO 100 na Mabati 58 (S/M Wanyere B).

Diwani wa Kata hiyo ya Suguti, Mhe Dennis Ekwabi ameendelea kusisitiza WANANCHI wa Kata hiyo kuendelea kufanya kazi kwa kushirikiana, kwa kujituma na bila Malumbano. Hii itasaidia kuyatimiza yale waliyojipangia. Aidha pia Mheshimiwa huyo, anaendelea kutoa shukrani za pekee kwa Mbunge wa Jimbo la Musoma Vijijini, Mhe. Prof Muhongo kwa MIRADI anayoendelea kuitekeleza Jimboni, na pia kwa WANANCHI kwa KUJITOLEA kwao. Ameshukuru Mfuko wa Jimbo akiamini kuwa hizi ni jitihada za SERIKALI kuunga mkono juhudi za Wananchi za kujitolea kujiletea MAENDELEO yao wenyewe.

WANANCHI WA KIJIJI CHA BUSUNGU WAAMUA KUTOKOMEZA UPUNGUFU WA VYUMBA VYA MADARASA KWENYE SHULE YAO YA MSINGI

Posted on February 21, 2019February 21, 2019

Maendeleo ya Ujenzi wa Vyumba vya Madarasa vya Shule ya Msingi Busungu

Na: Verediana Mgoma

Msadizi wa Mbunge

Upungufu wa Vyumba vya Madarasa MASHULENI ni tatizo ambalo WANANCHI wa Jimbo la Musoma Vijijini WAMEAMUA KULITATUA kwa kushirikiana na SERIKALI yao.

Wananchi wa Kijiji cha Busungu, Kata ya Bulinga wameamua na kuanza Ujenzi wa Vyumba VIPYA vya Madarasa kuondoa uhaba wa Vyumba vya Madarasa uliopo kwenye Shule ya Msingi Busungu.

Mtendaji wa Kijiji cha Busungu, Ndugu Charles Ndagile amesema kwamba Wananchi wamehamasika kuchangia NGUVUKAZI zao ili kuondoa MIRUNDIKANO ya Wanafunzi madarasani.

“Tumefanikiwa kunyanyua Maboma ya Vyumba 3 na Ofisi ya Walimu, tukiwa na LENGO la kuondoa kabisa tatizo la UKOSEFU wa Vyumba vya Madarasa kwenye Shule yetu,” alisema Ndugu Charles Ndagile.

Kwa upande wake, Mwalimu Mkuu wa Shule hiyo, Ndugu Chacha Magogo alitoa taarifa ya Shule yake na kusema kwamba Shule ina Jumla ya Wanafunzi 570, ina Madarasa 7 na ina upungufu wa Madarasa 5. S/M Busungu inamshukuru sana Mbunge Prof Muhongo kwa kuchangia SARUJI MIFUKO 110.

“Hatuna Wanafunzi wanaosomea nje chini ya MITI, lengo letu ni KUONDOA MIRUNDIKANO ya Wanafunzi Madarasani ili kila Darasa lichukue Wanafunzi 45, ” alisema Mwalimu Mkuu, Ndugu Charles Magogo.

Aidha Diwani wa Kata ya Busungu, Ndugu Mambo Japani ameishukuru SERIKALI kwa MISAADA iliyotoa kwenye ujenzi wa Shule za Msingi na Sekondari kwenye Kata hiyo. Vilevile amemshukuru Mbunge wa Jimbo Prof Sospeter Muhongo kwa MICHANGO aliyotoa kwenye Kata hiyo ikiwemo ya MADAWATI, VITABU na MBEGU za MAZAO (Alizeti, Mihogo na Mtama),.

Diwani wa Kata Mhe Mambo Japani anasisitiza na kusema kwamba WAMEAMUA kuboresha MIUNDOMBINU YA ELIMU kwenye Shule zote za Msingi zilizoko ndani ya Kata yao. Aliendelea kutoa SHUKRANI NYINGI kwa Halmashauri na SERIKALI kwa ujumla kwa kuungana na Wananchi, yeye mwenyewe (Diwani) na Mbunge wa Jimbo kukamilisha ujenzi wa Sekondari Mpya iliyoanza kuchukua Wanafunzi wa Form I Mwaka huu (Jan 2019). Wanakamilisha usajili wa Sekondari hiyo ya Kata (Bulinga Secondary School).

KIJIJI CHA KAKISHERI CHAAMUA KUJENGA ZAHANATI YA KIJIJI CHAO

Posted on February 11, 2019February 11, 2019

Uchimbaji (umekamilika) wa Msingi wa Zahanati ya Kijiji cha Kakisheri.

Na: Hamisa Gamba

Msaidizi wa Mbunge

Jimbo la Musoma Vijijini limechagua VIPAUMBELE 3 – ELIMU, AFYA na KILIMO. Maji, Umeme, Barabara, n.k. ni NYENZO zinazohitajika kutekeleza, kwa mafanikio makubwa, Miradi ya Vipaumbele hivyo vitatu.

Wananchi wa Kijiji cha Kakisheri, Kata ya Nyakatende, wameanza Ujenzi wa Zahanati ya Kijiji chao. Uamuzi huu unatokana na Kikao cha Wanakijiji hao na Mbunge wao Prof Sospeter Muhongo uliofanyika kwenye eneo la ujenzi mwezi uliopita (Januari 2019).

Diwani wa Kata ya Nyakatende, Mhe Rufumbo Rufumbo na Ndugu Msafiri Matete Mwenyekiti wa Kijiji cha Kakisheri wamesema kwamba LENGO LAO KUU ni kuhakikisha ujenzi wa Zahanati hiyo unakamilika na kuanza kutoa huduma za matibabu ndani ya mwaka mmoja kuanzia mwezi huu (Februari 2019 – Februari 2020).

Ujenzi wa Zahanati hii unafuata maelekezo ya Halmashauri yao ya Wilaya ya Musoma. Kila hatua ya ujenzi inakaguliwa na Wataalamu kutoka Halmashauri yao.

Wananchi wanachanga FEDHA, wanasomba mawe, kokoto, mchanga na maji ikiwa ni MICHANGO yao kwenye Mradi huu. Wameishanunua Saruji Mifuko 50 ya kuanzia ujenzi.

Mbunge wa Jimbo, Prof Muhongo atachangia kwa kila hatua itakayafikiwa kwenye ujenzi wa Zahanati hii. Kwa hatua ya msingi (foundation) atachangia Saruji Mifuko 50 na kwa hatua ya kusimamisha Boma atachangia tena Saruji Mifuko 50.

WADAU wa MAENDELEO wanaombwa kuwaunga mkono Wananchi wa Kijiji cha Kakisheri, Kata ya Nyakatende kwenye Mradi wa ujenzi wa Zahanati yao.

“Umoja ni Ushindi, tuungane kujenga Zahanati ya Kijiji cha Kakisheri.”

WANANCHI KIJIJI CHA NYABAENGERE WAMEAMUA KUBORESHA MIUNDOMBINU YA ELIMU KWENYE SHULE YAO YA MSINGI – KILA KITONGOJI KUJENGA DARASA MOJA

Posted on February 4, 2019February 4, 2019

Ujenzi na Ufungaji lenta wa Vyumba vya Madarasa na Ofisi za Walimu wa Shule ya Msingi Nyabaengere, Kijiji cha Nyabaengere, Kata ya Musanja

Na: Verediana Mgoma

Msaidizi wa Mbunge

Kutokana na idadi kubwa ya Wanafunzi wanaojiunga na ELIMU ya Msingi kumekuwa na tatizo kubwa la UHABA wa Vyumba vya Madarasa kwenye Shule ya Msingi Nyabaengere iliyoko kwenye Kijiji cha Nyabaengere.

Ndugu Nashoni Manji ambae ni Kaimu Mwenyekiti wa Kijiji cha Nyabaengere ameeleza kwamba Wanakijiji WAMEKIRI KWAMBA kuna TATIZO kubwa la UPUNGUFU wa Vyumba vya Madarasa. Kwa hiyo kwa kupitia Halmashauri ya Kijiji chao wamejiwekea UTARATIBU wa KILA KAYA kuchangia kiasi cha SHILINGI ELFU KUMI (10,000) na WAMEKUBALIANA kwamba KILA KITONGOJI kitajenga CHUMBA KIMOJA cha Darasa.

Aliendelea na kusema, “Tumefanikiwa kunyanyua Maboma ya Vyumba Vinne na Ofisi mbili za Walimu kwa kushirikiana na Viongozi wenzangu wa Vitongoji vya Nyabaengere, Chakaroso, Kairo na Kamugea.”

Mwalimu Mkuu Shule ya Msingi Nyabaengere, Mwalimu Steve Kihoko ameeleza kwamba MATATIZO yaliyopo hapo shuleni yatapatiwa tiba baada ya kukamilika kwa Vyumba Vinne vya Madarasa. Hakutakuwepo na mrundikano wa Wanafunzi Madarasani na hawatakuwepo Wanafunzi wanaosomea CHINI YA MITI.

Aidha Mheshimiwa Diwani wa Kata ya Musanja, Ndugu Elias Ndaro amemshukuru Mbunge wa Jimbo la Musoma Vijijini Profesa Sospeter Muhongo kwa KUCHANGIA SARUJI MIFUKO 60 na Mabati 108. Hayo Mabati yamenunuliwa kutoka Mfuko wa Jimbo.

Mbunge wa Jimbo Profesa Muhongo ameishatoa MICHANGO ya Madawati, na Vitabu (mara tatu) kwenye Shule hii. Vilevile Profesa Muhongo amechangia Ustawi wa Kilimo kwenye Kata hii kwa Wanavijiji kuwapatia bure Mbegu za Alizeti (mara tatu), Mihogo na Mtama.

WADAU wa Maendeleo wakiwemo Wazaliwa wa Kata ya Musanja na Vijiji vyake WANAOMBWA WAJITOKEZE kuchangia ujenzi huu.

KATA YA BUKIMA WAAMUA KUTATUA TATIZO LA UKOSEFU WA VYUMBA VYA MADARASA KWA WANAFUNZI WALIOCHAGULIWA KUJIUNGA NA MASOMO YA KIDATO CHA KWANZA

Posted on January 23, 2019January 23, 2019

Maendeleo ya ujenzi wa Vyumba vya Madarasa vya Sekondari ya Bukima

Na: Verediana Mgoma

Msaidizi wa Mbunge

Wananchi wa Vijiji Vitatu vya Kata ya Bukima – Butata, Kastam na Bukima VIMEAMUA KWA KAULI MOJA na wamedhamilia kukamilisha ujenzi wa Vyumba vya Madarasa ya Kidato cha Kwanza, baada ya Wanafunzi waliofaulu kujiunga na Kidato cha Kwanza kwa Mwaka huu (2019) kukosa mahali pakusomea.

Akizungumzia tatizo hilo, Mkuu wa Shule ya Sekondari Bukima, Mwalimu Elberth Deogratias anaeleza kwamba jumla ya Wanafunzi WALIOCHAGULIWA kujiunga na Kidato cha Kwanza ni 187, WALIOANZA masomo ni 50, na WANAOSUBIRI uwepo wa Vyumba vya Madarasa (vikamilike kujengwa) ni WANAFUNZI 137

Nao Viongozi wa ngazi mbalimbali wa Kata ya Bukima na Vijiji vyake 3, wamesema kuwa WANALAZAMIKA kujenga Vyumba Viwili vya Madarasa na Kukarabati chumba kimoja kwa lengo la kuepusha WATOTO wao KUKAA MTAANI kwa kukosa mahali pa kusomea!

Naye Mhe January Simula ambaye ni Diwani wa Kata ya Bukima amesema MIPANGO iliyopo ni kuhakikisha kwamba ifikapo tarehe 01.02.2019, Wanafunzi WANAOSUBIRI Vyumba vya Madarasa kupatikana Bukima Sekondari, WANAANZA MASOMO YAO ya Form I.

Mhe Diwani Simula amesema, “Tunawashukuru WANANCHI walioamua kujitolea kwenye ujenzi huu na Mbunge wa Jimbo Profesa Muhongo aliyechangia SARUJI MIFUKO 50 kuhakikisha uhaba wa Vyumba vya Madarasa unatatuliwa kwa manufaa ya watoto wetu.”

Aidha ujenzi wa VYUMBA VYA MADARASA ni MPANGOKAZI ENDELEVU kwa Vijiji hivyo Vitatu kwa kusudio la kuondoa UKOSEFU wa upungufu wa Vyumba vya Madarasa kwenye Shule zote (Sekondari & Msingi) ndani ya Kata hiyo.

UJENZI NA UBORESHAJI WA MIUNDOMBINU YA ELIMU JIMBONI MWETU NI WA LAZIMA KUFANYIKA SASA NA KWA KASI KUBWA

Posted on January 12, 2019January 12, 2019

Vikao vya Wanavijiji wa Kata ya Suguti (Vijiji 4) na Mbunge wao Prof Sospeter Muhongo

Mh. Mbunge Prof Sospeter Muhongo alikuwa kwenye Kata ya Suguti yenye Vijiji 4 (Wanyere, Chirorwe, Kusenyi na Suguti).

Hali ya Miundombinu ya Elimu kwenye Kata ya Suguti, yenye Vijiji 4 na Sekondari 1 ya Kata, inafanana na hali iliyoko kwenye Kata nyingine 18 alizozitembelea Mbunge wa Jimbo.

MIFANO YA KUHUZUNISHA:

(1) S/M Wanyere A iliyoanza kutoa elimu Mwaka 1954, yenye Wanafunzi 537 ina Vyumba vya Madarasa 5 na pungufu 7. Watahiniwa (2018) walikuwa 48, Waliofaulu na kuchaguliwa kwenda Form I ni 18.

(2) S/M Murugee (1996), Wanafunzi 350, Madarasa 6 na pungufu 4. Watahiniwa 36, Waliofaulu na kuchaguliwa 14.

(3) S/M Suguti A (1946), Wanafunzi 638, Madarasa 7 na pungufu 5. Watahiniwa 62, Waliofaulu 30, Waliochaguliwa 11.

UAMUZI WA WANANCHI NA VIONGOZI WAO

(1) Ujenzi wa Vyumba Vipya vya Madarasa HAUKWEPIKI, NI WA LAZIMA!

(2) Maboma yanayojengwa YAKAMILISHWE KABLA ya Tarehe 30 January 2019. Ujenzi mpya utakaoanza wiki ijayo ukamilike ifikapo 28 February 2019… Marshall Plan of its kind?

HARAMBEE na MICHANGO YA MBUNGE

Utaratibu wa Mbunge wa Jimbo Prof Muhongo ni kwamba ANACHANGIA pale ambapo ujenzi UMEANZA na una RATIBA YA UJENZI inayotekelezeka.

Kwa leo, Jumanne, tarehe 08.01.2019, Mbunge wa Jimbo amechangia (kutegemeana na Ratiba zao za ujenzi zilizokubalika mbele ya Vikao na Mbunge wao):

(1) S/M Murugee

Saruji Mifuko 50

(2) S/M Wanyere B

Mabati 54

(3) S/M Wanyere A&B:

Saruji Mifuko 50

(4) S/M Kusenyi A

Mabati 54

(5) S/M Kusenyi B

Saruji Mifuko 20

(6) S/M Suguti A

Saruji Mifuko 50

(7) S/M Suguti B

Saruji Mifuko 50

WANAFUNZI 232 NDANI YA CHUMBA KIMOJA CHA DARASA – WANANACHI WAAMUA KUTATUA MATATIZO YA UKOSEFU WA VYUMBA VYA MADARASA MASHULEN

Posted on January 8, 2019January 8, 2019

Kikao cha Wanakijiji na Mbunge wao Prof Muhongo wakiwa kwenye eneo la ujenzi wa SHULE MPYA YA MSINGI kwenye Kitongoji cha Gomora, Kijiji cha Musanja, Kata ya Musanja.

Jumatatu, 07.01.2019, Mbunge Prof Sospeter Muhongo AMEENDELEA na Ziara zake za KUKAGUA na KUPIGA HARAMBEE za Ujenzi na Uboreshaji wa Miundombinu ya ELIMU na AFYA Jimboni. Leo alikuwa kwenye Kata za Musanja na Murangi.

Matatizo ya Miundombinu ya Elimu yanafanana sana kwa karibu Kata zote 21, na Vijiji vyake 68.

MIFANO INAYOTULAZIMISHA SISI SOTE KUBADILIKA NI HII:

(1) UPUNGUFU WA VYUMBA VYA MADARASA – (a) S/M Nyabaengere (ilianzishwa Mwaka 1996), pungufu vyumba 13, (b) S/M Kanyega (1952), pungufu vyumba 11

(2) WANAFUNZI (STD VII, 2018) WALIOFAULU vs WALIOCHAGULIWA –

(a) S/M Murangi B Waliofaulu 21

Waliochaguliwa 5

(b) S/M Lyasembe

Waliofaulu 33

Waliochaguliwa 9

Waliofaulu 61

Waliochaguliwa 30

MFANO WA MATOKEO KIDATO CHA IV (2017)

Mabui Merafuru Secondary School (35 in 2017)

(a) Division III: 3

(b) Division IV: 16

Nyumba za Walimu – pungufu 15

Padre anakusudia KUFUNGA HOSTEL ya Wasichana wa Mabui Secondary kwa sababu WAZAZI HAWATAKI WATOTO WAO WAKAE HOSTEL WAKATI WA MASOMO – sababu kuu ni: hawataki kuchangia gunia moja la mahindi kwa mwaka mmoja wa masomo n.k.

WANANCHI/WAZAZI WAMEKUBALI KUBADILIKA KAMA IFUATAVYO:

(1) Kujenga Vyumba vya Madarasa kwa kasi kubwa na kukamilisha ujenzi huo ifikapo tarehe 30 Jan 2019.

(2) Wanafunzi wote waliofaulu kuendelea na masomo ya Sekondari, wajiunge na Sekondari za Kata zao ifikapo 01.02.2019

(3) Ujenzi wa Vyumba VIPYA vya Madarasa kwenye Shule za Msingi na Sekondari UTAKUWA ENDELEVU KWA MIAKA KADHAA

(4) Msongamano ukiwa mkubwa SHULE MPYA ZIJENGWE, k.m. Mbunge ataweka (28.02.2019) Jiwe la Msingi la Shule MPYA ya Msingi Kijijini Musanja.

HARAMBEE, MICHANGO & AHADI ZA MBUNGE ZA TAREHE 07.01.2019

(1) Vijiji ambavyo havijaanza ujenzi vianze haraka na Mbunge Prof Muhongo ATAPIGA HARAMBEE za ujenzi wao.

(2) S/M Nyabaengere, Kata ya Musanja. (a) Saruji Mifuko 60, (b) Mabati 108 (wakiwa tayari kuezeka)

(3) S/M (Mpya) Sombero, Kata ya Musanja. Saruji Mifuko 100 (awamu 2)

(4) Murangi Sekondari. Saruji Mifuko 100 (awamu 2). Vyumba Vipya vya Madarasa 2 vikalike na kuanza kutumika ifikapo tarehe 01.02.2019.

WANAFUNZI WA DARASA LA 7 JIMBONI WANAFAULU LAKINI WANACHAGULIWA WACHACHE KUENDELEA NA MASOMO YA SEKONDARI KUTOKANA NA UPUNGUFU MKUBWA WA VYUMBA VYA MADARASA KWENYE SEKONDARI ZA KATA

Posted on January 8, 2019January 8, 2019

Baadhi ya Matukio ya ziara ya tarehe 06.01.2019 ya Mbunge Prof Muhongo Kata za Bwasi na Bukima

Kwenye Vikao kati ya Wanavijiji/Wazazi na Mbunge wao Prof Sospeter Muhongo, TATIZO LA UKOSEFU/UPUNGUFU wa Vyumba vya Madarasa kwenye Sekondari za Kata LIMEPATIWA SULUHISHO – UJENZI WA VYUMBA VIPYA.

Ziara ya Jumapili (06.01.2019) kwenye Kata za Bwasi na Bukima IMEWEKA MSUKUMO MKUBWA WA KUHAKIKISHA Wanafunzi Waliofaulu Mitihani ya Darasa la VII Mwaka Jana (2018), WANACHAGULIWA WOTE KUENDELEA NA MASOMO YA SEKONDARI IFIKAPO tarehe 30 Januari 2019.

Mfano: S/M Bukima A – Waliofaulu ni 41, Waliochaguliwa ni 11 (26.8% ya Waliofaulu). Wanafunzi 30 (73.2% ya Waliofaulu) wamebaki nyumbani wakisubiri nafasi kupatikana kwenye Sekondari ya Bukima ni 30!

UTATUAJI WA TATIZO LA UPUNGUFU/UKOSEFU WA VYUMBA VYA MADARASA KWENYE SEKONDARI ZA KATA –

(1) Jumla ya Sekondari za /Kata/Serikali (Jan 2019) ni: 19 ikiwemo Sekondari Mpya ya Bulinga – Kila Sekondari ya Kata inajenga Vyumba vya Madarasa 2 (au zaidi) ambavyo vinatarajiwa kukamilika tarehe 15 Jan 2019 au tarehe 30 Jan 2019. Sekondari ya Bukima inaweza kukamilisha Vyumba 3.

(2) Sekondari Mpya zinajengwa kwa kasi kubwa ili zianze kutumika Mwaka huu (2019), ambazo ni 2: Sekondari za Busambara (Kata ya Busambara na Bugoji (Kata ya Bugoji, imependekezwa iitwe, “Dan Mapigano Memorial Secondary School”)

UPUNGUFU/UKOSEFU WA VYUMBA VYA MADARASA KWENYE SHULE ZA MSINGI –

Tatizo la Wanafunzi kusomea CHINI ya MITI (zaidi ya 13,000) na Msongamano Madarasani (50-200) wa Wanafunzi wa Shule za Msingi nalo LINATATULIWA KWA KUJENGA VYUMBA VIPYA vya Madarasa kwenye Shule za Msingi za Jimboni (112, ikiwemo 1 ya Binafsi)

Mfano: Kijiji cha Bugunda – S/M Bulinga A&B: Wanafunzi wanaosomea CHINI YA MITI ni 615!

Hata S/M Bwasi iliyoanzishwa Mwaka 1952 bado inapungufu mkubwa wa Vyumba vya Madarasa!

MICHANGO YA UJENZI WA VYUMBA VIPYA VYA MADARASA KWENYE SHULE ZA MSINGI na SEKONDARI

Wanavijiji kwenye Vijiji vingi (jumla 68) WAMEAMUA KUJITOLEA kwenye ujenzi huu. Vipo vijiji vichache sana ambavyo MWITIKIO ni HAFIFU!

Wanavijiji wa Kata za Bwasi na Bukima wameendelea kuchangia fedha na kusomba mawe, kokoto, mchanga na maji kwenye ujenzi huu.

Mbunge Prof Muhongo ameendelea na HARAMBEE kwa ajili ya ujenzi huu na tarehe (06.01.2019) alichangia kama ifuatavyo:

(i) S/M Bwasi – wanavijiji hawajahamasika kutoa michango. Wanajipanga na watamwita Mbunge apige Harambee.

(ii) S/M Kome, Kata ya Bwasi: Mabati 72

(iii) Nyanja Sec School, Kata ya Bwasi: vifaa vya ujenzi vya Maabara – ujenzi ukianza na kuvibainisha.

(iv) Bukima Sec School, Kata ya Bukima: Saruji Mifuko 50.

(v) S/M Mkapa, Kijiji cha Kastamu, Kata ya Bukima: Saruji Mifuko 100 (awamu 2) wakianza ujenzi wiki ijayo.

WANANCHI WA JIMBO LA MUSOMA VIJIJINI WAMEAMUA KUSHIRIKIANA NA SERIKALI KUBORESHA MIUNDOMBINU YA ELIMU JIMBONI MWAO

Posted on January 8, 2019January 8, 2019

Mbunge Prof Muhongo akizungumza na WANAVIJIJI wa Kata za Nyamurandirira na Nyakatende

UKAGUZI na HARAMBEE za Ujenzi na Uboreshaji wa MIUNDOMBINU ya ELIMU Jimboni – Mbunge wa Jimbo Prof Sospeter Muhongo AMEENDELEA KUSISITIZA UMUHIMU wa Upatikanaji wa kutosha na unaokubalika wa Vyumba vya Madarasa kwenye Shule za Msingi na Sekondari.

Msisitizo huo aliendelea kuutoa wakati wa ziara zake kwenye Kata za Nyamurandirira na Nyakatende.

Kuna TOFAUTI KUBWA SANA za MWITIKIO na USHIRIKI wa Kata na Vijiji vyake kwenye masuala ya MAENDELEO. Mifano ni hiyo hapo chini:

(1) Vyumba vya Madarasa kwenye Shule za Msingi vina wanafunzi kati ya 50 na 150 au zaidi kwenye chumba kimoja. Hii ni hali halisi kwenye kila Kata (tunazo Kata 21, Vijiji 68).

(2) Bado wapo Wanafunzi (zaidi ya 13,000) ndani ya Jimbo letu wanaosemea chini ya miti.

(3) Shule nyingi za Msingi zina upungufu mkubwa wa Vyumba vya Madarasa, kwa hiyo kuna Madarasa yanasoma kwa zamu (shift), asubuhi/mchana.

(4) Kata ya Nyamurandirira yenye Vijiji 5 (Mikuyu, Seka, Chumwi, Kasoma na Rwanga) inayo Sekondari 1 (Kasoma) ambayo ni ya Serikali. Sekondari ya Kasoma yenye Kidato cha I hadi VI ilianza kama Middle School Mwaka 1956. Kwa hiyo Vijiji vyote 5 vya Kata ya Nyamurandirira vinategemea Sekondari moja ya Serikali.

Matokeo yake, kwa Mwaka huu (Jan 2019):

(a) S/M Mikuyu: Wanafunzi 1 tu amechaguliwa kwenda Form I Kasoma Sekondari.

(b) S/M Nyamurandirira: wanafunzi 3 tu ndio wamechaguliwa kwenda Kasoma Sekondari

Wanafunzi 19 kati ya 33 Waliofaulu ndio wamechaguliwa kwenda Kasoma Sekondari.

SULUHISHO:

Mbunge Prof Muhongo ameshauri: (a) Vijiji vya Seka, Chumwi na Rwanga VIJENGE Sekondari zao KUPUNGUZA msongamano kwenye Sekondari ya Kasoma.

(b) Wananchi waendelee kujenga kwa kasi kubwa Vyumba Vipya vya Madarasa kwenye Shule za Msingi na Sekondari.

(c) Mbunge wa Jimbo Prof Muhongo AMEPIGA HARAMBEE ya Ujenzi wa Vyumba Vipya vya Madarasa kwenye Maboma yanayokusudiwa kukamilika kabla ya tarehe 30 Januari 2019.

(d) HARAMBEE na MICHANGO YA UJENZI

Wanavijiji wanaendelea kusomba mawe, kokoto, mchanga na maji. Vilele wanachangia fedha za ununuzi wa vifaa vya ujenzi.

Mbunge wa Jimbo Prof Muhongo ameendelea kupiga HARAMBEE na yeye mwenyewe kuchangia kama ifuatavyo:

(i) S/M Mikuyu, Kata ya Nyamurandirira Mabati 87

(ii) S/M Rwanga, Kata ya Nyamundarira, Saruji Mifuko 100

(iii) S/M Kigera, Kata ya Nyakatende, Mabati 90

(iv) Zahanati ya Kijiji cha Kakisheri, Kata ya Nyakatende, Saruji Mifuko 100

Vifaa hivyo vya ujenzi kutoka kwa Mbunge VITANUNULIWA SIKU ambayo Wanavijiji watakuwa wako tayari (vifaa vingine vikiwepo) kukamilisha ujenzi wao kwa hatua iliyopangwa.

MBUNGE WA MUSOMA VIJIJINI AENDELEA KUSHIRIKIANA NA WANAVIJIJI JIMBONI KUJENGA NA KUBORESHA MIUNDOMBINU YA ELIMU

Posted on January 5, 2019January 5, 2019

Prof Sospeter Muhongo AMETIMIZA AHADI YAKE YA KUCHANGIA MABATI BANDO 8, yaani Mabati 112 ya kuezekea Vyumba vya Madarasa 2 katika SEKONDARI MPYA YA KATA YA BUSAMBARA

Matokeo ya Mitihani ya Shule za Msingi na Sekondari kwenye Jimbo la Musoma Vijijini HAYARIDHISHI KABISA – ni tatizo la miaka takribani 10 iliyopita.

Matatizo ya ufaulu mbaya yanajulikana. Moja kati ya hayo ni MAZINGIRA YA KUFUNDISHIA NA KUJIFUNZIA YASIYOKUWA MAZURI kwa Walimu na Wanafunzi, hasa UKOSEFU au UPUNGUFU wa VYUMBA vya MADARASA.

Mbunge wa Jimbo Prof Sospeter Muhongo ANAENDELEA KUSHIRIKIANA na WANAVIJIJI kutatua tatizo la upungufu/ukosefu wa Vyumba vya Madarasa kwenye Shule za Msingi (112, moja ikiwa ya Binafsi) na Sekondari 20 (2 zikiwa za Binafsi).

Januari 2019, Sekondari Mpya ya Bulinga itafunguliwa.

Kata ya Busambara yenye Vijiji 3 (Mwiringo, Kwikuba na Maneke), WIKI IJAYO, ITAANZA KUEZEKA VYUMBA VYA MADARASA 4 ya SEKONDARI MPYA YA KATA HIYO. Kusudio muhimu ni Sekondari hiyo kuanza Masomo ya Form I ifikapo tarehe 01 Februari 2019. Hii itakuwa Sekondari ya 21 ndani ya Jimbo la Musoma Vijijini (19 za Serikali/Kata na 2 Binafsi).

Mtendaji wa Kata ya Busambara, Bi Sabine Peter Chacha amesema kwamba WANAFUNZI 98 wa Kata ya Busambara WAMEFAULU KUENDELEA na Masomo ya Sekondari lakini WATABAKI NYUMBANI hadi hapo nafasi kwenye Vyumba vya Madarasa itakapopatikana kwenye Sekondari za jirani (zimejaa) au kwenye hiyo ya Kata inayojengwa Kijijini Kwikuba.

Ndugu Kubega, Mwenyekiti wa Kijiji cha Kwikuba amesema kwamba dhamira ya Wanavijiji wa Kata ya Busambara ni kujenga na kukamilisha baadhi ya majengo muhimu ya awali ili watoto wao 98 waanze Form I ifikapo tarehe 01 Februari 2019.

Leo, Ijumaa tarehe 04.01.2019, Mbunge wa Jimbo Prof Sospeter Muhongo AMETIMIZA AHADI YAKE YA KUCHANGIA MABATI BANDO 8, yaani Mabati 112 ya kuezekea Vyumba vya Madarasa 2.

Wanavijiji nao wamenununua Mabati Bando 8 kuezekea Vyumba vya Madarasa 2. Kwa hiyo ndani ya Wiki 2 zijazo, Vyumba vya Madarasa 4 vya Sekondari ya Busambara vitakuwa vimeezekwa.

Wanavijiji wa Kata ya Busambara WANAENDELEA KUOMBA WADAU WA MAENDELEO wachangie angalau Mabati 54 ya kuezeka Ofisi 1ya Walimu. Wao wanaendelea kuchangia ujenzi wa Sekondari yao ya Kata.

KIJIJI CHA BUIRA CHAONYESHA NJIA, CHAJENGA MAKTABA KWENYE SHULE YAKE YA MSINGI

Posted on January 3, 2019January 3, 2019

Maboma ya S/M Buira, Kata ya Bukumi, ikiwemo Maktaba yatakayoezekwa kuanzia Jumatatu, 07.01.2019.

Wananchi na Viongozi wa Kijiji cha Buira, Kata ya Bukumi wamejenga MAKTABA kwenye S/M Buira. Uezekaji wake utafanyika wiki ijayo.

Leo, Jumatano, tarehe 02.01.2019 Kijiji cha Buira KIMEPOKEA MREJESHO WA 20% ya Makusanyo yake kutoka kwenye Mwalo wa Buira. Hizi ni takribani Sh Milioni 6. PONGEZI ZA DHATI ZINATOLEWA KWA MKURUGENZI WA HALMASHAURI, Ndugu John Kayombo na Halmashauri yote kwa kuwezesha fedha hizo kupatikana na kurudishwa Kijijini Buira (kupitia Benki).

Sehemu ya fedha hizo imenunua Mabati 57, Saruji Mifuko 20, Mbao na Misumari kwa ajili ya KUEZEKEA: (a) Vyumba vya Madarasa 2, (b) Ofisi ya Walimu,1 na (c) Maktaba 1.

Mbunge wa Jimbo Prof Sospeter Muhongo AMETIMIZA AHADI YAKE leo (02.01.2019) kwa kununua MABATI 54 kwa ajili ya ujenzi huo kwenye S/M Buira.

Vilevile Mbunge Prof Muhongo AMEHAIDI KUIGAWIA VITABU Maktaba Mpya hiyo kutoka kwenye Kontena la Vitabu kutoka USA ambavyo bado hajaanza kuvigawa Jimboni. Shule zote za Msingi na Sekondari ndani ya Jimbo la Musoma Vijijini zimeishagawiwa mara tatu VITABU kutoka USA na UK.

Wananchi na Viongozi kwenye Vijiji vyote 68 WAMEAMUA kutatua TATIZO SUGU la UPUNGUFU wa Vyumba vya Madarasa kwenye Shule za Msingi 112 (ikiwemo 1 ya binafsi) na Sekondari 20 (zikiwemo 2 za binafsi).

JIMBO LA MUSOMA VIJIJINI – HATUTAKI BAADHI YA WANAFUNZI WAENDELEE KUSOMEA CHINI YA MITI au WABANANE MADARASANI – TUTAFANIKIWA, TUJITUME KWA VITENDO!

WANAVIJIJI WA KATA YA KIRIBA – WASEMA – “HAKUNA MTOTO ALIYECHAGULIWA KWENDA FORM I ATAKAYEBAKI NYUMBANI KWA SABABU YA UKOSEFU WA VYUMBA VYA MADARASA KWENYE SEKONDARI YAO YA KATA.”

Posted on January 3, 2019January 3, 2019

Baadhi ya Matukio ya tarehe 31.12.2018 Kijijini Bwai Kwitururu nyumbani kwa Familia ya Prof Muhongo.

Wanafunzi 236 wa Kata ya Kiriba yenye Vijiji 3 wamefaulu na kuchaguliwa kujiunga na Masomo ya Sekondari.

Kutokana na UPUNGUFU MKUBWA wa Vyumba vya Madarasa ni WANAFUNZI 50 tu, watajiunga (07.01.2019) na Masomo ya Sekondari kwenye Sekondari ya Kata ya Kiriba (Kiriba Secondary School).

Wanafunzi 186 WATABAKI NYUMBANI wakisubiri upatikanaji wa Vyumba vya Madarasa kwenye Sekondari ya Kata yao.

UAMUZI WA WANANCHI na VIONGOZI WAO

Tarehe 31.12.2018, wakati wa CHAKULA CHA KUAGA Mwaka (2018) na KUKARIBISHA Mwaka Mpya (2019), Wananchi walitumia fursa hiyo kujadiliana na Mbunge wao Prof Muhongo namna ya KUTATUA TATIZO HILO SUGU LA UKOSEFU WA VYUMBA VYA MADARASA.

Chakula hicho kilitayarishwa na Familia ya Prof Muhongo ya Kijijini Bwai Kwitururu, Kata ya Kiriba.

Tarehe 01.01.2019, UONGOZI WA KATA uliweka RATIBA YA KAZI YA UJENZI WA VYUMBA 4 VYA MADARASA MAPYA yanayohitajika na kazi ya ujenzi inaanza Jumatatu, tarehe 07.01.2019 na kukamilika tarehe 30.01.2019. Ujenzi ukiaanza KWA UAMUZI na MATAKWA ya WANAVIJIJI wa KATA YA KIRIBA, Mbunge wao wa Jimbo Prof Sospeter Muhongo ataenda kwenye eneo la ujenzi KUPIGA HARAMBEE.

Vilevile Wananchi wamesisitiziwa umuhimu wa kuendelea kuboresha Miundombinu ya Elimu kwenye Shule zao za Msingi na hiyo Sekondari ya Kata.

MWAKA HUU MPYA (2019) NI MWAKA WA VITENDO – KINACHOHITAJIKA NI UTEKELEZAJI WA MIRADI KWA VITENDO.

SHEREHE ZA KRISMASI ZA JIMBO LA MUSOMA VIJIJINI ZIMEFANYIKA KWENYE KANISA LA KATOLIKI KIJIJINI BUKUMI

Posted on December 26, 2018December 26, 2018

Sherehe za Krismasi Parokiani Bukima (Miradi ya Ujenzi) na kwenye Kigango cha Bukumi

Leo, Jumanne, tarehe 25.12.2018 Mbunge wa Jimbo Prof Sospeter Muhongo kwa kushirikiana na Paroko Emmanuel Sylvester Haule wa Kanisa Katoliki Parokia ya Bukima WAMEKARIBISHA WANANCHI kwenye Chakula cha Mchana cha Krismasi (Christmas Lunch) kwenye Kigango cha Bukumi.

Mbunge alipata fursa ya kutembelea MIRADI YA KANISA Parokiani Bukima na amevutiwa sana na MRADI wa UJENZI MAABARA YA AFYA. Kanisa linajenga Maabara ambayo itarahisisha matibabu (vipimo vya sampuli za damu, n.k.) kwenye Zahanati za Kata za Bukima, Bukumi, Bulinga, Makojo na Rusoli. Mbunge amehaidi kuchangia ujenzi huo ifikapo Februari 2019, na amependekeza kwamba Maabara hiyo ianze kutumiwa kabla ya Juni 2019.

Mahubiri ya Paroko Haule yamekazia umuhimu wa: (a) unyenyekevu, (b) upendo, (c) ufanyaji wa kazi kwa bidii, na kuwasihi waumini na wananchi kwa ujumla kuanza Mwaka Mpya wakiwa “watu wapya” wenye unyenyekevu, upendo, na wakiwa wachapa kazi.

Baada ya Ibada, Wanakijiji, Viongozi wa Serikali na Vyama vya Siasa, na Waalikwa kutoka Madhehebu mengine (wakiwemo Waislamu) walikaribishwa kwenye chakula cha mchana ikiwa ndicho kilele cha Sherehe za Krismasi za Mwaka huu (2018) ndani ya Jimbo la Musoma Vijijini.

KATA ZASHINDANA KUJENGA MIUNDOMBINU YA ELIMU NA AFYA NDANI YA JIMBO LA MUSOMA VIJIJINI

Posted on December 26, 2018December 26, 2018

Boma la Zahanati ya Kijiji cha Kurwaki, Kata ya Mugango litakaloezekwa na kukamilika Machi 2019

Kwenye ziara za Ukaguzi wa Ujenzi na Uboreshaji wa Miundombinu ya Elimu na Afya, Mbunge wa Jimbo, Prof Sospeter Muhongo, ameshuhudia USHINDANI MKUBWA kati ya KATA 21 za Jimbo la Musoma Vijijini.

Leo Jumatatu, 24.12.2018 Mbunge alitembelea Kata 2 za Mugango na Nyegina na Vijiji vyake vyote.

(1) KATA YA MUGANGO

(a) Kijiji cha Kurwaki kimekamilisha Ujenzi wa Boma la Zahanati ya Kijiji chao.

Wananchi wa Kijiji cha Kurwaki WAMEDHAMIRIWA kukamilisha Uezekaji wa Jengo la Zahanati yao ifikapo tarehe 30 Machi 2019. Wanaendelea kuchangia ujenzi wa Zahanati yao. Kwenye Harambee ya leo (24.12.2018) WANANCHI wamechangia mbao, misumari na vifaa vingine vya kuezekea Jengo lao. Diwani wao, Mhe Charles Magoma amechangia BANDO 5 za MABATI. Mbunge wao, Prof Sospeter Muhongo amechangia BANDO 12 za MABATI. Kijiji cha Kurwaki kinajenga kwa kasi kubwa Zahanati yao.

(2) KATA YA NYEGINA

(a) Kijiji cha Mkiririra kilichoanza ujenzi wa Zahanati yake wakati mmoja na Kijiji cha Kurwaki, KINAENDA KWA KASI NDOGO kwa sababu ya matatizo ya Uongozi wa Mradi wa Ujenzi wa Zahanati yao. Imeamuliwa kwamba tarehe 28.12.2018 KIKAO CHA WANAKIJIJI kitakaa kutatua matatizo ya Uongozi wa Mradi wao wa Zahanati. Mbunge Prof Muhongo alishachangia SARUJI MIFUKO 200 kwenye Ujenzi wa Zahanati ya Kijiji cha Mkirira. WAZALIWA wa Kijiji cha Mkiririra na WADAU wengine alishachangia kokoto na saruji kwenye Mradi huu.

(b) Kijiji cha Kurukerege, Kata ya Nyegina kimeamua kuanza kujenga Zahanati ya Kijiji chao na kuikamilisha ifikapo Juni 2019.

Wananchi wameanza kukusanya vifaa vya ujenzi na watakapoanza Ujenzi wa Msingi wa Boma la Zahanati watamkaribisha Mbunge wao, Prof Muhongo, kupiga HARAMBEE YA UJENZI wa Zahanati ya Kijiji chao cha Kurukerege.

PROF MUHONGO AOMBA JINA LAKE LIACHWE NA BADALA YAKE LICHUKULIWE JINA LA MAREHEMU JAJI DAN MAPIGANO

Posted on December 24, 2018December 24, 2018

HARAMBEE (akiwemo mbuzi) ya ujenzi wa Sekondari ya Kata ya Bugoji itakayopewa jina la Marehemu Jaji Dan Mapigano.

Jimbo la Musoma lenye Kata 21, lina Kata 3 ambazo hazina Shule za Sekondari, ikiwemo Kata ya Bugoji. Nyingine zisizokuwa na Shule za Sekondari ni Kata za Ifulifu na Busambara.

Kata za Busambara na Bugoji zimeanza kujenga kwa kasi kubwa Sekondari zao za Kata ambazo zitafunguliwa mwakani (2019).

Leo, Jumamosi, tarehe 22.12.2018 Mbunge wa Jimbo Prof Sospeter Muhongo ameendelea na ziara zake za KUKAGUA na KUPIGA HARAMBEE za Ujenzi na Uboreshaji wa Miundombinu ya Elimu na Afya kwenye Kata za Bugoji (Vijiji 3 – Karenderema, Kaburabura na Bugoji) na Nyambono (Vijiji 2 – Saragana na Nyambono)

Wananchi wa Kata ya Bugoji wameanza ujezi wa Sekondari ya Kata yao. Ujenzi unaenda kwa kasi kubwa sana kwa kusudio la Sekondari hiyo kufunguliwa na kuanzia kutumika ifikapo April 2019.

HARAMBEE ya ujenzi wa Sekondari ya Kata hiyo imekuwa ya mafanikio makubwa. Wakazi wa Vijiji 3 vya Kata hiyo WAMEKUBALIANA KUCHANGA Tsh 17,500 kutoka kila KAYA. Wanajitolea kusomba mawe, kokoto, mchanga na maji.

WAZALIWA na WAKAZI wa Kata ya Bugoji WAISHIO NJE ya KATA wameanza KUCHANGA KWA KASI nzuri, MICHANGO ikianzia Saruji Mifuko 50 hadi 5, na fedha kati ya Sh 500,000 (laki 5) na 50,000 (elfu 50). Baadhi ya Wachangiaji hao ni (11) – Ndugu G Nyamohanga, S Evarist, M Kaitira, K Zakayo, A Mfungo, C Mwesa, M Kaitira, M Burenga, Songorwa na M Kassim.

Mbunge Prof Muhongo amechangia SARUJI MIFUKO 100 kwenye hatua hiyo ya ujenzi.

JINA LA SEKONDARI YA KATA YA BUGOJI

Wananchi wa Kata ya Bugoji, kupitia VIKAO VYAO vinavyotambuliwa kisheria, WALIPENDEKEZA Sekondari hiyo iitwe Jina la Mbunge wa Jimbo – Prof Muhongo Secondary School – sababu kubwa ikiwa ni mchango mkubwa wa maendeleo (Elimu, Afya, Kilimo, n.k.) ambao Mbunge Prof Muhongo anautoa ndani ya Jimbo la Musoma Vijijini.

Prof Sospeter Muhongo kwa HESHIMA na UNYENYEKEVU MKUBWA alipokea OMBI HILO na yeye AKAWASHAURI na KUWAOMBA waache jina lake na kuchukua Jina la Marehemu Jaji Dan Mapigano.

Prof Muhongo kwenye ushawishi wake aliwakumbusha kwamba Marehemu Jaji Dan Mapigani alizaliwa Kijijini Bugoji, alikuwa Msomi wa Kwanza kuwa Jaji wa Mahakama Kuu ya Tanzania wa kutoka Jimbo la Musoma Vijijini. Vilevile aliwakumbusha utendaji kazi wake (hukumu zake) uliokuwa wa kiwango cha juu ambao bado UNAHESHIMIKA hadi leo hii.

Wananchi wa Kata ya Bugoji WAMELIKUBALI PENDEKEZO la Prof Muhongo, kwa hiyo Sekondari ya Kata ya Bugoji itapewa jina la Marehemu Jaji Dan Mapigano. Utaratibu utafuatwa.

Mbunge wa Jimbo alitembelea na kukagua Kituo cha Afya cha Nyambono kinachojengwa kwa Mchango Mkubwa kutoka kwa WAZALIWA wa Kijiji cha Nyambono. Mbali ya Mchango wake (Mbunge) wa awali wa SARUJI MIFUKO 100, leo amechangia NONDO 18 ili ufungaji wa renta ukamilike ndani ya siku 10.

Vilevile Mbunge aliongea na kusikiliza kero za Wakazi wa Kijiji cha Saragana.

Mvua zilizokuwa zinanyeesha kwa nguvu sana na kwa muda mrefu zilimzuia Mbunge kufika kwenye Shule za Msingi Kanderema, Bugoji na Kamatondo. Atazitembelea Februari 2019

WANAFUNZI WAWILI TU WA KUTOKA KITONGOJI CHA BURAGA MWALONI NDIO WAMECHAGULIWA KUENDELEA NA MASOMO YA SEKONDARI – WAZAZI WACHARUKA NA KUAMUA KUJENGA SHULE YAO YA MSINGI

Posted on December 24, 2018December 24, 2018

Wananchi wa Kitongoji cha Buraga Mwaloni wakiwa na Mbunge wao Prof Muhongo kwenye eneo la Ujenzi wa Shule Mpya ya Msingi, Buraga Mwaloni.

Wanafunzi wa Kitongoji cha Buraga Mwaloni wanalazimika kutembea umbali wa kilomita kati ya 3 na 5, wakipita porini, kwenda masomoni kwenye S/M Buraga.

Kitongoji hicho chenye wavuvi wengi kina KAYA zaidi ya 100. Kwa sasa Darasa la Chekechea (Utayari) la Kitongoji hicho linasomea chini ya mti. Mwaka huu (2018) WANAFUNZI 2 tu ndio WAMEFAULU kuendelea na masomo ya Sekondari.

Matokeo hayo mabaya na umbali mkubwa wanaotembea watoto wa Kitongoji hicho kwenda masomoni, ni sababu nzito zilizowalamisha WAKAZI wa Kitongoji hicho KUAMUA kuanza ujenzi wa Shule yao ya Msingi ambayo wamekusudia ikamilike ifikapo Julai 2019.

Wananchi wanachanga fedha, wanasomba mawe, kokoto, mchanga na maji kwa ajili ya ujenzi huo. Mbunge wa Jimbo Prof Sospeter Muhongo ametembelea Kitongoji hicho na kufika kwenye eneo la ujenzi, ameongea na wananchi na hatimae amechangia SARUJI MIFUKO 100 kwa hatua hiyo ya ujenzi. HARAMBEE kubwa itapigwa mwakani.

Mbunge wa Jimbo, Prof Sospeter Muhongo ameendelea na ziara zake za KUKAGUA na KUPIGA HARAMBEE za KUCHANGIA Ujenzi na Uboreshaji wa Miundombinu ya Elimu na Afya ndani ya Jimbo la Musoma Vijijini. Ameendelea kuongea na wanavijiji na kutatua kero zao.

Ukaguzi na Harambee za leo (21.12.2018) imefanyika kwenye Kata 2: Bukumi na Rusoli. Prof Muhongo ametembelea MIRADI kwenye Kata 2 hizo na kuchangia MABATI na SARUJI.

(1) KATA YA BUKUMI

*Kijiji cha Bukumi

(a) Ujenzi wa Zahanati ya Burungu

*Kijiji cha Busekera

(a) Ujenzi wa Maabara, Sekondari ya Mtiro

(b) Vyumba vya Madarasa, S/M Busekera

*Kijiji cha Buira

(a) Vyumba vya Madarasa, S/M Buira

*Kijiji cha Buraga

(a) Vyumba vya Madarasa, S/M Buraga

(b) Ujenzi (mpya) S/M Buraga Mwaloni

(2) KATA YA RUSOLI

*Kijiji cha Kwikerege

(a) Kuzungumza na Wananchi

*Kijiji cha Rusoli

(b) Vyumba vya Madarasa, S/M Rusoli

*Kijiji cha Buanga

(a) Ujenzi (mpya) S/M ya Buanga

UBORESHAJI WA KILIMO CHA ZAO LA MIHOGO NDANI YA JIMBO LA MUSOMA VIJIJINI

Posted on December 18, 2018December 18, 2018

KIKAO CHA WATAALAMU WA KILIMO NA WAKULIMA STADI (WAWAKILISHI WA WAKULIMA VIJIJINI), MADIWANI NA MBUNGE WA JIMBO

Washiriki wa Kikao cha, “Kilimo cha Kisasa cha Mihogo ndani ya Jimbo la Musoma Vijijini.

Leo Jumatatu, tarehe 17.12.2018 KIKAO cha MATAYARISHO ya Kilimo cha KISASA cha MIHOGO ndani ya Jimbo la Musoma Vijijini kimefanyika Kijijini Maneke chini ya Uenyekiti wa Mbunge wa Jimbo Prof Dr Sospeter Muhongo

YALIYOKUBALIWA:

(1) Matayarisho haya ni ya Kilimo cha kuanzia Msimu wa Masika, Machi- Mai 2019

(2) Kilimo cha Zao la Mihogo ndani ya Jimbo (Kata 21, Vijiji 68, Vitongoji 374) liendeshwe kwa Muongozo wa Sheria Ndogo kama ilivyo kwenye Kilimo cha Pamba.

(3) Zao la Mihogo liwe zao la CHAKULA na BIASHARA kwa Jimbo la Musoma Vijijini

AGIZO:

Wataalamu wa Kilimo watawasilisha Andiko hilo kwa Baraza la Madiwani kabla ya tarehe 31.12.2018

Takwimu zinazoonyesha MAHITAJI ya WINGI wa MBEGU ziwakilishwe na Wataalamu kabla ya tarehe 30.01.2019

(4) Mbegu ya MKOMBOZI ndiyo imependekezwa na Wataalamu wa Kilimo kuwa CHAGUO la wakati huu wa MBEGU BORA Jimboni.

(5) ANDIKO LA KUELEKEZA WAKULIMA WA MIHOGO Jimboni litatolewa na Wataalamu wa Kilimo ifikapo tarehe 24.12.2018. Andiko litakuwa la Ukurasa mmoja – aina ya mbegu na upatikanaji wake, mbolea, madawa, upandaji & uvunaji, n.k.

(6) Halmashauri ITUNGE SHERIA ndogo zinazowalinda Wakulima na Wafugaji. Sheria Ndogo za kulinda Mazingira.. miti itakayopandwa nayo ilindwe na Sheria Ndogo za Halmashauri.

(7) ZANA ZA KILIMO

(a) Fursa za Mikopo ya MATREKETA IPO kwa Vyama vya Msingi vya Ushirika (AMCOS), Vikundi na Watu Binafsi. Halmashauri INASUBIRI KUWASAIDIA WAOMBAJI

(b) PLAU – Ofisi ya Mbunge INASUBIRI KUPOKEA orodha ya Vikundi vya Kilimo VINAVYOOMBA PLAU. Wenye MIFUGO ya kutumiwa kwenye Kilimo cha kutumia PLAU wawemo kwenye Vikundi hivyo.

MIUNDOMBINU YA ELIMU – UPUNGUFU WA VYUMBA VYA MADARASA NDANI YA JIMBO LA MUSOMA VIJIJINI

Posted on December 18, 2018December 18, 2018

Wananchi na Viongozi waliohudhuria HARAMBEE ya KUPAUA Maboma 3 ya Sekondari ya Busambara

TUJIKUMBUSHE:

(a) Jumla ya Shule za Sekondari (Jan 2019): 20 (18 Serikali, 2 Binafsi)

* Chumba kimoja cha Darasa KINAPASWA kutumiwa na Wanafunzi 40

(b) Jumla ya Shule za Msingi (Jan 2019): 112 (111 Serikali, 1 Binafsi)

*Chumba kimoja cha Darasa KINAPASWA kutumiwa na Wanafunzi 45.

MATOKEO YA MITIHANI YA STD VII MWAKA HUU (2018)

(a) Wanafunzi Waliofaulu: 3,117

(b) Wanafunzi Waliochaguliwa: 1,649 (52.90%)

USHAURI/OMBI

(a) TUKIJENGA VYUMBA VINGI ZAIDI kwenye Sekondari zetu, Wanafunzi Waliokosa Nafasi (1,468) WATAPATA NAFASI ZA KUJIUNGA na Form I mwakani (Jan 2019)

(b)Wanafunzi wa Shule za Msingi 13,570 WANASOMEA CHINI YA MITI

WANANCHI WAMEAMUA TUTATUA TATIZO SUGU LA UKOSEFU/UPUNGUFU WA VYUMBA VYA MADARASA

(a) Wanavijiji WAMEKUBALI KUCHANGA Shilingi 15,000 kutoka kila KAYA.

(b) Wanavijiji WAMEKUBALI KUCHANGIA NGUVU ZAO kwa kusomba mawe, kokoto, mchanga na maji ya ujenzi.

Jumamosi, tarehe 15.12.2018 Mbunge wa Jimbo Prof Sospeter Muhongo AMETEMBELEA na KUKAGUA UJENZI WA VYUMBA VYA MADARASA VYA KATA 2 za KIRIBA na BUSAMBARA kama alivyofanya jana (14.12.2018 kwenye Kata za Makojo na Bulinga).

* Sekondari Mpya ya Bulinga itafungiliwa Januari 2019.

HARAMBEE (15.12.2018)

Lengo ni kupiga Harambee ili Shule ya Sekondari Busambara ikamilike na kufunguliwa January 2019.

Wananchi wamejenga na KUKAMILISHA VYUMBA vya MADARASA SITA (6) na OFISI YA WALIMU MOJA (1).

HARAMBEE ya Leo, 15.12.2018 IMEFANIKISHA kupatikana MABATI YA KUEZEKA BOMA MOJA lenye Vyumba vya Madarasa 2.

(a) Mabati ya kuezeka BOMA 1: 216

(b) Bei ya BATI 1: Shilingi 27,000

(d) Mchango wa Mbunge wa Jimbo (Harambee): Mabati 96 (bundle 8)

WANANCHI WA KIJIJI CHA CHIMATI WAMEAMUA KUPUNGUZA UHABA WA VYUMBA VYA MADARASA

Posted on November 19, 2018November 19, 2018

UJENZI wa Vyumba vya Madarasa kwa njia ya KUJITOLEA, katika Shule za Msingi Chimati A na Chimati B

Na: Verediana Mgoma, Msaidizi wa Mbunge

19.11.2018

WANANCHI wa Kijiji cha Chimati, Kata ya Makojo wameendelea KUTATUA TATIZO SUGU LA UPUNGUFU wa Vyumba vya Madarasa katika Shule za Msingi mbili (2) za Kijijini mwao, yaani S/M Chimati A na S/M Chimati B, kwa kuboresha Miundombinu ya Elimu ikiwa ni pamoja na UJENZI wa Vyumba vya Madarasa kwa njia ya KUJITOLEA.

Akitoa taarifa za UJENZI wa Vyumba vya Madarasa Shuleni hapo, Mtendaji wa Kijiji cha Chimati, Ndugu Juma Chacha alimueleza Msaidizi wa Mbunge kuwa WANANCHI wa Kijiji cha Chimati WAMEAMUA KUJITOLEA KUJENGA Vyumba vya Madarasa ili kupunguza na hatimae KUTATUA TATIZO la UPUNGUFU wa Vyumba vya Madarasa kwenye Shule zao mbili (2) za Msingi.

Ndugu Chacha ameongezea kuwa, kutokana na MPANGOKAZI wa UJENZI huo, wamekubaliana KILA KITONGOJI kujenga chumba kimoja cha Darasa ambapo mpaka sasa WAMEFANIKIWA kujenga Vyumba 4 kwa MICHANGO na NGUVU zao wakisaidiwa na WAFADHILI mbalimbali.

Nae Mwenyekiti wa Kijiji, Ndugu Masinde Ndege alimshukuru sana Mbunge wa Jimbo la Musoma Vijijini Prof. Sospeter Muhongo kwa MCHANGO wake wa SARUJI MIFUKO 60 iliyotumika kwenye UJENZI wa Vyumba Vitatu (3) vya Madarasa

MCHANGO mwingine ulitoka kwenye MFUKO wa JIMBO (fedha zake zinatunzwa na Halmashauri) uliochangia MABATI 54 yaliyotumika kuezeka Chumba kimoja cha Darasa.

Wananchi wa Kijiji cha Chimati wanaendelea kumshukuru Mbunge wao kwa KUCHANGIA MADAWATI 146 kwa Shule zote mbili (2) za Msingi.

Mwenyekiti wa Kijiji cha Chimati, Ndugu Masinde Ndege ANAWAOMBA WADAU wa MAENDELEO na WAZALIWA wa Kijiji cha Chimati waishio nje ya Kijiji hicho KUJITOLEA KUCHANGIA ujenzi huo ili ukamilike mapema.

KARIBUNI TUCHANGIE MAENDELEO YETU KWA VITENDO na kwa KUSHIRIKIANA na SERIKALI YETU

SHULE SHIKIZI EGENGE YAKAMILIKA

Posted on November 14, 2018November 14, 2018

JENGO la SHULE SHIKIZI EGENGE, Kijiji cha Busamba, Kata ya Etaro.

SERIKALI kupitia Halmashauri ya Wilaya ya Musoma INAZIDI KUBORESHA MIUNDOMBIMU YA ELIMU kwenye Jimbo la Musoma Vijijini.

Shule SHIKIZI Egenge ya Kijiji cha Busamba, Kata ya Etaro IMEKAMILIKA.

Mradi wa EQUIP umetoa fedha za ujenzi na WANANCHI wamechangia NGUVU ZAO ili kupunguza gharama za ujenzi.

MAJENGO YA SHULE SHIKIZI EGENGE ni: (i) Vyumba 2 vya Madarasa, (ii) Ofisi 1 ya Walimu, (iii) Vyoo 2 (Wanafunzi 1 & Walimu 1)

Fundi Mkuu, Ndugu Metai Makamba (kutoka Kijiji cha Lyasembe, Kata ya Murangi: Simu 0743 282 595) anakaribisha WANANCHI na Viongozi mbalimbali waende kujifunza ujenzi bora wa Miundombinu ya Shule kutoka Shule Shikizi Egenge.

BMZ WAKAMILISHA ZOEZI LA UGAWAJI WA VIFAA VYA ELIMU KWA WANAFUNZI WENYE ULEMAVU

Posted on November 11, 2018November 11, 2018

Makabidhiano ya Vifaa vya Elimu Kutoka BMZ Kwenye Kata ya Nyamurandirira na Kiriba.

Na Fedson Masawa, Msaidizi wa Mbunge

MRADI wa BMZ (The Federal Ministry of Economic Cooperation and Development) wa UJERUMANI leo tarehe 8.11.2018 umekamilisha zoezi la Ugawaji wa Vifaa vya Elimu kwa Wanafunzi wenye Ulemavu katika Kata ya Murangi, Nyamurandirira na Kiriba zote za Jimbo la Musoma Vijijini.

Awali akizungumza na WAZAZI wa WATOTO wenye ULEMAVU, Wasaidizi wa Mbunge wa Jimbo la Musoma Vijijini, wawakilishi wa WALIMU na Viongozi wa Serikali ngazi ya Kata na Vijiji, Meneja wa BMZ Mkoa wa Mara, Bi Niwaely Sandy alizitaja Kata 10 zilizo kwenye Mradi kuwa ni Nyambono, Bugwema, Bukumi, Makojo, Bwasi, Bukima, Murangi, Nyamurandirira, Suguti na Kiriba.

Ndugu Niwaely aliendelea kuulezea Mradi huu na kusema, “Vifaa tulivyovigawa ni MADAFTARI, KALAMU na BEGI za kubebea vifaa vya shule.

Vilevile Mradi wa BMZ umegawa T-shirt kwa Viongozi wa Kata na Wawakilishi wa Walimu kutoka Shule zilizo na Watoto wenye Ulemavu.

Mwenyekiti wa SHIVYAWATA Wilaya, Ndugu Yohana Magai alitoa pendekezo kwa Viongozi wa Serikali la kuwachukulia hatua Wazazi ambao hawataki kuandikisha shuleni watoto wenye ulemavu kwani kufanya hivyo ni kuwanyima haki yao ya msingi ya kupata elimu.

Vilevile Kiongozi huyo amewashauri Viongozi Wahusika wahakikishe MIUNDOMBINU ya MAJENGO ya Taasisi zote iwe rafiki kwa watu wenye ulemavu.

Naye Mtendaji wa Kata ya Kiriba, Bi Pendo Isack Mwita aliwapongeza BMZ kwa kazi nzuri wanayoifanya katika Jamii na kuahidi kupambana na wazazi wote watakaokataa kuwaandikisha shuleni watoto wenye ulemavu.

Kwa upande wake Mratibu Elimu Kata ya Nyamurandirira, Ndugu Rehema Mateko alisema atahakikisha TAARIFA za Wanafunzi wenye ULEMAVU zinahifadhiwa na kuwasilishwa kwenye Mamlaka husika kwa msaada zaidi pale itakapotokea.

Aidha, mmoja wa Wanafunzi waliogawiwa Vifaa vya Elimu kutoka BMZ, Nyawaye Magesa Kamenge anayesoma Darasa la tatu katika Shule ya Msingi Nyamiyenga, Kijiji cha Kiriba, Kata ya Kiriba alishukuru kwa msaada alioupokea na kuahidi kufanya vizuri zaidi katika masomo yake.

Ofisi ya Mbunge wa Musoma Vijijini imesema itaendelea kushirikiana na BMZ kuhakikisha MRADI wao wa KUSAIDIA na KUWAWEZESHA KI- UCHUMI WALEMAVU unafanikiwa.

TUENDELEE KUWASAIDIA NA KUWAWEZESHA KI-UCHUMI WALEMAVU JIMBONI MWETU – SHUKURANI NYINGI KWA MRADI WA BMZ

UJENZI WA VYUMBA VINNE VYA MADARASA YA SHULE SHIKIZI YA MWIKOKO WAFIKIA HATUA NZURI

Posted on November 11, 2018November 11, 2018

Moja kati ya Majengo ya Madarasa Mapya katika Shule SHIKIZI ya Mwikoko ya Kijiji cha Chitare.

Na Verediana Mgoma, Msaidizi wa Mbunge

10.11.2018

Ujenzi wa Vyumba Vinne (4) vya Madarasa na Ofisi Mbili (2) za Walimu katika Shule SHIKIZI ya Mwikoko ya Kijiji cha Chitare, Kata ya Makojo umefikia hatua nzuri ambapo Vyumba Viwili, Ofisi ya Walimu na Choo 1 vinavyojengwa kwa Mchango wa Mradi wa EQUIP (Tsh Milioni 60) vipo katika hatua ya mwisho ya ukamilishwaji. WANANCHI wanachangia NGUVU ZAO kupunguza gharama za ujenzi huu.

Kwa upande wa Vyumba Viwili (2) na Ofisi moja (1) ya Walimu vinavyojengwa kwa MICHANGO ya WANANCHI na WADAU wengine wa Maendeleo akiwemo Mbunge wa Jimbo Prof Sospeter Muhongo, vipo hatua ya ukamilishaji wa kozi mbili za mwisho.

Akizungumza na Mwandishi wa Habari hizi, Mwalimu wa Shule ya Msingi Chitare, Ndugu Charles Amon ambaye pia ni Msimamizi na Mlezi wa Shule Shikizi ya Mwikoko alisema kuwa, UMOJA wa WANANCHI wa Kijiji cha Chitare ndio umeleta mafanikio ya ukamilishaji wa shughuli hizo za ujenzi ili kuwaokoa watoto wao wanaotembea umbali mrefu kufika zilipo Shule za Chitare A na Chitare B.

Ndugu Amon aliongezea na kusema kwamba kukamilika kwa SHULE SHIKIZI hiyo kutaboresha mahudhurio ya watoto waliokuwa hawafiki shuleni kwa ajili ya umbali mrefu wa kutembea kwenda Shule za mbali.

Aidha Mtendaji wa Kijiji cha Chitare, Ndugu Alex Masija aliwapongeza WANANCHI wa Kijiji cha Chitare katika ujenzi wa shule hiyo pamoja na WADAU mbalimbali waliowaunga mkono hadi kufikia hatua hiyo.

Ili kufanikisha ujenzi wa Shule SHIKIZI ya Mwikoko, Mbunge wa Jimbo Prof Sospeter Muhongo alichangia SARUJI MIFUKO 100. Ameridhishwa na matumizi ya Mifuko 50 ya awali na atakapokagua ujenzi huo Mwezi ujao (Disemba 2018) atatoa Mifuko 50 iliyobakia.

MAENDELEO NDANI YA VIJIJI 68 VYA JIMBO LA MUSOMA VIJIJINI YATELETWA KWA VITENDO NA SIYO KWA MANENO MATUPU – TUCHANGIE KWA VITENDO MAENDELEO YA VIJIJI VYETU!

PROF MUHONGO ACHANGIA SARUJI SIKU YA MAHAFARI YA SHULE YA SEKONDARI SUGUTI

Posted on October 26, 2018October 29, 2018

Prof Sospeter Muhongo amechangia Saruji Mifuko 50 kwenye Harambee ya kuchangia ukamilishaji wa ujenzi wa Jengo la Utawala wa Shule ya Sekondari Suguti.

Na Hamisa Gamba, Msaidizi wa Mbunge

Tarehe 23.10.2018

MBUNGE wa Jimbo la Musoma Vijijini Prof Sospeter Muhongo amechangia Saruji Mifuko 50 iliyokabidhiwa na Msaidizi wake kwenye Harambee iliyoendeshwa ili kuchangia ukamilishaji wa ujenzi wa Jengo la Utawala wa Shule ya Sekondari Suguti. Haya yalifanyika tarehe 19.10.2018, siku ya Mahafari ya 10 ya Kidato cha IV shuleni hapo.

Awali, akisoma Risala kwa Mgeni Rasmi, Mkuu wa Shule ya Sekondari Suguti, Ndugu Pendo Kaponoke alitaja changamoto zinazoikabili Sekondari hiyo kuwa ni pamoja na ukosefu wa Maktaba, Maabara, Nyumba za Waalimu za kukidhi mahitaji na Jengo la Utawala.

Akitoa Hotuba kwenye Mahafali hiyo, Mgeni Rasmi, Mkuu wa Wilaya ya Musoma, aliyewakilishwa na Ndugu Raymond Romuli ambae ni Katibu Tarafa, aliwaasa Wahitimu, na Wanafunzi wote kutilia mkazo Elimu, na kufanya kwa umakini mitihani yao, na kuwa waadilifu sehemu yoyote wawapo.

Mgeni Rasmi alichangia Tsh 300,000/= ili kufanikisha ujenzi wa Jengo la Utawala huku akiwahamasisha WAZAZI na JAMII kujituma zaidi katika kushiriki na kuchangia shughuli za maendeleo.

Msaidizi wa Mbunge, akiongea kwa niaba ya Mbunge, aliwahimiza Wanafunzi wote kuzingatia sana Elimu kwa kufanya mitihani yao vizuri ili kupata matokeo mazuri. Pia aliwaomba Wazazi wajitume kwa hali na mali kushiriki katika shughuli za Maendeleo kwenye Sekta za Elimu, Afya na Kilimo.

Saruji Mifuko 50 iliyotolewa na Mbunge Prof Muhongo itatumiwa kukamilisha Jengo la Utawala wa Sekondari hii.

Kwa siku za nyuma Mbunge Prof Muhongo alishatoa misaada ya VITABU, MADAWATI, MBEGU ZA ALIZETI, SARUJI MIFUKO 50, n.k kwenye Shule ya Sekondari Suguti.

NDUGU ZANGU WA MUSOMA VIJIJINI – MATOKEO YA MITIHANI YA SHULE ZETU ZA MSINGI NI MABAYA…. naomba tujikumbushe:

(1) “Education comes from within; you get it by struggle and effort and thought.” Napoleon Hill (1883-1970).

(2) “An investment in knowledge pays the best interest.” President Benjamin Franklin (1706-1790)

KARIBUNI TUCHANGIE UBORA WA ELIMU MUSOMA VIJIJINI

WANANCHI WA KIJIJI CHA BUANGA KUKAMILISHA UJENZI WA SHULE JANUARI 2019

Posted on October 19, 2018October 19, 2018

Baadhi ya Wananchi na Viongozi wakiendelea na ufyatuaji wa matofali Kijijini Buanga.

Na Verediana Mgoma, Msaidizi wa Mbunge

Oktoba 18, 2018

Wananchi wa Kijiji cha Buanga kwa kushirikiana na Viongozi wa Serikali ya Kijiji hicho wamesema wamejipanga kuhakikisha ifikapo mwezi Januari 2019 watakuwa wamekamilisha zoezi la ujenzi wa Shule mpya ya UTAYARI inayojengwa Kijijini humo.

Hayo yalisemwa na Viongozi wa Kijiji cha Buanga kwa niaba ya Wananchi wao jana tarehe 17. 10. 2018 wakati wakiendelea na zoezi la ufyatuaji wa matofali kwenye eneo la ujenzi wa Shule ya UTAYARI Mpya Buanga.

Awali, akizungumza na Mwandishi wa Habari hizi, Mwenyekiti wa Serikali ya Kijiji cha Buanga Ndugu Kejile M. Eyembe alisema, “tunashukuru sana kwa mchango wa Mbunge wa jumla ya Saruji Mifuko 100. Tayari ametupatia Saruji Mifuko 50 leo itakamilika katika hatua ya ufyatuaji wa matofali na kesho tutakabidhiwa Saruji Mifuko 50 iliyobakia kama alivyoahidi Mbunge alipoendesha Harambee ya ujenzi huu tarehe 9.10.2018. Ujenzi wa boma utaenda kwa kasi kubwa sana.”

Kwa upande wake, Diwani wa Kata ya Rusoli Mhe Boazi M. Nyeula amezidi kumshukuru Mbunge kwa dhamira yake ya kujitolea katika kufanikisha Maendeleo Vijijini mwetu.

Mhe Diwani Boazi ameongezea kuwa ana imani na kasi ya Wananchi wa Buanga kwani muda mwingi wapo kazini na kusema, “sisi kama viongozi tutaendelea kuwashirikisha kwa karibu sana Wazawa wa Kata yetu na Kijiji chetu kufanikisha ujenzi huu kabla ya Februari 2019.”

NJOONI TUCHANGIE MAENDELEO KWA VITENDO

PROF MUHONGO ASHIRIKI HARAMBEE UJENZI WA BWENI LA WASICHANA LA SEKONDARI YA BWASI

Posted on October 8, 2018October 8, 2018

Viongozi mbalimbali walioshiriki katika Harambee ya kuchangia Ujenzi wa Bweni la Wasichana katika Shule ya Sekondari Bwasi

Na Verediana Mugoma, Msaidizi wa Mbunge

OFISI ya Mbunge wa Jimbo la Musoma Vijijini imekabidhi mchango SARUJI MIFUKO 50 ya kutoka kwa Mbunge wa Jimbo hilo Prof Sospeter Muhongo kwa ajili ya kuchangia ukarabati wa Bweni la Wasichana katika Shule ya Sekondari Bwasi iliyopo Kijijini Bwasi, Kata ya Bwasi.

Akizungumza kabla ya kukabidhi Mchango huo kwa niaba ya Mbunge, Msaidizi wa Mbunge Verediana Mgoma alisema,

“Ili kuharakisha shughuli za maendeleo Jimboni, WANANCHI VIJIJINI, WADAU WA MAENDELEO, WAZAWA wa Jimbo la Musoma Vijijini na RAFIKI ZAO hawana budi kujitolea na kushiriki kikamilifu kuchangia MAENDELEO YA VIJIJI VYETU kwa KUSHIRIKIANA na SERIKALI, Madiwani na Mbunge wa Jimbo kufikia malengo yaliyowekwa kwa wakati.”

Naye Mgeni Rasmi katika Harambee hiyo Dr. Fredy J. Gamba, amemshukuru Prof Muhongo kwa kuipa kipaumbele Sekta ya Elimu na kusema kama WANANCHI wataungana pamoja na kumuunga mkono Mbunge, Musoma Vijijini itapiga hatua nzuri ya maendeleo ya Elimu na itakuwa ya mfano wa kuigwa.

Kwa upande wake Mkuu wa Shule ya Sekondari ya Bwasi Ibrahim Chacha ametoa shukrani zake za dhati kwa WACHANGIAJI WOTE walioshiriki katika kufanikisha HARAMBEE hiyo na kuahidi kuitumia SARUJI iliyotoka kwa Mbunge ndani ya kipindi kifupi kama ulivyo utaratibu wa matumizi ya vifaa vinavyotoka kwa Mbunge wa Jimbo.

Sekondari ya Bwasi imeishapokea VITABU VYA MASOMO YA SEKONDARI kutoka kwa Mbunge Prof Muhongo. Vitabu hivyo vinatoka USA na UK. January 2019, Mbunge amepanga kugawa vitabu kwa mara ya nne (4) kwa Shule zote za Sekondari na Msingi za Jimboni.

JIMBO LA MUSOMA VIJIJINI – QUALITY EDUCATION AT ALL LEVELS

VIKUNDI VYA BUSTANI KUTOA FURSA ZAIDI ZA KILIMO CHA UMWAGILIAJI

Posted on October 3, 2018October 3, 2018

Vijana wa Kikundi cha No Sweat No Sweet cha Kijijini Bugunda wakiwa wanaendelea na kazi za Uzalishaji kwenye bustani yao

Na Verediana Mgoma, Msaidizi wa Mbunge

VIKUNDI vya Kilimo cha Umwagiliaji ndani ya Jimbo la Musoma Vijijini vimejipanga kutoa ELIMU itakayohamasisha VIJANA na AKINA MAMA kuchangamkia fursa za KILIMO cha UMWAGILIAJI hasa kwa jamii zinazoishi karibu na vyanzo vya maji mengi yanayoweza kutumika kwenye umwagiliaji.

Hayo yamezungumzwa mapema wiki hii na Ndugu Gudluck Wambwe ambaye ni Mwenyekiti wa Kikundi cha NO SWEAT NO SWEET cha Kijijini Bugunda, Kata ya Bwasi.

Kikundi hicho cha Kijijini Bugunda, kwa kipindi kirefu kimekuwa kikijishughulisha na Kilimo cha Bustani za Mbogamboga na Matunda.

Ndugu Gudluck Wambwe alisema kuwa, wamekuwa wakipata maarifa ya Kilimo cha Umwagiliaji kutoka kwa Mtaalamu wa Kilimo wa Kata yao.

Ameongezea kuwa “Kupitia Kilimo cha Umwagiliaji tayari wamekwishanufaika na faida za Kilimo hicho ni nyingi zikiwemo: kuwa na uwezo wa kifedha wa kugharimia mahitaji ya shule ya watoto wao, na kujipatia mahitaji mbalimbali ya kifamilia.”

Aidha, Kiongozi huyo alisema kuwa, malengo yao ya sasa ni kuielimisha jamii kuhusu Kilimo cha Umwagiliaji tofauti na ilivyozoeleka hapo awali kujikita kwenye Kilimo cha Asili (msimu wa mvua) peke yake.

Kwa upande wake Afisa Kilimo wa Kata, Ndugu Gustav Tesha alieleza kuwa, anaendelea kuwapa elimu wakazi wa Kata za Bulinga na Bwasi juu ya Kilimo cha Umwagiliaji na anakiri kwamba jamii imekubali kubadilika na kuwa na mtazamo mpya wa kushiriki katika Kilimo cha Umwagiliaji.

Ikumbukwe kuwa, Kikundi cha NO SWEAT NO SWEET ni moja kati ya Vikundi 15 vilivyofadhiliwa Pampu, Mipira ya umwagiliaji na Mbegu kutoka kwenye Mgao wa FEDHA ZA MFUKO WA JIMBO awamu ya kwanza.

Wanakikundi na Washiriki wa Kikundi cha NO SWEAT NO SWEET wanamshukuru Mbunge wao Prof. Muhongo kwa juhudi zake za kuipa kipaumbele Sekta ya Kilimo cha Kisasa na chenye Manufaa ili kuinua Uchumi wa Wananchi wa Jimbo la Musoma Vijijini na wanasema kwao Kilimo ni Ajira.

KILIMO CHA KISASA CHA WANANCHI WENYEWE NDANI YA BONDE LA BUGWEMA

Posted on September 28, 2018September 28, 2018

Wananchi wa kijiji cha Bugwema na vijiji jirani vya Kata ya Bugwema na Kata za jirani wakimsikiliza kwa makini Mkuu wa Wilaya ya Musoma, Mhe Dkt Vincent Naahano katika mkutano uliohusu MRADI wa UWEKEZAJI wa BENKI YA MAENDELEO YA KILIMO Tanzania ndani ya Bonde la Bugwema.

Na Hamisa Gamba, Msaidizi wa Mbunge.

Alhamisi, tarehe 27.09.2018, saa 4 asubuhi, Mkuu wa Wilaya ya Musoma, Mhe Dkt Vincent Naahano ALIFANYA MKUTANO na WANANCHI wa Kijiji cha Bugwema, na kuongelea juu ya MRADI wa UWEKEZAJI wa BENKI YA MAENDELEO YA KILIMO Tanzania ndani ya Bonde la Bugwema.

Uwekezaji utakuwa wa KILIMO CHA UMWAGILIAJI kwenye SHAMBA LA BUGWEMA.

Mahudhurio kwenye Mkutano huo yalikuwa mazuri sana ambapo WANANCHI walitoka Kijiji cha Bugwema na VIJIJI JIRANI vya Kata ya Bugwema na Kata za jirani. Vilevile Watendaji wa Serikali Kata na Vijiji, na Viongozi wa Chama (CCM) walihudhuria Mkutano huu.

Imeelezwa kuwa moja ya shughuli kubwa zitakazoendeshwa na MRADI huu ni kwamba, Mwekezaji ambaye ni Benki ya Maendeleo ya Kilimo Tanzania ITAJENGA MIUNDOMBINU ya UMWAGILIAJI kwa ajili ya WANANCHI kufanya KILIMO cha UMWAGILIAJI ndani ya Bonde la Bugwema. Aidha Mwekezaji atatoa vifaa vya Kilimo kwa wananchi kwa MAKUBALIANO ya MKATABA baina ya pande zote mbili. Utaratibu wa kurejesha MIKOPO utahakikisha unawanufaisha WAKULIMA watakaokuwa ndani ya MRADI HUU.

Pembejeo zitakazotolewa na Benki ya Kilimo ni: ZANA za KISASA za Kilimo, MBEGU, MBOLEA na huduma nyiingine pale zitakapokuwa zinahitajika.

MAZAO MAKUU ya kuanzia yatakayolimwa kwa wingi ni MPUNGA, MAHINDI na VITUNGUU.

Kwa AWAMU YA KWANZA YA MRADI wanufaikaji watakuwa WANANCHI wa Bugwema na kadri MRADI utakapokuwa unaendelea, WANANCHI WENGINE (nje ya Bugwema) watakaribishwa kushiriki katika shughuli hizo za kilimo. HATIMAE GHARAMA ZA MWEKEZAJI ZIKIRUDI MRADI UTAKABIDHIWA KWA WANANCHI chini ya usimamizi wa Halmashauri yao.

Kwa taarifa hiyo ya Mkuu wa Wilaya (DC), wananchi wamekubali na kuupokea MRADI huo kwa furaha kubwa, huku wakithibitishiwa na Mhe DC kuendelea kuyatumia mashamba waliokuwa wamelima mwaka jana ndani ya BONDE HILO.

Eneo lingine katika BONDE (SHAMBA) hilo la Bugwema la zaidi ya EKARI 800 WAMEPEWA WAKAZI wa Bugwema kwa ajili ya MALISHO ya mifugo yao, na KUJENGA Shule, Zahanati na Ofisi ya Serikali ya Kijiji na Taasisi nyingine za Serikali.

Bugwema mambo ni moto, wananchi wanafurahishwa na Uongozi mzuri unaofanywa na Viongozi wa Wilaya ya Musoma (Halmashauri, Jimbo, Kata na Vijiji) wa kuhakikisha wananchi wake wanapata huduma stahiki na Maendeleo chanya.

Picha hapo chini zinaonyesha DC wa Wilaya ya Musoma akiwa na Wananchi na Viongozi mbalimbali waliokuwa kwenye Mkutano wa leo wa Kijijini Bugwema.

WAZIRI WA NISHATI AKAGUA UTEKELEZAJI WA MRADI WA REA III JIMBONI

Posted on September 27, 2018September 27, 2018

Waziri wa Nishati Dkt. Medard Kalemani akikagua Utekelezaji wa Mradi wa Umeme Vijijini wa REA III ndani ya Jimbo la Musoma Vijijini

Na Fedson Masawa, Msaidizi wa Mbunge

18 – 09 – 2018

WAZIRI wa Nishati Dkt. Medard Kalemani amefanya ziara ya Ukaguzi wa Utekelezaji wa Mradi wa Umeme Vijijini wa REA III ndani ya Jimbo la Musoma Vijijini ambapo pia ametumia fursa hiyo kuzungumza na wananchi wa Jimbo hilo kuhusu masuala mbalimbali yahusuyo Umeme Vijijini.

Akizungumza katika Mkutano wa hadhara leo Agosti 18, 2019 Kijijini Nyakatende, Dkt. Kalemani amewahakikishia wananchi wa Jimbo la Musoma Vijijini kwamba TAASISI, maeneo mbalimbali ya UWEKEZAJI na VITONGOJI vyote 374 vya Jimbo VITAPATA UMEME.

Awali akieleza kuhusu kero ya Umeme Musoma Vijijini, Waziri Kalemani amesisitiza kuwa Prof Muhongo aliomba Umeme kwenye Vijiji vyake vyote 68 na amepewa Vijiji vyote katika Mradi wa REA III

Akisisitiza juu ya jambo hilo, Dkt. Kalemani amesema kuwa kazi ya Mkandarasa ni kuhakikisha anapeleka umeme Vijiji vyote 68 vyenye VITONGOJI 374 katika awamu hii ya REA III

“Hakuna kijiji, hakuna kitongoji na hakuna mwananchi atakayerukwa katika Mradi huu” Amesisitiza Mhe Dkt. Kalemani

Aidha Waziri Dkt Kalemani ametoa maelekezo ya Uboreshaji wa Utekelezaji wa Mradi wa REA III mbele ya Mkuu wa Wilaya ya Musoma, Madiwani na WANANCHI wa Musoma Vijijini.

Dkt. Kalemani amewaagiza watendaji wake kufanya kazi bila kuondoka saiti hadi watakapokamilisha kazi hiyo.

“Mkandarasi nataka usihamishe genge, peleka genge kila kijiji. Badala ya kuhamishahamisha,” alisema Waziri wa Nishati Mhe Dkt Kalemani.

Vilevile, Dkt. Kalemani ameshiriki Tukio la Kuwasha Umeme Kijijini Nyakatende kuashiria Uzinduzi rasmi wa Mradi wa REA III Musoma Vijijini.

Katika Ziara yake hiyo, Dkt Kalemani aliongozana viongozi mbalimbali kutoka Wizara ya Nishati na Taasisi zake ambao ni pamoja na Kaimu Mkurugenzi Mkuu TANESCO, Kaimu Mtendaji Mkuu wa REA, Meneja wa TANESCO Mkoa wa Mara, Engineer wa TANESCO Kanda ya Ziwa (Mwanza), Engineer wa Miradi ya REA Kutoka Makao Makuu, na Mkandarasi wa Mradi wa REA III Mkoa wa Mara.

Dkt. Kalemani amehitimisha ziara yake Jimboni kwa kutoa pongezi nyingi kwa Mbunge wa Jimbo, Prof Muhongo kwa Jitihada kubwa za Maendeleo anazozifanya. akishirikiana na Mkuu wa Wilaya, Dr. Vicent Naano na Viongozi wengine. Mhe Waziri amewataka Madiwani na Mkurugenzi wa Halmashauri kuhakikisha Jimbo la Musoma Vijijini linapiga hatua kubwa za kimaendeleo.

KILA KIJIJI KINACHANGIWA KILO 100 ZA MBEGU YA MTAMA.

Posted on August 31, 2018October 28, 2018

KILA KIJIJI KINACHANGIWA KILO 100 ZA MBEGU YA MTAMA. MBEGU ZA ALIZETI AMBAZO ZIKO KWENYE OFISI ZA KATA ZOTE 21 NAZO ZINAGAWAWIWA KWA WAKULIMA

Picha 5 hapo chini zinaonyesha upokeaji wa Mbegu za Mtama kwenye Kata 5 zilizogawiwa siku ya Alhamisi (30.08.2018).

Picha Na 1 Kata ya BUGOJI, Na 2 BUGWEMA,Na 3 MUSANJA,Na 4 MURANGI,Na 5 RUSOLI.

KIJIJI CHA BUTATA CHAEZEKA CHUMBA KINGINE CHA DARASA KWA KUTUMIA MCHANGO WA FEDHA ZA MFUKO WA JIMBO

Posted on August 30, 2018August 30, 2018

KAZI za Uezekaji wa Chumba cha DARASA la Shule ya Msingi Butata

Na Verediana Mgoma, Msaidizi wa Mbunge

Uongozi wa Shule ya Msingi Butata kwa kushirikiana na WANANCHI na Serikali ya Kijiji cha Butata wamefanikisha zoezi la uezekaji wa Chumba kingine cha DARASA baada ya kupokea Mchango wa Mabati 54 kutoka kwenye Fedha za Mfuko wa Jimbo ili kuendeleza jitihada za kupunguza tatizo la uhaba wa madarasa na MSONGAMANO wa WANAFUNZI madarasani.

Awali, akizungumza na Mwandishi wa Habari hizi, Mwenyekiti wa Serikali ya Kijiji cha Butata, Ndugu Cleophance Kasara alieleza kuwa

“Serikali ya Kijiji chetu kwa kushirikiana na WANANCHI inaendelea na zoezi la Ujenzi wa VYUMBA VYA MADARASA ili kupunguza tatizo hilo Shuleni hapo.”

Aidha, Mwenyekiti huyo ameongezea kuwa ataendelea KUHAMASISHA Wananchi wake kujitolea ili kufanikisha shughuli za MAENDELEO KIJIJINI humo.

Naye Kaimu Mtendaji wa Kijiji cha Butata, Ndugu Mushangi Salige amefafanua kuwa, MWAMKO wa WANANCHI wa Kijiji hicho katika Ujenzi wa Vyumba Viwili (2) vya MADARASA umekuwa msaada mkubwa kwa WANAFUNZI ambao awali walikuwa wakisomea nje. Jua kali na mvua vilikuwa kero kubwa.

Diwani wa Kata ya Bukima, Mhe January Simula ameshukuru na kuiomba SERIKALI YETU iendelee kuwaunga mkono ili kufanikisha suala la MAENDELEO.

Mhe Diwani Simula ametoa shukrani zake kwa Mbunge wa Jimbo la Musoma Vijijini Prof Muhongo kwa msaada wa SARUJI MIFUKO 60 iliyojenga Vyumba Viwili (2) vya Madarasa na Mabati 108 (54 kutoka Mfuko wa Jimbo na 54 kutoka kwa Mbunge) ambayo yote yametumika kuezeka Vyumba hivyo vya Madarasa.

Sambamba na Michango hiyo, Shule ya Msingi Butata A na B zimeshapokea Jumla ya Madawati 86 kutoka kwa Mbunge Prof Muhongo, mchango uliomaliza kabisa uhaba wa Madawati Shuleni hapo kulingana na mahitaji ya wakati huo.

KASI YA UBORESHAJI WA MIUNDOMBINU YA ELIMU JIMBONI YAONGEZEKA

Posted on August 21, 2018August 21, 2018

Wananchi wakishiriki katika kazi ya kujaza kifusi kwenye Msingi wa SHULE MPYA ya MSINGI YA BUANGA

Na Verediana Mgoma, Msaidizi wa Mbunge

WANANCHI WA KIJIJI CHA BUANGA WAANZA UJENZI WA SHULE MPYA

Wananchi wa Kijiji cha Buanga, Kata ya Rusoli WAMEAMUA KUJITOLEA kujenga Vyumba Vinne (4) vya MADARASA katika Shule Mpya ya Msingi inayojengwa katika Kitongoji cha Chilugwe ili kuwapunguzia UMBALI WATOTO WANAOTEMBEA WA takribani Km 5 kwenda masomoni kwenye Shule ya Msingi Bwenda.

Ujenzi wa Shule Mpya katika Kijiji cha Buanga, ni hatua muhimu katika KUINUA KIWANGO cha UBORA WA ELIMU itolewayo kwenye Kata ya Rusoli. WANAFUNZI ambao wengi wao wamelazimika kukatisha masomo yao na wengine kuwa watoro sugu shuleni, SASA WAMEKUWA NA MATUMAINI MAPYA KIELIMU.

Awali wakizungumza na Mwandishi wa Habari hizi Kijijini Buanga, WANANCHI hao wameeleza kwa namna ambavyo wamewiwa kwa kutoa maeneo yao, kuuza mifugo yao kwa ajili ya ujenzi wa SHULE hiyo MPYA ili kuokoa na kuinua taaluma kwa WATOTO WAO hasa wenye umri wa kuanza SHULE, likiwemo DARASA la AWALI.

Akitoa taarifa ya ujenzi huo, Mtendaji wa Kijiji cha Buanga, Ndugu Tumaini Rugembe, ameeleza kwamba, “umbali umekuwa kisababishi cha watoto wao kupotea, na kutofika shuleni kwa muda muafaka.” Aliongezea kuwa hadi kufikia January 2019, wanatarajia SHULE hiyo iwe IMEFUNGULIWA.”

Diwani wa Kata ya Rusoli, Mhe Boazi M. Nyeura kwa niaba ya wananchi wake amesema kuwa, ANAUTAMBUA MCHANGO mkubwa wa SERIKALI na VIONGOZI mbalimbali ikiwa ni pamoja na Mbunge Prof Sospeter Muhongo kwa mchango wake wa MADAWATI 162 katika Shule ya Msingi Bwenda A na B, SARUJI MIFUKO 120 na MABATI 50.

MFUKO WA JIMBO ulichangia MABATI 54 na Halmashauri ilichangia Shilingi Milioni 5 kwa ajili ya ukamilishaji wa Vyumba Vinne (4) vya Madarasa katika Shule ya Bwenda A na B, Kijijini Buanga.

Aidha Diwani alimpongeza Mkuu wa Wilaya(DC) Dr. Vincent Naano Anney kwa UHAMASISHAJI wake kwa WANANCHI ili kuwezesha ujenzi wa Vyumba vya MADARASA na MAABARA ndani ya Kata ya Rusoli.

Mhe Diwani Boazi Nyeura AMEENDELEA KUWAOMBA WADAU WA MAENDELEO WAJITOKEZE kushirikiana na Wananchi wa Kata ya Rusoli KUBORESHA MIUNDOMBINU ya ELIMU na AFYA NDANI YA KATA HIYO.